បញ្ជាការដ្ឋានយោធាខេត្ត Binh Phuoc អញ្ជើញទៅសួរសុខទុក្ខ និងជូនពរឆ្នាំថ្មីដល់បណ្ដាអង្គភាពក្នុងខេត្តមណ្ឌលគិរី
កប.អនឡាញ - ក្នុងឱកាសពិធីបុណ្យចូលឆ្នាំថ្មីប្រពៃណីជាតិខ្មែរ នាថ្ងៃទី៦ និងថ្ងៃទី៧ ខែមេសា គណៈប្រតិភូនៃបញ្ជាការដ្ឋានយោធាខេត្ត Binh Phuoc បានអញ្ជើញទៅសួរសុខទុក្ខ ជូនពរឆ្នាំថ្មី និងជូនអំណោយ ដល់នាយទាហាន នាយទាហានរង ពលទាហាន នៃតំបន់ប្រតិបត្តិការសឹករងមណ្ឌលគិរី និងបញ្ជាការដ្ឋានកងរាជអាវុធហត្ថខេត្តមណ្ឌលគិរី។
គណៈប្រតិភូដឹកនាំដោយលោកវរសេនីយ៍ឯក Pham Khac Toan មេបញ្ជាការរង និងជានាយសេនាធិការ នៃបញ្ជាការដ្ឋានយោធាខេត្ត Binh Phuoc។
នៅតាមអង្គភាពនានា លោកវរសេនីយ៍ឯក Pham Khac Toan ជូនពរឆ្នាំថ្មីជូនថ្នាក់ដឹកនាំ នាយទាហាន នាយទាហានរង និងពលទាហាន នៃតំបន់ប្រតិបត្តិការសឹករងមណ្ឌលគិរី និងបញ្ជាការដ្ឋានកងរាជអាវុធហត្ថខេត្តមណ្ឌលគិរី ហើយទន្ទឹមនឹងនោះរួមជាមួយថ្នាក់ដឹកនាំអង្គភាពនានាផ្លាស់ប្តូរ និងឯកភាពថា៖ នៅឆ្នាំ២០២៣ បញ្ជាការដ្ឋានយោធាខេត្ត Binh Phuoc និងតំបន់ប្រតិបត្តិការសឹករងមណ្ឌលគិរី បញ្ជាការដ្ឋានកងរាជអាវុធហត្ថខេត្តមណ្ឌលគិរី បានផ្លាស់ប្តូរព័ត៌មានជាប្រចាំ សាមគ្គីភាព រក្សាសន្តិសុខ សណ្តាប់ធ្នាប់នៅតាមព្រំដែន និងលើកកំពស់ជីវភាពរស់នៅរបស់ប្រជាជនតាមព្រំដែន កសាងស្ថាប័ន និងអង្គភាពរឹងមាំលើគ្រប់ជ្រុងជ្រោយ។ តំបន់ប្រតិបត្តិការសឹករងមណ្ឌលគិរី បញ្ជាការដ្ឋានកងរាជអាវុធហត្ថខេត្តមណ្ឌលគិរី តែងតែខិតខំប្រឹងប្រែងសម្របសម្រួលជួយស្វែងរក ប្រមូល និងធ្វើមាតុភូមិនិវត្តន៍អដ្ឋិធាតុកងទ័ពស្ម័គ្រចិត្តវៀតណាមដែលបានពលីជីវិតក្នុងសម័យសង្គ្រាម ទៅប្រទេសវៀតណាមវិញ។
|
|
គណៈប្រតិភូនៃបញ្ជាការដ្ឋានយោធាខេត្ត Binh Phuoc ពិភាក្សាជាមួយគណៈប្រតិភូនៃតំបន់ប្រតិបត្តិខេត្តមណ្ឌលគិរី |
ថ្នាក់ដឹកនាំបញ្ជាការដ្ឋានយោធាខេត្ត Binh Phuoc និងថ្នាក់ដឹកនាំតំបន់ប្រិតបត្តិការសឹករងមណ្ឌលគិរី និងបញ្ជាការដ្ឋានកងរាជអាវុធហត្ថខេត្តមណ្ឌលគិរី ក៏បានពិភាក្សា និងឯកភាពលើខ្លឹមសារ និងវិធានការជាច្រើនសម្រាប់កិច្ចសហប្រតិបត្តិការនាពេលខាងមុខ ដូចជា៖ ការបង្កើនការផ្លាស់ប្តូរព័ត៌មានស្តីពីស្ថានភាពទាក់ទងនឹងសន្តិសុខនយោបាយ សណ្តាប់ធ្នាប់ និងសុវត្ថិភាពសង្គម ចែករំលែកបទពិសោធន៍ក្នុងការងារជួយសង្គ្រោះ សម្របសម្រួលក្នុងការទប់ស្កាត់ និងប្រឆាំងបទល្មើសគ្រប់ប្រភេទ និងការស្វែងរកអដ្ឋិធាតុកងទ័ពស្ម័គ្រចិត្តវៀតណាម ដែលបានពលីជីវិតក្នុងសម័យសង្គ្រាម...
បកប្រែដោយ Duy Hoan