ក្រសួងការពារប្រទេសវៀតណាម ជួយគាំទ្រកងទ័ពប្រជាជនឡាវ ក្នុងការបង្ការ និងប្រយុទ្ធប្រឆាំងនឹងជំងឺរាតត្បាត Covid-19

ទិដ្ឋភាពនៃកិច្ចប្រជុំ

ប្រឈមមុខនឹងការវិវឌ្ឍដ៏ស្មុគស្មាញនៃជំងឺរាតត្បាត Covid-19 នៅប្រទេសឡាវ ក្រសួងការពារប្រទេសវៀតណាម បានសំរេចចិត្តផ្តល់ជូនភាគីមិត្តនូវសំភារៈបរិក្ខារពេទ្យមួយចំនួន និងចាត់តាំងអ្នកជំនាញការវៀតណាមឲ្យជួយកងទ័ពប្រជាជនឡាវ ក្នុងការបង្ការ និងប្រយុទ្ធប្រឆាំងនឹងជំងឺរាតត្បាត Covid-19។ សកម្មភាពនេះមានគោលបំណងបន្តពង្រឹងចំណងសាមគ្គីភាពពិសេសរវាងប្រជាជន និងកងទ័ពនៃប្រទេសទាំងពីរ រួមចំណែកជំរុញកិច្ចសហប្រតិបត្តិការ និងការអភិវឌ្ឍទំនាក់ទំនងរវាងវៀតណាមនិងឡាវ។

លោកឧត្តមសេនីយ៍ត្រី Nguyen Hung Thang ប្រគល់ភារកិច្ចឲ្យក្រុមអ្នកជំនាញការវៀតណាម

ថ្លែងនៅក្នុងកិច្ចប្រជុំ លោកឧត្តមសេនីយ៍ត្រី Nguyen Hung Thang បានស្នើឲ្យក្រុមអ្នកជំនាញការខិតខំប្រឹងប្រែងជំនះពុះពាររាល់ការលំបាក ផ្លាស់ប្តូរបទពិសោធន៍ ណែនាំបុគ្គលិកពេទ្យយោធានៃប្រទេសមិត្តអំពីវិធានការបង្ការ និងប្រយុទ្ធប្រឆាំងនឹងជំងឺរាតត្បាត Covid-19។

បន្ទាប់ពីទទួលយកបេសកកម្មនេះហើយ នារសៀលថ្ងៃទី ២ ឧសភា ក្រុមអ្នកជំនាញការវៀតណាមបានចាកចេញទៅប្រទេសឡាវ។ នាថ្ងៃទី ៣ ឧសភា ក្រសួងការពារប្រទេសវៀតណាមនឹងរៀបចំពិធីប្រគល់សម្ភារៈបរិក្ខារពេទ្យជានិមិត្តរូបជូនភាគីឡាវ នៅច្រកទ្វារព្រំដែនអន្តរជាតិ Cau Treo (ខេត្ត Ha Tinh)៕

បកប្រែដោយ Huyen Trang