ឆ្នាំប្រធាអាស៊ាន២០២០ ដោយមានការរំពឹងទុកជាច្រើន
ប្រទេសវៀតណាមទទួលតួនាទីជាប្រធានអាស៊ាន២០២០ ក្នុងបរិបទដែលបរិយាកាសយុទ្ធសាស្ត្រមានការផ្លាស់ប្តូរយ៉ាងឆាប់រហ័ស ព្រមទាំងសន្តិភាព និងស្ថិរភាពក្នុងតំបន់កំពុងប្រឈមនឹងបញ្ហាជាច្រើនដែរ។ បណ្តាញការពារជាតិដែលដឹកនាំដោយក្រសួងការពារប្រទេសវៀតណាមត្រូវបានរំពឹងថានឹងបង្កើតនូវរបកគំហើញមួយដែលជា“ខ្យល់ថ្មី” រួមចំណែកក្នុងការពង្រឹងតួនាទីជាមជ្ឈភាពរបស់អាស៊ាន ហើយបង្កើនការកសាងទំនុកចិត្ត និងកិច្ចសហប្រតិបត្តិការជាក់ស្តែងដើម្បីថែរក្សាសន្តិភាព ស្ថិរភាព និងការអភិវឌ្ឍនៅអាស៊ីប៉ាស៊ីហ្វិក តាមរយៈសកម្មភាពនៃឆ្នាំអាស៊ាន២០២០ លើបណ្តាញយោធាការពារជាតិដោយផ្តោតលើកិច្ចប្រជុំរដ្ឋមន្ត្រីការពារជាតិអាស៊ាន (ADMM) និងកិច្ចប្រជុំរដ្ឋមន្ត្រីការពារជាតិអាស៊ានបូក (ADMM+)។
លោកឧត្តមសេនីយ៍ឯក Nguyen Chi Vinh បានមានប្រសាសន៍ថា គណៈកម្មាធិការបក្សយោធាមជ្ឈិម និងក្រសួងការពារប្រទេសបានប្តេជ្ញាទទួលយកតួនាទីជាប្រធានអាស៊ាន២០២០លើបណ្តាញយោធាការពារជាតិ ជាពិសេស ADMM និង ADMM+ ជាភារកិច្ចសំខាន់មួយនៅឆ្នាំ ២០២០ រួមចំណែកក្នុងការសម្រេចបាននូវទិសដៅនៃកិច្ចការបរទេសដែលបានកំណត់ដោយមហាសន្និបាតបក្សលើកទី XII និងមហាសន្និបាតបក្សនៃកងទ័ពលើកទី X។
ជាមួយនឹងតួនាទ និងកិត្យានុភាពអន្តរជាតិដែលកំពុងកើនឡើងរបស់វៀតណាមនោះ បណ្តាប្រទេសជាសមាជិកអាស៊ាន និងប្រទេសដៃគូសន្ទនាផ្សេងៗទៀតក៏រំពឹងផងដែរថា ក្រោមការដឹកនាំរបស់ប្រទេសប្រធានអាស៊ាន អាស៊ាននឹងរក្សាបាននូវសាមគ្គីភាព ឯកភាព និងការអភិវឌ្ឍ ហើយលើកកម្ពស់តួនាទីជាមជ្ឈភាពក្នុងរចនាសម្ព័ន្ធតំបន់ ជំរុញការសន្ទនា និងកិច្ចសហប្រតិបត្តិការជាក់ស្តែងក្នុងការឆ្លើយតបទៅនឹងបញ្ហាប្រឈមសន្តិសុខរួម។
បន្ទាប់ពីរយៈពេល ១០ ឆ្នាំដែលត្រូវបានបង្កើតឡើងនោះ ADMM+បានបញ្ជាក់ពីតួនាទីរបស់ខ្លួនដែលជាសរសរគ្រឹះមួយនៃកិច្ចសហប្រតិបត្តិការការពារជាតិ និងសន្តិសុខនៅអាស៊ីប៉ាស៊ីហ្វិក ដោយជះឥទ្ធិពលយ៉ាងស៊ីជម្រៅ និងទូលំទូលាយលើសពីតំបន់ ព្រមទាំងទាក់ទាញការយកចិត្តទុកដាក់យ៉ាងខ្លាំងពីបណ្តាប្រទេស និងអង្គការអន្តរជាតិនៅក្រៅតំបន់ផងដែរ។
យោងតាមលោកឧត្តមសេនីយ៍ឯក Nguyen Chi Vinh បានឲ្យដឹងថា គោលដៅសំខាន់មួយក្នុងចំណោមគោលដៅសំខាន់ៗដែលត្រូវបានកំណត់ដោយក្រសួងការពារជាតិវៀតណាមក្នុងឆ្នាំប្រធានអាស៊ាន២០២០ គឺ កិច្ចប្រជុំ ADMM-14 និង ADMM+ លើកទី៧ ត្រូវតែអនុម័តសេចក្តីប្រកាសរួម ដែលក្នុងនោះសេចក្តីប្រកាសរួមត្រូវតែលើកឡើងនូវរាល់បញ្ហាដែលឆ្លើយតបបាននូវការចាប់អារម្មណ៍ក៏ដូចជាផលប្រយោជន៍រួមនៃបណ្តាតំបន់ ក៏ប៉ុន្តែទន្ទឹមនឹងនេះត្រូវតែរក្សាឲ្យបាននូវរាល់បញ្ហាជាគោលការណ៍របស់វៀតណាម និងជាគោលបំណងរួមរបស់ប្រទេសនានាក្នុងតំបន់ដូចជា៖ សន្តិភាព ស្ថិរភាព ការគោរពច្បាប់អន្តរជាតិ បញ្ហាសមុទ្រខាងកើត សន្តិសុខដែនសមុទ្រ អនុសញ្ញារបស់អង្គការសហប្រជាជាតិស្តីពីច្បាប់សមុទ្រ១៩៨២ (UNCLOS ១៩៨២) និងការមិនប្រើប្រាស់កម្លាំង ឬគំរាមកំហែងប្រើប្រាស់កម្លាំងជាដើម។
    |
 |
|
លោកនាយឧត្តមសេនីយ៍ Ngo Xuan Lich សមាជិកការិយាល័យនយោបាយ លេខារងនៃគណៈកម្មាធិការបក្សយោធាមជ្ឈិម រដ្ឋមន្រ្តីក្រសួងការពារទេសវៀតណាម បានចុះហត្ថលេខាលើសេចក្តីប្រកាសរួមរបស់រដ្ឋមន្ត្រីការពារជាតិនៃបណ្តាប្រទេស ADMM+ ស្តីពីចក្ខុវិស័យយុទ្ធសាស្ត្រសន្តិសុខរបស់ ADMM + |
ពង្រីកប្រពៃណីនៃ "សម្រេចបានភារកិច្ចទាំងអស់ ជំនះការលំបាកទាំងអស់ "
ការផ្ទុះឡើងនៃCovid-19 ដែលនាំឱ្យមានបេសកកម្មពីរក្នុងពេលតែមួយសម្រាប់ក្រសួងការពារប្រទេសវៀតណាម ពោលគឺត្រូវចូលរួមយ៉ាងសកម្មនៅក្នុងកិច្ចប្រឹងប្រែងរួមរបស់រដ្ឋាភិបាលក្នុងការឆ្លើយតបទៅនឹងការរីករាលដាលនៃជំងឺរាត្បាតផង ហើយនិងត្រូវបំពេញតួនាទីជាប្រធានអាស៊ាន ២០២០ លើបណ្តាញយោធាការពារជាតិផង។ ដោយពង្រីកប្រពៃណីនៃ "សម្រេចបានភារកិច្ចទាំងអស់ ជំនះបានការលំបាកទាំងអស់" ក្រោមការដឹកនាំយ៉ាងម៉ឹងម៉ាត់របស់គណៈកម្មាធិការបក្សយោធាមជ្ឈិម និងក្រសួងការពារប្រទេស ស្ថាប័នអង្គភាពទាំងឡាយបានខិតខំប្រឹងប្រែងអស់ពីសមត្ថភាព រកឃើញបាននូវទម្រង់ និងវិធានការប្រកបដោយភាពបត់បែន និងច្នៃប្រឌិត ដើម្បីបំពេញភារកិច្ចដោយជោគជ័យដែឡបង្ហាញពីស្មារតីនៃ“កិច្ចសហប្រតិបត្តិការការពារជាតិសម្រាប់អាស៊ានមួយស្អិតរមួត និងឆ្លើយតប"។
ចាប់តាំងពីដើមឆ្នាំ ក្នុងបរិបទនៃការរីករាលដាល Covid-19 នៅលើពិភពលោក និងតំបន់ដែលបង្ហាញពីសញ្ញាណនៃការវិវឌ្ឍយ៉ាងស្មុគស្មាញនោះ ក្រសួងការពារប្រទេសវៀតណាមបានប្តេជ្ញាចិត្តរៀបចំដោយជោគជ័យកិច្ចប្រជុំ ADMM ចង្អៀត (ខែកុម្ភៈ ឆ្នាំ២០២០) ដែលធានាសុវត្ថិភាពដាច់ខាត។ តាមគំនិតផ្តួចផ្តើមរបស់ក្រសួងការពារប្រទេសវៀតណាម កិច្ចប្រជុំបានអនុម័តលើសេចក្តីប្រកាសរួមរបស់រដ្ឋមន្ត្រីការពារជាតិនៃបណ្តាប្រទេសអាស៊ានស្តីពីកិច្ចសហប្រតិបត្តិការការពារជាតិក្នុងការឆ្លើយតបការរាតត្បាត Covid-19 បង្កើតមូលដ្ឋានសម្រាប់កងទ័ពនៃប្រទេសនានាជំរុញកិច្ចសហប្រតិបត្តិការក្នុងការប្រយុទ្ធប្រឆាំងនឹងរោគរាតត្បាត Covid-19 តាមរយៈការចែករំលែកព័ត៌មាន បទពិសោធន៍ ការជួយគាំទ្រសម្ភារៈបរិក្ខារពេទ្យ និងកិច្ចសហប្រតិបត្តិការក្នុងការគ្រប់គ្រងការធ្វើដំណើរឆ្លងកាត់ព្រំដែន…។
“យើងអាចបញ្ជាក់បានថា ក្រៅពីគំនិតផ្តួចផ្តើមនៃកិច្ចសហប្រតិបត្តិការការពារជាតិក្នុងការឆ្លើយតបនឹងការរាតត្បាត ក្នុងនាមជាប្រធានអាស៊ាន ២០២០ របស់វៀតណាមនោះ ដំណើរការនៃកិច្ចសហប្រតិបត្តិការការពារជាតិក្នុងអាស៊ាន និងរវាងអាស៊ាន និងដៃគូនានាត្រូវបានដាក់ពង្រាយយ៉ាងពេញលេញ និងមានប្រសិទ្ធិភាព ស្របតាមផែនការដែលបានគ្រោងទុក ដោយផ្អែកលើមូលដ្ឋាននៃវេទិកាឌីជីថលទំនើប។
បញ្ជាក់ភាពក្លាហាន សមត្ថភាព និងកេរ្តិ៍ឈ្មោះអន្តរជាតិ
ក្នុងរាល់សកម្មភាពយោធាការពារជាតិអាស៊ាននៅឆ្នាំ ២០២០ បើយោងតាមលោកឧត្តមសេនីយ៍ឯក Nguyen Chi Vinh ឲ្យដឹងថា ADMM-14 ហើយជាពិសេស ADMM+ លើកទី៧ ជាយន្តការនៃកិច្ចសន្ទនា និងកិច្ចសហប្រតិបត្តិការការពារជាតិខ្ពស់បំផុតរបស់អាស៊ាន និងរវាងអាស៊ាន និងដៃគូផ្សេងទៀត។ មុនពេលកិច្ចប្រជុំលើកទី ៧ នោះ ADMM+ បានឆ្លងកាត់កិច្ចប្រជុំចំនួន ៤ ជាប់ៗគ្នាមិនបានអនុម័ត្តសេចក្តីប្រកាសរួមដែលទាមទារឲ្យមានការឯកភាពគ្នាពីប្រទេសសមាជិកទាំង១៨ ទេ ហើយមូលហេតុបើយោងលោកឧត្តមសេនីយ៍ឯក Nguyen Chi Vinh គឺដោយសារភាពខុសគ្នាអំពីទស្សនៈនិងគោលជំហររបស់បណ្តាប្រទេសនានា ជាពិសេសគឺបណ្តាប្រទេសមហាអំណាច។
ពីមេរៀនដែលទទួលបានពីភាពជោគជ័យ ADMM+ លើកទី១ នៅទីក្រុងហាណូយកាលពី ១០ ឆ្នាំមុន ក្រសួងការពារប្រទេសវៀតណាមបានបង្ហាញពីតួនាទីសកម្មរបស់ប្រទេសជាប្រធានអាស៊ាន ធ្វើឱ្យមានតុល្យភាពក្នុងការគ្រប់គ្រង ផ្សះផ្សាភាពខុសគ្នាដោយប៉ិនប្រសប់ ថែមទាំងលើកកម្ពស់ភាពស្រដៀងគ្នារវាងភាគីនានាដើម្បីបង្កើតការមូលមតិគ្នាមួយ ដោយហេតុនេះ ADMM+ លើកទី៧ បានប្រព្រឹត្តទៅដោយជោគជ័យជាមួយនឹងការអនុម័តសេចក្តីប្រកាសរួមរបស់រដ្ឋមន្រ្តីការពារជាតិនៃប្រទេស ADMM+ ។
ការចេញបានសេចក្តីប្រកាសរួម ADMM+ លើកទី៧ បន្ទាប់ពីការរអាក់រអួលអស់រយៈពេលជាច្រើនឆ្នាំនោះ បានបញ្ជាក់ពីភាពក្លាហាន សមត្ថភាព និងកេរ្តិ៍ឈ្មោះអន្តរជាតិរបស់វៀតណាម។ ប្រកានេះអាចត្រូវបានចាត់ទុកថាជាចំណុចភ្លឺស្វាងដែលជាសញ្ញាសម្គាល់លេចធ្លោនៃឆ្នាំអាស៊ាន ២០២០ លើបណ្តាញយោធាការពារជាតិ៕
បកប្រែដោយ Minh Trung