បេសកជនពិសេសរបស់រាជរដ្ឋាភិបាលកម្ពុជា៖ «យើងរៀនសូត្របានច្រើនពីការរៀបចំស៊ីហ្គេមរបស់វៀតណាម»
កប.អនឡាញ - គណៈប្រតិភូកម្ពុជាបានជួបពិភាក្សា និងរៀនសូត្របទពិសោធន៍ពីការរៀបចំស៊ីហ្គេមរបស់វៀតណាម។
នៅរសៀលថ្ងៃទី១១ ខែឧសភា គណៈប្រតិភូកម្ពុជា ដឹកនាំដោយលោក លី វ៉ាន់ហុង បេសកជនពិសេសរបស់រាជរដ្ឋាភិបាលកម្ពុជា និងជាអគ្គនាយកនៃអគ្គនាយកដ្ឋានរដ្ឋបាល និងហិរញ្ញវត្ថុ ក្រសួងព័ត៌មានកម្ពុជា បានអញ្ជើញមកទស្សនកិច្ចការងារនៅមជ្ឈមណ្ឌលសារព័ត៌មាន និងមជ្ឈមណ្ឌលទូរទស្សន៍អន្តរជាតិ ស៊ីហ្គេម ៣១ ដើម្បីរៀនសូត្រពីបទពិសោធន៍រៀបចំព្រឹត្តិការណ៍ស៊ីហ្គេម លើកទី៣២ ដែលនឹងប្រព្រឹត្តទៅនៅកម្ពុជានាឆ្នាំ ២០២៣ ខាងមុខ។
|
|
លោក លី វ៉ាន់ហុង (អាវពណ៌ខៀវ) បានឲ្យដឹងថា គណៈប្រតិភូរៀនសូត្របទពិសោធន៍បានច្រើនពីប្រទេសវៀតណាម (រូបថត៖ toquoc.vn) |
ក្នុងឱកាសនេះ គណៈប្រតិភូកម្ពុជាបានទស្សនា ពិភាក្សា និងស្វែងយល់យ៉ាងយកចិត្តទុកដាក់នៅមជ្ឈមណ្ឌលសារព័ត៌មាន (MPC) និងមជ្ឈមណ្ឌលទូរទស្សន៍អន្តរជាតិ (IBC) នៃប្រទេសវៀតណាម។ ក្នុងនោះ លោក លី វ៉ាន់ហុង បានចំណាយពេលច្រើនក្នុងការស្វែងយល់ និងវិភាគបទពិសោធន៍នៅ IBC។
បេសកជនពិសេសរបស់រាជរដ្ឋាភិបាលកម្ពុជា បានបញ្ជាក់ថា តាមរយៈដំណើរទស្សនកិច្ចនេះ គណៈប្រតិភូមានបំណងចង់ស្វែងយល់អំពីការចាត់តាំងរៀបចំរបស់មជ្ឈមណ្ឌលសារព័ត៌មាននៅប្រទេសវៀតណាម ក្នុងអំឡុងស៊ីហ្គេមនេះ ដោយហេតុនេះ រៀនសូត្រ និងដកបទពិសោធន៍ជាក់ស្តែង ដើម្បីរៀបចំព្រឹត្តិការណ៍លើកទី៣២ នៅឆ្នាំក្រោយ។
លោក លី វ៉ាន់ហុង បានបញ្ជាក់ថា បន្ទាប់ពីដំណើរទស្សនកិច្ចនេះ យើងបានដកបទពិសោធន៍មួយចំនួន។ លោក លី វ៉ាន់ហុង ឲ្យដឹងថា ខ្ញុំជឿជាក់ថា ដោយមានការខិតខំប្រឹងប្រែង កម្ពុជានឹងធ្វើជាម្ចាស់ផ្ទះស៊ីហ្គេមលើកទី៣២ ដោយជោគជ័យ៕
បកប្រែដោយ Duy Hoan