ប្រគល់ភារកិច្ចដល់ក្រុមវប្បធម៌ និងសិល្បៈដែលចូលរួម Army Games 2020

លោកឧត្តមសេនីយ៍ឯក Nguyen Trong Nghia ថ្លែងនៅក្នុងកិច្ចប្រជុំ

ថ្លែងនៅក្នុងកិច្ចប្រជុំនេះ លោកឧត្តមសេនីយ៍ឯក Nguyen Trong Nghia បានកោតសរសើរចំពោះស្មារតីសកម្មដែលជំនះរាល់ការលំបាក ហើយមានការទទួលខុសត្រូវខ្ពស់របស់សមាជិកនៃក្រុមវប្បធម៌ និងសិល្បៈ ព្រមទាំងបានសង្កត់ធ្ងន់ថាភារកិច្ចនៃការចូលរួមព្រឹត្តិការណ៍ Army Games ឆ្នាំ ២០២០ គឺពិតជាមានអត្ថន័យសំខាន់ណាស់។ លោកឧត្តមសេនីយ៍ឯក Nguyen Trong Nghia  បានស្នើឱ្យសមាជិកសមាជិកានៃក្រុមសិល្បៈធ្វើឱ្យបានល្អនូវការត្រៀមគ្រប់លក្ខណៈ ការចូលរួមកម្មវិធី និងការផ្លាស់ប្តូរវប្បធម៌នានាឲ្យ​ស្របតាមទំនាក់ទំនងកិច្ចសហប្រតិបត្តិការការពារជាតិ  និងបង្កើតការចាប់អារម្មណ៍ល្អលើរូបភាពកងទ័ពប្រជាជនវៀតណាមចំពោះមិត្តភក្តិអន្តរជាតិ។ លោកឧត្តមសេនីយ៍ឯក Nguyen Trong Nghia ក៏បានកត់សម្គាល់ផងដែរថា សមាជិកសមាជិកាទាំងឡាយត្រូវសហការគ្នា សាមគ្គីភាព និងជួយគាំទ្រគ្នាទៅវិញទៅមក មានភាពម្ចាស់ការ និងការច្នៃប្រឌិតដើម្បីចូលរួមការប្រកួតដោយទទួលបានស្នាដៃខ្ពស់បំផុត៕

បកប្រែដោយ Duy Hoan