សូមរំលឹកថា នៅវេលាម៉ោង ៧៖៣០ យប់ ថ្ងៃទី៦ ខែកក្កដា វៀតណាម MRCC បានទទួលព័ត៌មានថា ក្នុងដំណើរពីប្រទេសចិនទៅកាន់ប្រទេសសិង្ហបុរី នៅចម្ងាយ ៣០ ម៉ាយ ពីទីក្រុង Nha Trang ទៅប៉ែកខាងកើត ម្រាមដៃមួយនៅបាតដៃឆ្វេងរបស់នាវិកឈ្មោះ Liang Fengshan សញ្ជាតិចិន កើតឆ្នាំ១៩៨៧ នៃនាវា Xin Dan Yang ត្រូវបានកាត់ផ្ដាច់ចេញពីបាតដៃក្នុងអំឡុងពេលធ្វើការ។

leftcenterrightdel
ក្រុមគ្រូពេទ្យនៃវៀតណាម MRCC ពិនិត្យសុខភាពរបស់អ្នកជំងឺ (រូបថត៖ វៀតណាម MRCC តំបន់លេខ៤)

វៀតណាម MRCC បានធ្វើការដោយផ្ទាល់ជាមួយនាវាដើម្បីធ្វើបច្ចុប្បន្នភាពស្ថានភាពបាតដៃអ្នកជំងឺ និងបញ្ជាឲ្យនាវា SAR លេខ២៧៣ ដែលប្រចាំការនៅ Nha Trang ទៅបំពេញភារកិច្ចភ្លាមៗ។ នាវា SAR លេខ២៧៣ បានចូលទៅជិតនាវា Xin Dan Yang យ៉ាងលឿន។ ក្រុមគ្រូពេទ្យរបស់វៀតណាម MRCC និងកងកម្លាំងផ្សេងទៀតបានសហការជាមួយកងទ័ពការពារព្រំដែនខេត្ត Khanh Hoa និងម្ចាស់នាវាជនរងគ្រោះ ដើម្បីទទួល ពិនិត្យ និងធ្វើរោគវិនិច្ឆ័យដំបូង។ នៅវេលាម៉ោង ១១៖៥០ នាទី យប់ ថ្ងៃដដែល នាវាចិនបានចូលចតនៅកំពង់ផែវៀតណាម MRCC តំបន់លេខ៤ ហើយបញ្ជូនអ្នកជំងឺទៅកាន់មន្ទីរពេទ្យពហុព្យាបាលខេត្ត Khanh Hoa ដើម្បីព្យាបាល៕

បកប្រែដោយ Thuy Anh