កងទ័ពជើងទឹកវៀតណាម និងថៃ បញ្ចប់ការល្បាតរួមគ្នាលើកទី ៥០ ដោយជោគជ័យ

គួររំលឹកថា ចាប់ពីថ្ងៃទី ១៩ ដល់ថ្ងៃទី ២០ ខែវិច្ឆិកា ក្នុងដែនទឹកជាប់ព្រំដែនវៀតណាម-ថៃ កងនាវានៃកងទ័ពជើងទឹកនៃប្រទេសទាំងពីរបានសហការរៀបចំការល្បាតរួមគ្នាលើខ្សែផ្លូវចំនួន ៦ ដែលមានចម្ងាយជាង ៤៣០ ម៉ាយល៍។

កងនាវាកងទ័ពជើងទឹកវៀតណាម និងថៃល្បាតរួមគ្នា

ក្នុងដំណើរការល្បាតរួមគ្នានេះ ភាគីទាំងពីរបានគោរពគ្នានៅសមុទ្ររវាងកងនាវាកងទ័ពជើងទឹកនៃបណ្តាប្រទេសអាស៊ាន (Hello ASEAN); ហ្វឹកហាត់លើកការផ្ដល់សញ្ញាទង់ជាតិ ផ្លាស់ប្ដូរព័ត៌មានរវាងកម្លាំងប្រចាំការ អនុវត្តប្រតិបត្តិការស្វែងរក និងជួយសង្គ្រោះ…

លោកវរសេនីយ៍ឯកបំរុង Nguyen Van Cuong មេបញ្ជាការកងពលតូចលេខ ១៧៥ មេបញ្ជាការកងនាវាល្បាតនៃកងទ័ពជើងទឹកវៀតណាមបានឲ្យដឹងថា ទោះបីជាបំពេញភារកិច្ចក្នុងស្ថានភាពអាកាសធាតុមានរលកសមុទ្រខ្ពស់ និងខ្យល់បោកបក់ខ្លាំងក៏ដោយ ក៏កម្មាភិបាល និងយុទ្ធជននៃកងនាវាលេខ ២៦៣ និង​២៦៥ បានលើកកម្ពស់ស្មារតីទទួលខុសត្រូវ និងសម្រេចបានលទ្ធផល ១០០% នៃខ្លឹមសារសំរបសំរួល យោងតាមបទប្បញ្ញត្តិល្បាតរួម និងបង្កើតបណ្តាញទំនាក់ទំនងរវាងកងទ័ពជើងទឹកប្រជាជនវៀតណាម និងកងទ័ពជើងទឹកភូមិន្ទថៃដែលមេបញ្ជាការកងទ័ពជើងទឹកនៃប្រទេសទាំងពីរចុះហត្ថលេខាកាលពីថ្ងៃទី ១៤ ខែមិថុនា ឆ្នាំ ១៩៩៩។

កម្មាភិបាល និងយុទ្ធជននៃកងនាវាលេខ ២៦៥ ជម្រាបលាកងនាវានៃកងទ័ពជើងទឹកភូមិន្ទថៃ បន្ទាប់ពីបញ្ចប់ការល្បាតរួមគ្នា

ជាមួយនឹងការរៀបចំយ៉ាងហ្មត់ចត់ និងការសហការយ៉ាងជិតស្និទ្ធ ការល្បាតរួមលើកទី ៥០ ទទួលបានជោគជ័យ រួមចំណែករក្សាសន្តិសុខ និងសណ្តាប់ធ្នាប់ក្នុងដែនទឹកជាប់ព្រំដែនវៀតណាម - ថៃ ទន្ទឹមនឹងនោះជំរុញទំនាក់ទំនងសហប្រតិបត្តិការ  បង្កើនការយល់ដឹង និងទំនុកចិត្តរវាងកងទ័ពជើងទឹកនៃប្រទេសទាំងពីរ​៕

បកប្រែដោយ Pham Diep