តំបន់ពិសេស Truong Sa ត្រៀមខ្លួនជាស្រេចសម្រាប់ថ្ងៃបោះឆ្នោតឆាប់ៗ

អាស្រ័យហេតុនេះ ពីថ្ងៃទី ២៤ ខែកុម្ភៈ ក្រុមការងារនឹងធ្វើដំណើរតាមសមុទ្រដើម្បីនាំសន្លឹកឆ្នោតទៅកាន់កោះនានានៃតំបន់ពិសេស Truong Sa  ដើម្បីធានាថា ម្ចាស់ឆ្នោត ១០០% បានបំពេញកាតព្វកិច្ចជាពលរដ្ឋរបស់ខ្លួន។

ប្រតិភូទាំងឡាយចូលរួមកិច្ចប្រជុំ

លោក  Ho Xuan Truong ថ្លែងក្នុងកិច្ចប្រជុំ

ថ្លែងក្នុងកិច្ចប្រជុំនេះ លោក Ho Xuan Truong បានសង្កត់ធ្ងន់ថា៖ រួមជាមួយទូទាំងប្រទេស ខេត្ដ Khanh Hoa កំពុងរៀបចំយ៉ាងសកម្មសម្រាប់ការបោះឆ្នោតជ្រើសតាំងសមាជិករដ្ឋសភានីតិកាលទី ១៦ និងសមាជិកក្រុមប្រឹក្សាប្រជាជនគ្រប់លំដាប់ថ្នាក់សម្រាប់អាណត្តិឆ្នាំ២០២៦-២០៣១។ នេះគឺជាព្រឹត្តិការណ៍នយោបាយដ៏សំខាន់មួយ ដែលបានធ្វើឡើងបន្ទាប់ពីការបញ្ចប់ដោយជោគជ័យនៃមហាសន្និបាតលើកទី ១៤ របស់បក្ស ។

សន្លឹកឆ្នោតរបស់ម្ចាស់ឆ្នោតមានអត្ថន័យដ៏ពិសេស ដោយបង្ហាញយ៉ាងពេញលេញអំពីសិទ្ធិរបស់ពលរដ្ឋនៅដែនសមុទ្រ។ ដូច្នេះ ជំហាននីមួយៗ និងភារកិច្ចនីមួយៗត្រូវតែអនុវត្តដោយស្មារតីទទួលខុសត្រូវខ្ពស់បំផុត ធានាបាននូវប្រសិទ្ធភាពនិងជោគជ័យ។

រាយការណ៍អំពីការត្រៀមរៀបចំការបោះឆ្នោត លោក Pham Thanh Liem ប្រធានគណៈកម្មាធិការប្រជាជនតំបន់ពិសេស Truong Sa ឲ្យដឹងថា តំបន់ពិសេស Truong Sa មានមណ្ឌលបោះឆ្នោតចំនួន ២១ ដែលមានការិយាល័យបោះឆ្នោតចំនួន ២១។

ហិបឆ្នោត និងសម្ភារៈពាក់ព័ន្ធនឹងការបោះឆ្នោតត្រូវបានការពារយ៉ាងតឹងរ៉ឹងក្នុងអំឡុងពេលដឹកជញ្ជូនទៅកាន់កោះនានា

ការត្រៀមរៀបចំសម្រាប់ការបោះឆ្នោតឆាប់ៗនៅ Truong Sa ត្រូវបានអនុវត្តយ៉ាងហ្មត់ចត់ ស្របតាមបទប្បញ្ញត្តិ ដោយធានាថា ថ្ងៃបោះឆ្នោតនឹងទទួលបានជោគជ័យ។ ឯកសារនិងសម្ភារៈពាក់ព័ន្ធទាំងអស់ត្រូវបានដឹកជញ្ជូនទៅកាន់កោះនានា។

នៅតាមការិយាល័យបោះឆ្នោតនៅលើកោះនានា អង្គភាពនានាបានបិទផ្សាយបញ្ជីឈ្មោះអ្នកបោះឆ្នោត និងបញ្ជីរាយនាមបេក្ខជនឈរឈ្មោះបោះឆ្នោតជ្រើសរើសសមាជិករដ្ឋសភា និងក្រុមប្រឹក្សាប្រជាជនគ្រប់លំដាប់ថ្នាក់។

ក្នុងនាមក្រុមបេសកកម្ម លោកវរសេនីយ៍ទោ Trinh Xuan Binh ប្រធាននយោបាយនៃកងវរសេនាតូចលេខ ៣ កងពលតូចលេខ ១៤៦ តំបន់លេខ៤  កងទ័ពជើងទឹក បានសម្តែងការប្តេជ្ញាចិត្តក្នុងការបំពេញភារកិច្ចដែលបានប្រគល់ឲ្យ ដោយត្រៀមខ្លួនជាស្រេច ម្ចាស់ការ កុំឲ្យមានភាពអសកម្ម និងជាយថហេតុកើតឡើងក្នុងគ្រប់ស្ថានភាព ដោយធានាសុវត្ថិភាព និងត្រឹមត្រូវតាមផែនការដែលបានគ្រោងទុក។

បកប្រែដោយ Pham Diep