នាយទាហានកងឆ្មាំសមុទ្រវៀតណាមពីរនាក់ ចូលរួមកងកម្លាំងរក្សាសន្តិភាពរបស់អង្គការសហប្រជាជាតិ

លោកវរសេនីយ៍ត្រី Luc Thai Ha អតីតជំនួយការការិយាល័យទំនាក់ទំនងអន្តរជាតិ បញ្ជាការដ្ឋានកងឆ្មាំសមុទ្រនឹងកាន់តំណែងជានាយទាហានវិភាគចារកម្មនៅស្ថានបេសកកម្មនៃសាធារណរដ្ឋអាហ្វ្រិកកណ្តាល។ លោកអនុសេនីយ៍ឯក Vu Quang Khai អតីតប្រធានរងនៃនាវា CSB 8020 កងនាវាលេខ ៣២ បញ្ជាការដ្ឋានកងឆ្មាំសមុទ្រតំបន់លេខ៣ នឹងកាន់តំណែងជាអ្នកសង្កេតការណ៍យោធានៅស្ថានបេសកកម្ម UNISFA។

លោកឧត្តមសេនីយ៍ត្រី Le Quang Dao ប្រគល់ភារកិច្ចជូនលោកវរសេនីយ៍ត្រី Luc Thai Ha និងលោកអនុសេនីយ៍ឯក Vu Quang Khai

ក្នុងពិធីប្រគល់ភារកិច្ច លោកឧត្តមសេនីយ៍ត្រី Le Quang Dao បានស្នើឱ្យនាយទាហានកងឆ្មាំសមុទ្រវៀតណាមដែលចូលរួមកងកម្លាំងរក្សាសន្តិភាពរបស់អង្គការសហប្រជាជាតិត្រូវយល់ដឹងយ៉ាងស៊ីជម្រៅអំពីតួនាទី ទំនួលខុសត្រូវរបស់ខ្លួន; អនុវត្តយ៉ាងម៉ឺងម៉ាត់នូវទស្សនៈ និងគោលនយោបាយការបរទេសរបស់បក្ស រដ្ឋ និងកងទ័ព; ម្ចាស់ការ ច្នៃប្រឌិត លើកកម្ពស់ភាពក្លាហាន និងអត្តចរិតគុណវុឌ្ឍិរបស់កងទ័ពលោក អ៊ំ ហូ និងយុទ្ធជនកងឆ្មាំសមុទ្រនៅពេលចូលរួមសកម្មភាពរក្សាសន្តិភាពរបស់អង្គការសហប្រជាជាតិ៕

បកប្រែដោយ Huyen Trang