សមាគមមិត្តភាពវៀតណាមកម្ពុជា សាខាខាងត្បូងវៀតណាមបន្តយកចិត្តទុកដាក់ដល់និស្សិតកម្ពុជា និងជួយគាំទ្រសហគ្រាសឱ្យជំនះជំងឺរាតត្បាតកូវីដ១៩
កប.អនឡាញ - នាពេលថ្មីៗនេះ នៅទីក្រុងហូជីមិញ សមាគមមិត្តភាពវៀតណាម - កម្ពុជា បានរៀបចំកិច្ចប្រជុំឆ្លងរបាយការណ៍ស្តីពីសកម្មភាពរបស់គណៈកម្មាធិការអចិន្ត្រៃយ៍នៃសមាគមមិត្តភាពវៀតណាម-កម្ពុជា សាខាខាងត្បូងវៀតណាម និងជួបប្រជុំជាមួយសហគ្រាសជាសមាជិកក្លឹបពាណិជ្ជកម្មវៀតណាម - កម្ពុជា។
បើយោងតាមរបាយការណ៍ដែលបានថ្លែងនៅកិច្ចប្រជុំនេះបានឲ្យដឹងថា នៅឆ្នាំ ២០២០ សមាគមមិត្តភាពវៀតណាម-កម្ពុជា បានបង្កើតសាខាសមាគមមិត្តភាព វៀតណាម-កម្ពុជា នៅខេត្ត Binh Dinh, ខេត្ត Ba Ria-Vung Tau និងខេត្ត Gia Lai ព្រមទាំងបានចូលរួមសកម្មភាពអបអរសាទរទិវាបុណ្យឯករាជ្យជាតិនៃប្រទេសកម្ពុជា សកម្មភាពអបអរសាទរខួបលឹកទី៥៣ នៃការបង្កើតទំនាក់ទំនងការទូតរវាង វៀតណាម - កម្ពុជា និងពិធីបុណ្យប្រពៃណីជាតិខ្មែរផ្សេងៗទៀត។
|
|
ទិដ្ឋភាពនៃជំនួប (រូបថត៖ thoidai.com.vn) |
លើសពីនេះទៀត សមាគមមិត្តភាព វៀតណាម-កម្ពុជា ក៏តែងតែចាត់ក្រុមសប្បុរសធម៌ទៅជួយដល់ប្រជាជននៅតំបន់ដាច់ស្រយាល និងជួបការលំបាកនៅទីក្រុង Buon Me Thuot នៃខេត្ត Dak Lak, ខេត្ត Binh Phuoc និងស្រុកជាប់ព្រំដែនចំនួន ២ នៃខេត្ត Dak Lak ។
ទាក់ទងនឹងសកម្មភាពរបស់ក្លឹបពាណិជ្ជកម្ម វៀតណាម-កម្ពុជា ក្នុងឆ្នាំកន្លងមកនេះ ក្លឹបបានសហការជាមួយសារមន្ទីរអាវផាយនៃទីក្រុងហូជីមីញ រៀបចំពិធីបណ្តុះមិត្តភាពនៅថ្ងៃទី១ ខែវិច្ឆិកាខាងមុខ និងមហោស្រពសិល្បៈ វប្បធម៌វៀតណាម - ឡាវ - កម្ពុជា រួមទាំងជួយគាំទ្រ និងថែទាំនិស្សិតកម្ពុជាដែលកំពុងសិក្សានៅប្រទេសវៀតណាម។
នៅក្នុងឱកាសនេះ ចំពោះការវិវឌ្ឍន៍ដ៏ស្មុគស្មាញនៃការរីករាលដាលជំងឺរាតត្បាតកូវីដ ១៩ នោះ សមាគមមិត្តភាពវៀតណាម - កម្ពុជា សាខាខាងត្បូងវៀតណាម បានប្រគល់សម្ភារៈបរិក្ខារពេទ្យជូនស្ថានអគ្គកុងស៊ុលកម្ពុជាប្រចាំនៅទីក្រុងហូជីមិញ៕
បកប្រែដោយ Duy Hoan