សមាគមនារីខ្មែរ-វៀតណាមបានប្រារព្ធទិវានារីអន្តរជាតិ ៨ ខែមីនា

អញ្ជើញចូលរួមពិធីមានលោក Lai Xuan Chien តំណាងស្ថានទូតវៀតណាមប្រចាំនៅកម្ពុជា ថ្នាក់ដឹកនាំសមាគមខ្មែរ - វៀតណាម សមាគមនិងសហគ្រាសវៀតណាមមួយចំនួនដែលកំពុងធ្វើអាជីវកម្មនៅកម្ពុជា រួមទាំងសមាជិកាសមាគមនារីខ្មែរ - វៀតណាមផងដែរ។

លោក Chau Van Chi ប្រធានសមាគមខ្មែរ - វៀតណាមជូនផ្កាសមាគមនារីខ្មែរ -វៀតណាម

ថ្លែងនៅក្នុងពិធី លោកស្រី Pham Thi Hanh ប្រធានសមាគមនារីខ្មែរ - វៀតណាមបានឲ្យដឹងថា ថ្នាក់ដឹកនាំ និងសមាជិកានៃសមាគមនារីខ្មែរ -វៀតណាមបានរៀប​ចំសកម្មភាពជាច្រើនក្នុងការជួយគាំទ្រស្ដ្រីក្នុងសហគមន៍។ សមាគមនឹងផ្តោតទៅលើការលើកកម្ពស់ការយល់ដឹងដល់​ស្ត្រីខ្មែរដើមកំណើតវៀតណាមសម្រាប់សិទ្ធិសមភាពយេនឌ័រ ជួយពួកគេធ្វើសមាហរណកម្ម និងអភិវឌ្ឍន៍ឱ្យកាន់តែល្អប្រសើរ។ លើសពីនេះទៀតសមាគមក៏បានលើកទឹកចិត្ដបងប្អូនស្រីបង្កលក្ខណៈងាយស្រូលសម្រាប់កូនចៅៗបានទៅសិក្សារៀន​សូត្រ​ផងដែរ។

លោក Chau Van Chi ប្រធានសមាគមខ្មែរ - វៀតណាមបានមានប្រសាសន៍ថា ស្ត្រីដើរតួនាទីយ៉ាងសំខាន់ក្នុងការអភិវឌ្ឍ​សហគមន៍វៀតណាមនៅកម្ពុជា។ លោកបានសម្តែងនូវគោលបំណងថា សមាគមនារីខ្មែរ - វៀតណាមនឹងរៀបចំសកម្មភាពជាច្រើនដើម្បី​ជួយបងប្អូនស្រីនៅក្នុងសហគមន៍ចិញ្ចឹមបីបាច់កូនៗ ខិតខំលើកកម្ពស់កំរិតវប្បធម៌ រួមចំណែកនាំមកនូវជីវភាពរស់នៅឲ្យមានសុខសាន្ដ​ សុភមង្គលសម្រាប់គ្រួសារនីមួយៗ និងសង្គមទាំងមូល៕

បកប្រែដោយ Pham Diep