នៅវិមានគោរពវិញ្ញាណក្ខន្ធលោកប្រធានហូជីមិញ ប្រតិភូទាំងឡាយបានអុជធូប និងសម្ដែងនូវការដឹងគុណចំពោះគុណបំណាច់ដ៏ធំធេងរបស់លោកប្រធានហូជីមិញ។ បក្សទាំងមូល កងទ័ពទាំងមូល និងប្រជាជនវៀតណាមទាំងមូលប្តេជ្ញាដើរតាមមាគ៌ាដែលបានជ្រើសរើសដោយបក្ស និងលោកប្រធាន ហូជីមិញ ហើយហាត់ពត់លត់ដំលើកកម្ពស់ការសិក្សា និងធ្វើតាមសតិអារម្មណ៍ សីលធម៌ និងរចនាបថធ្វើការរបស់លោកប្រធានហូជីមិញជានិច្ច បន្តកសាងកងទ័ពប្រជាជនវៀតណាមឲ្យមានរបៀបរៀបរយ ចំណាន និងទំនើប បំពេញភារកិច្ចកសាង និងការពារមាតុភូមិសង្គមនិយមវៀតណាមប្រកបដោយជោគជ័យ។

leftcenterrightdel
លោកនាយឧត្តមសេនីយ៍ Phan Van Giang និងប្រតិភូដាក់កម្រងផ្កា និងអុជធូបគោរពវិញ្ញាណក្ខន្ធលោកប្រធានហូជីមិញ

គណៈប្រតិភូបានទៅទស្សនាតំបន់ដែលជាប់ពាក់ព័ន្ធជាមួយការដឹកនាំតស៊ូប្រយុទ្ធប្រឆាំងនឹងអាណានិគមបារាំងរបស់គណៈកម្មាធិការមជ្ឈិមបក្ស រដ្ឋាភិបាល និងអគ្គបញ្ជាការដ្ឋានដូចជា៖ លំនៅដ្ឋាន និងកន្លែងធ្វើការរបស់លោកនាយឧត្តមសេនីយ៍ Vo Nguyen Giap; វិមានគោរពវិញ្ញាណក្ខន្ធលោកនាយឧត្តមសេនីយ៍ Hoang Van Thai ប្រធានអគ្គសេនាធិការដំបូងនៃកងទ័ពប្រជាជនវៀតណាម; ការិយាល័យនៃអគ្គសេនាធិការដ្ឋាន និងសំណង់អនុស្សាវរីយ៍នៅតំបន់ ATK។

* នាយប់ថ្ងៃទី ២ ខែសីហា លោកនាយឧត្តមសេនីយ៍ Phan Van Giang និងគណៈប្រតិភូនៃគណៈកម្មាធិការបក្សយោធាមជ្ឈិម និងក្រសួងការពារប្រទេសបានចូលរួមកម្មវិធីសិល្បៈអបអរសាទរខួបលើកទី ៨០ នៃការបង្កើតអគ្គសេនាធិការដ្ឋាននៅទីលាន ATK Dinh Hoa។ កម្មវិធីនេះត្រូវបានរៀបចំឡើងដោយអគ្គសេនាធិការដ្ឋាននៃកងទ័ពប្រជាជនវៀតណាម មជ្ឈមណ្ឌលវិទ្យុ និងទូរទស្សន៍យោធា គណៈកម្មាធិការប្រជាជនខេត្ត Thai Nguyen និងបញ្ជាការដ្ឋានយោធភូមិភាគទី១៕

បកប្រែដោយ Thuy Anh