លោកឧត្តមសេនីយ៍ទោ Nguyen Quang Ngoc ទទួលជួបគណៈប្រតិភូសមាជិកសភាសហរដ្ឋអាមេរិក

លោកឧត្តមសេនីយ៍ទោ Nguyen Quang Ngoc បានសង្កត់ធ្ងន់ថា ក្នុងបរិបទដែលទំនាក់ទំនងទ្វេភាគីមានការអភិវឌ្ឍដ៏ល្អ នាពេលកន្លងមក កិច្ចសហប្រតិបត្តិការលើវិស័យការពារជាតិរវាងវៀតណាម និងសហរដ្ឋអាមេរិកកាន់តែមានប្រសិទ្ធភាពក្នុងវិស័យជាច្រើនដូចជា៖ ការផ្លាស់ប្ដូរគណៈប្រតិភូគ្រប់លំដាប់ថ្នាក់ ការជួយសង្គ្រោះគ្រោះមហន្តរាយ ជំនះពុះពារលើផលវិបាកនៃសង្គ្រាម និងការរក្សាសន្តិភាពរបស់អង្គការសហប្រជាជាតិជាដើម។

លោកឧត្តមសេនីយ៍ទោ Nguyen Quang Ngoc ប្រគល់វត្ថុអនុស្សាវរីយ៍ជូនលោក John Moolenaar

លោកឧត្តមសេនីយ៍ទោ Nguyen Quang Ngoc មានបំណងចង់ឲ្យភាគីសហរដ្ឋអាមេរិកនឹងបន្តជួយវៀតណាមក្នុងការជំនះពុះពារលើផលវិបាកនៃសង្គ្រាម ជួយសង្គ្រោះគ្រោះមហន្តរាយ និងការរក្សាសន្តិភាពរបស់អង្គការសហប្រជាជាតិជាដើម ធ្វើឱ្យកិច្ចសហប្រតិបត្តិការលើវិស័យការពារជាតិទ្វេភាគីកាន់តែមានប្រសិទ្ធភាព រួមចំណែកដល់សន្តិភាព ស្ថិរភាព និងការអភិវឌ្ឍ។

លោកឧត្តមសេនីយ៍ទោ Nguyen Quang Ngoc និងលោក John Moolenaar ជាមួយគណៈប្រតិភូក្នុងជំនួប

រីឯខ្លួនវិញ លោក John Moolenaar វាយតម្លៃខ្ពស់ចំពោះតួនាទី និងកិត្យានុភាពរបស់វៀតណាម ព្រមទាំងវាយតម្លៃខ្ពស់ចំពោះកិច្ចសហប្រតិបត្តិការរវាងសហរដ្ឋអាមេរិកនិងវៀតណាមលើគ្រប់វិស័យ រួមទាំងវិស័យការពារជាតិ ស្របតាមក្របខ័ណ្ឌនៃទំនាក់ទំនងដៃគូយុទ្ធសាស្ត្រគ្រប់ជ្រុងជ្រោយរវាងប្រទេសទាំងពីរ។ លោក John Moolenaar បានសង្កត់ធ្ងន់ថា ដំណើរទស្សនកិច្ចការងាររបស់គណៈប្រតិភូសមាជិកសភាសហរដ្ឋអាមេរិកលើកនេះ សំដៅបន្តស្រាវជ្រាវនិងស្វែងរកឱកាសសហប្រតិបត្តិការថ្មីលើវិស័យផ្សេងៗ និងរួមដៃគ្នាជំរុញទំនាក់ទំនងរវាងប្រទេសទាំងពីរ៕

បកប្រែដោយ Pham Diep