កងកម្លាំងរក្សាសន្តិភាពវៀតណាមសម្រេចបានលទ្ធផលលេចធ្លោជាច្រើន

នៅចំពោះមុខវិញ្ញាណក្ខន្ធលោកប្រធានហូជីមិញ លោកឧត្តមសេនីយ៍ត្រី Pham Manh Thang ប្រធាននាយកដ្ឋានរក្សាសន្តិភាពវៀតណាម បានរាយការណ៍អំពីលទ្ធផលវិជ្ជមានរបស់ក្រុមវិស្វកម្មលេខ ៣ ក្នុងអំឡុងពេលបំពេញភារកិច្ចក្សាសន្តិភាពនៅស្ថានបេសកកម្មសន្តិសុខបណ្តោះអាសន្នរបស់អង្គការសហប្រជាជាតិនៅតំបន់ Abyei (UNISFA) និងរបស់កងពេទ្យកម្រិត ២ លេខ ៦ នៅស្ថានបេសកកម្មរក្សាសន្តិភាពរបស់អង្គការសហប្រជាជាតិនៅស៊ូដង់ខាងត្បូង (UNMISS)។

គណៈប្រតិភូនាយកដ្ឋានរក្សាសន្តិភាពវៀតណាម ចូលវិមានតម្កល់សពគោរពវិញ្ញាណក្ខន្ធ លោកប្រធានហូជីមិញ

ក្នុងអំឡុងនៅស្ថានបេសកកម្ម ក្រុមវិស្វកម្មលេខ ៣ និងកងពេទ្យកម្រិត ២ លេខ ៦ បានបំពេញល្អភារកិច្ច ដោយសម្រេចបានលទ្ធផលលេចធ្លោជាច្រើន។ តាមរយៈនោះ បញ្ជាក់ជាថ្មីម្តងទៀតអំពីសមត្ថភាពវិជ្ជាជីវៈ តម្លៃដ៏ល្អនៃប្រពៃណីវប្បធម៌វៀតណាម កងទ័ពប្រជាជនវៀតណាម និងគុណសម្បត្តិដ៏ថ្លៃថ្នូរបស់កងទ័ពលោកអ៊ំហូក្នុងយុគសម័យថ្មី ដែលបន្សល់ទុកនូវចំណាប់អារម្មណ៍ល្អនៅក្នុងបេះដូងរបស់មិត្តភក្តិអន្តរជាតិ៕

បកប្រែដោយ Thuy Anh