កិច្ចសន្ទនា Shangri-La លើកទី ២២ មានការចូលរួមពីប្រតិភូជាង ៦០០ នាក់មកពីប្រទេសចំនួន៤៧ ដែលប្រព្រឹត្តទៅចាប់ពីថ្ងៃទី ៣០ ខែឧសភា ដល់ថ្ងៃទី ១ ខែមិថុនា ជាមួយនឹងកិច្ចប្រជុំពេញអង្គចំនួន ៦ និងកិច្ចប្រជុំចំនួន៣។

leftcenterrightdel
លោកនាយឧត្តមសេនីយ៍ Phan Van Giang ចូលរួមកិច្ចសន្ទនា Shangri-La លើកទី២២

លោក Phan Van Giang រដ្ឋមន្ត្រី បានថ្លែងសុន្ទរកថាសំខាន់ក្នុងសម័យប្រជុំពេញអង្គលើកទី២ ក្រោមប្រធានបទ “ធានាស្ថិរភាពក្នុងពិភពលោកពោរពេញទៅដោយការប្រកួតប្រជែង”។ លោក Phan Van Giang រដ្ឋមន្ត្រី បានសង្កត់ធ្ងន់ថា សន្តិភាព និងស្ថិរភាពនៅតែជាសេចក្តីប្រាថ្នានៅកន្លែងដែលមានជម្លោះ សង្គ្រាម ការគំរាមកំហែងជាច្រើនលើទូទាំងពិភពលោក។ “ធានាស្ថិរភាពក្នុងពិភពលោកពោរពេញទៅដោយការប្រកួតប្រជែង” គឺជាលក្ខខណ្ឌចាំបាច់ និងមិនអាចខ្វះបានសម្រាប់ការកសាងពិភពលោកសន្តិភាព ស្ថិរភាព កិច្ចសហប្រតិបត្តិការ និងការអភិវឌ្ឍ ដើម្បីផលប្រយោជន៍រួមរបស់បណ្ដាប្រទេស ព្រមទាំងជាតម្រូវការបន្ទាន់មួយនាពេលបច្ចុប្បន្ននេះ។ ដូច្នេះ ដើម្បីធានាស្ថិរភាពក្នុងពិភពលោកពោរពេញទៅដោយការប្រកួតប្រជែង លោក Phan Van Giang រដ្ឋមន្ត្រី បានលើកឡើងបញ្ហាសំខាន់ៗមួយចំនួន៖ ទី១ គឺត្រូវគោរពតាមគោលការណ៍ជាមូលដ្ឋាននៃធម្មនុញ្ញអង្គការសហប្រជាជាតិ និងច្បាប់អន្តរជាតិ គោរពតាមការសន្យា គោរពសមភាព ឯករាជ្យ អធិបតេយ្យ និងផលប្រយោជន៍ស្របច្បាប់របស់ប្រទេស និងប្រជាជាតិ ហើយចាត់ទុកនេះជាមូលដ្ឋានសម្រាប់ការដោះស្រាយជម្លោះអន្តរជាតិ និងការខ្វែងគំនិតគ្នា។ ទី២ ត្រូវមានសុច្ឆន្ទៈ និងតម្រូវការស្ថិរភាព ដើម្បីសហការអភិវឌ្ឍរួម។ ទី៣ បង្កើនការចែករំលែកទស្សនៈ កិច្ចសន្ទនា ដើម្បីដោះស្រាយបញ្ហា ការប្រកួតប្រជែង បង្កើតនិងអនុវត្តយន្តការសហប្រតិបត្តិការប្រកបដោយប្រសិទ្ធភាពនិងជាក់ស្តែង ទាំងទ្វេភាគី និងពហុភាគី។ ទី៤ គប្បីពង្រឹងកិច្ចសហប្រតិបត្តិការអន្តរជាតិក្នុងការដោះស្រាយបញ្ហាសន្តិសុខមិនប្រពៃណី។

leftcenterrightdel
លោកនាយឧត្តមសេនីយ៍ Phan Van Giang ថ្លែងសុន្ទរកថាក្នុងសម័យប្រជុំពេញអង្គលើកទី២

លោក Phan Van Giang រដ្ឋមន្ត្រី បានអះអាងថា ក្រសួងការពារប្រទេសវៀតណាមមានបំណងចូលរួមយ៉ាងសកម្ម និងទទួលខុសត្រូវជាមួយគំនិតផ្តួចផ្តើម និងយន្តការសហប្រតិបត្តិការជាក់ស្តែង និងមានប្រសិទ្ធភាពជាមួយក្រសួងការពារជាតិ និងកងទ័ពនៃប្រទេសនានា ដើម្បីជំរុញកិច្ចសហប្រតិបត្តិការ និងកិច្ចសន្ទនា ក្នុងស្មារគោរពច្បាប់ គោរពភាពខុសគ្នា ដើម្បីសន្តិសុខ និងវិបុលភាពក្នុងតំបន់ និងពិភពលោក។ វៀតណាមអនុវត្តយ៉ាងខ្ជាប់ខ្ជួននូវគោលនយោបាយការបរទេសឯករាជ្យ និងខ្លួនទីពឹងខ្លួន; ធ្វើពហុភាគីភាវូបនីយកម្ម និងពិពិធកម្មទំនាក់ទំនង គឺជាមិត្តល្អ ជាដៃគូដែលអាចទុកចិត្តបានជាមួយប្រទេសទាំងអស់ និងជាសមាជិកសកម្ម និងមានទំនួលខុសត្រូវនៃសហគមន៍អន្តរជាតិ។

ការដែលលោករដ្ឋមន្ត្រីក្រសួងការពារប្រទេសវៀតណាមត្រូវបានអញ្ជើញចូលរួម និងថ្លែងសុន្ទរកថាដំបូងក្នុងសម័យប្រជុំពេញអង្គលើកទី២ នៃកិច្ចសន្ទនា Shangri-La លើកទី២២ បង្ហាញពីការគោរព និងវាយតម្លៃខ្ពស់ចំពោះតួនាទីអន្តរជាតិដែលកាន់តែខ្ពស់របស់វៀតណាម ក៏ដូចជាការរួមវិភាគទានជាវិជ្ជមាន និងការទទួលខុសត្រូវរបស់វៀតណាមចំពោះសន្តិភាព ស្ថិរភាព កិច្ចសហប្រតិបត្តិការ និងការអភិវឌ្ឍវិបុលភាពក្នុងតំបន់ និងពិភពលោក។ សុន្ទរកថារបស់លោក Phan Van Giang រដ្ឋមន្ត្រីទទួលបានការយកចិត្តទុកដាក់ និងការវាយតម្លៃខ្ពស់ពីប្រតិភូ វាគ្មិន និងអ្នកសង្កេតការណ៍អន្តរជាតិ៕

បកប្រែដោយ Thuy Anh