ថវិកាជាង ១.៦ ពាន់លានដុងដើម្បីជួយអ្នកក្រីក្រនៅតំបន់ព្រំដែនរៀបចំបុណ្យចូលឆ្នាំថ្មីប្រពៃណីជាតិ

នេះជាសកម្មភាពជាក់ស្តែង និងមានអត្ថន័យ ក្នុងបំណងពង្រឹងសាមគ្គីភាពរវាងកងទ័ព-ប្រជាជន រួមចំណែករក្សាសណ្តាប់ធ្នាប់ និងសន្តិសុខនៅតំបន់ព្រំដែនជាតិ។

ថ្នាក់ដឹកនាំកងទ័ពការពារព្រំដែនខេត្ត Dak Nong ប្រគល់អំណោយជូនប្រជាពលរដ្ឋដែលមានស្ថានភាពលំបាក

តាមនោះ កម្មវិធី “និទាឃរដូវនៅតំបន់ព្រំដែន ធ្វើឲ្យបេះដូងអ្នកភូមិកក់ក្ដៅ” ឆ្នាំ២០២៤ បានប្រគល់ផ្ទះមហាសាមគ្គីចំនួន ៤ ខ្នង ដែលមានតម្លៃ ២៨០ លានដុង ផ្តល់អាហារូបករណ៍ដល់និស្សិតចំនួន ២១០ នាក់ដែលមានតម្លៃជាង ៧៣៧ លានដុង និងអំណោយរាប់ពាន់កញ្ចប់ជូនដល់ប្រជាពលរដ្ឋដែលជួបការលំបាក។ ទឹកប្រាក់សរុបសម្រាប់ជួយប្រជាជនតាមតំបន់ព្រំដែនរៀបចំបុណ្យចូលឆ្នាំថ្មីប្រពៃណីជាតិគឺជាង ១.៦ ពាន់លានដុង។

ក្នុងឱកាសនេះផងដែរ សកម្មភាពជាក់ស្តែងជាច្រើនបានប្រព្រឹត្តទៅដូចជា៖ ពិធីបុណ្យនំអន្សម ល្បែងប្រជាប្រិយ ពិនិត្យសុខភាព និងចែកថ្នាំដោយឥតគិតថ្លៃជូនប្រជាពលរដ្ឋចំនួន ៣០០ នាក់ ជូនអន្សមចំនួន ១០០ ដល់គ្រួសារដែលមានការលំបាកនៅតំបន់។ល។

សមាជិកានៃសមាគមសហព័ន្ធនារី កម្មាភិបាល និងយុទ្ធជននៃកងទ័ពការពារព្រំដែន វេចនំអន្សមដើម្បីជូនគ្រួសារដែលមានស្ថានភាពលំបាក

តាងនាមថ្នាក់ដឹកនាំគណៈកម្មាធិការបក្សខេត្ត លោកស្រី Ha Thi Hanh ប្រធានគណៈកម្មាធិការចលនាមហាជនខេត្ត Dak Nong បានកោតសរសើរចំពោះលទ្ធផលដែលកងទ័ពការពារព្រំដែនខេត្ត Dak Nong សម្រេចបានក្នុងការបំពេញភារកិច្ចការពារអធិបតេយ្យភាព និងសន្តិសុខព្រំដែនជាតិ ថែរក្សាជីវភាពរស់នៅរបស់កម្មាភិបាល យុទ្ធជន និងប្រជាជននៅតាមតំបន់ព្រំដែន។

លោកស្រី Ha Thi Hanh បានស្នើថា នាពេលខាងមុខ កម្មាភិបាល និងយុទ្ធជននៃកងទ័ពការពារព្រំដែនខេត្ត Dak Nong បន្តពង្រីកស្មារតី និងការទទួលខុសត្រូវ ព្រមទាំងអនុវត្តបានល្អនូវគោលការណ៍ណែនាំ និងគោលនយោបាយក្នុងការគ្រប់គ្រង និងការពារព្រំដែន។ ទន្ទឹមនឹងនោះ កងទ័ពការពារព្រំដែនបន្តសហការជាមួយគណៈកម្មាធិការបក្ស អាជ្ញាធរ និងអង្គភាពនានា ដើម្បីជួយប្រជាពលរដ្ឋអភិវឌ្ឍសេដ្ឋកិច្ច-សង្គម តាមពាក្យស្លោក "មិនទុកនរណាម្នាក់ចោល"៕

បកប្រែដោយ Thuy Anh