សន្និសីទទ្វេភាគីលើកទី៦ រវាងកងឆ្មាំសមុទ្រវៀតណាម និងកងឆ្មាំសមុទ្រឥណ្ឌា

សន្និសីទនេះបានបូកសរុប និងវាយតម្លៃលទ្ធផលនៃកិច្ចសហប្រតិបត្តិការនាពេលកន្លងមកនេះ ព្រមទាំង ពិភាក្សា និងដាក់ទិសដៅសំខាន់ៗ ដើម្បីពង្រឹងទំនាក់ទំនងមិត្តភាព និងកិច្ចសហប្រតិបត្តិការរវាងកងកម្លាំងទាំងពីរឲ្យកាន់តែជាក់ស្ដែង និងមានប្រសិទ្ធភាព។

ទិដ្ឋភាពនៃសន្និសីទ

នៅក្នុងសន្និសីទនេះ លោកឧត្តមសេនីយ៍ត្រី Vu Trung Kien បានអះអាងថា ក្នុងប៉ុន្មានឆ្នាំកន្លងមកនេះ កងឆ្មាំសមុទ្រវៀតណាម និងកងឆ្មាំសមុទ្រឥណ្ឌាបានពង្រឹង និងពង្រីកកិច្ចសហប្រតិបត្តិការយ៉ាងជិតស្និទ្ធ និងស៊ីជម្រៅ។ ភាគីទាំងពីរបានរក្សាការផ្លាស់ប្តូរគណៈប្រតិភូ ការចែករំលែកបទពិសោធន៍ ការទៅទស្សនានាវា ការរៀបចំសមយុទ្ធរួមគ្នា ការបង្វឹកបង្ហាត់ ការបណ្តុះបណ្តាល និងការអប់រំ តាមរយៈនោះ រួមចំណែកក្នុងការលើកកម្ពស់ការយល់ដឹង ការជឿទុកចិត្ត និងកិច្ចសហការ។

ចំពោះទិសដៅនៃកិច្ចសហប្រតិបត្តិការសម្រាប់ឆ្នាំ២០២៦ ភាគីទាំងពីរបានឯកភាពបន្តបង្កើនដំណើរទស្សនកិច្ច ចូលរួមយ៉ាងសកម្មនៅក្នុងកម្មវិធី វគ្គបណ្តុះបណ្តាល និងសន្និសីទដែលរៀបចំដោយភាគីនីមួយៗ។ ភាគីទាំងពីរបន្តគាំទ្រគ្នាទៅវិញទៅមកនៅវេទិកាពហុភាគីដែលភាគីទាំងពីរជាសមាជិក។ កងកម្លាំងទាំងពីរក៏បានពិភាក្សាគ្នាអំពីយន្តការបង្កើតនូវសមយុទ្ធរួមគ្នាមួយដែលមានឈ្មោះថា "Sahyog-កិច្ចសហប្រតិបត្តិការ" ក្នុងដំណើរទៅទស្សនានាវានានា ដោយចាត់ទុកថានេះជានិមិត្តរូបនៃកិច្ចសហប្រតិបត្តិការរវាងភាគីទាំងពីរ។ ភាគីទាំងពីរបានឯកភាពរៀបចំសន្និសីទទ្វេភាគីលើកទី៧ នៅប្រទេសឥណ្ឌានៅឆ្នាំ២០២៦៕

បកប្រែដោយ Thuy Anh