លោកនាយឧត្តមសេនីយ៍ Phan Van Giang អញ្ជើញត្រួតពិនិត្យការហាត់សមដង្ហែក្បួនព្យុហយាត្រា

បន្ទាប់ពីធ្វើការត្រួតពិនិត្យលើការហ្វឹកហ្វឺនហាត់សមរួច លោកនាយឧត្តមសេនីយ៍ Phan Van Giang បានអបអរសាទរ និងកោតសរសើរចំពោះសមិទ្ធផលជាបឋមរបស់បណ្តាកងកម្លាំងដែលបានចូលរួមក្នុងការហ្វឹកហ្វឺន ដើម្បីត្រៀមរៀបចំការដង្ហែក្បួនព្យុហយាត្រាក្នុងពិធីអបអរសាទរខួបលើកទី ៥០ នៃទិវារំដោះភាគខាងត្បូងបង្រួបបង្រួមជាតិ។ លោកនាយឧត្តមសេនីយ៍បានវាយតំលៃថា រាល់ផែនដែលចូលរួមក្នុងការដង្ហែក្បួនព្យុហយាត្រាទាំងអស់ជាបឋមបានអនុវត្តយ៉ាងល្អនូវភារកិច្ចរបស់ខ្លួន ជាពិសេសគឺផែនឈរនៅមុខវេទិកានៃកងទ័ពជើងទឹក និងកងទ័ពការពារអាកាស-ជើងអាកាស  ផែនកាន់ទង់បក្ស ទង់ជាតិ និងផែនកងជីវពលនារីភាគខាងជើង ពិតជាហាត់សមល្អជាងគេ...

លោកនាយឧត្តមសេនីយ៍ Phan Van Giang អញ្ជើញត្រួតពិនិត្យការហាត់សមដង្ហែក្បួនព្យុហយាត្រា

លោករដ្ឋមន្ត្រី Phan Van Giang បានស្នើឱ្យអគ្គនាយកដ្ឋានភស្តុភារ និងបច្ចេកវិទ្យា ធានាឱ្យបានសព្វគ្រប់នូវមធ្យោបាយ និងឧបករណ៍បច្ចេកទេស សម្ភារៈ បម្រើឱ្យកងកម្លាំងដែលចូលរួមការដង្ហែក្បួនព្យុហយាត្រា។ ក្រៅពីផ្តោតលើការធានានូវកន្លែងស្នាក់នៅ ការហូបចុក និងការថែទាំសុខភាព ចាំបាច់ត្រូវមានដំណោះស្រាយគ្រប់គ្រងអាវុធ និងឧបករណ៍យ៉ាងតឹងរ៉ឹង ដើម្បីមិនទុកឱ្យមានករណីបាត់បង់ ឬ ខូចខាតកើតឡើង ព្រមទាំងត្រូវតែធានាឱ្យបានសុវត្ថិភាពជាដាច់ខាត។

កម្លាំងដែលចូលរួមក្នុងការហ្វឹកហ្វឺនហាត់សមនៅមជ្ឈមណ្ឌលហ្វឹកហ្វឺនយោធាជាតិលេខ៤

លោកនាយឧត្តមសេនីយ៍ Phan Van Giang ថតរូបជាអនុស្សាវរីយ៍ជាមួយយោធិននារីចូលរួមការហ្វឹកហ្វឺនហាត់សម

លោកនាយឧត្តមសេនីយ៍ Phan Van Giang បានសង្កត់ធ្ងន់ថា៖ ការអនុវត្តដោយជោគជ័យនូវភារកិច្ចនៃការដង្ហែក្បួនព្យុហយាត្រាយោធាអបអរសាទរខួបលើកទី ៥០ នៃទិវារំដោះភាគខាងត្បូងបង្រួបបង្រួមជាតិ គឺជាមូលដ្ឋានសំខាន់ៗសម្រាប់បន្តអនុវត្តភារកិច្ចអបអរសាទរខួបលើកទី ៨០ នៃបដិវត្តន៍ខែសីហា ប្រកបដោយជោគជ័យ និងទិវាឯករាជ្យជាតិនៃសាធារណរដ្ឋសង្គមនិយមវៀតណាម ដែលនឹងប្រព្រឹត្តទៅនៅទីលាន Ba Dinh ដោយមានកងកម្លាំងចូលរួមក្នុងទ្រង់ទ្រាយធំជាងលើកនេះទៅទៀត។

លោកនាយឧត្តមសេនីយ៍ក៏បានកោតសរសើរចំពោះគ្រប់អង្គភាពបំពេញភារកិច្ចលើកនេះដោយមានប្រសាសន៍ថា ដើម្បីទទួលបានលទ្ធផលល្អខាងលើនេះ គឺដោយសារតែមានការចូលរួមយ៉ាងសកម្មរបស់អនុគណៈកម្មាធិការរៀបចំការដង្ហែក្បួនព្យុហយាត្រា ការសម្របសម្រួល និងសហការយ៉ាងជិតស្និទ្ធរបស់គ្រប់ស្ថាប័ន អង្គភាពពាក់ព័ន្ធទាំងអស់ រួមនិងការប្តេជ្ញាចិត្ត និងការទទួលខុសត្រូវដ៏ខ្ពស់ពីសំណាក់គ្រប់កងកម្លាំង។ លោកនាយឧត្តមសេនីយ៍ Phan Van Giang ជឿជាក់ថា ជាមួយស្មារតី "លឿនដូចរន្ទះ-ប្តេជ្ញាចិត្តឈ្នះ" នៃជ័យជំនះដ៏អស្ចារ្យពីមហាជ័យជំនះនិទាឃរដូវឆ្នាំ១៩៧៥ ការដង្ហែក្បួនព្យុហយាត្រាយោធា ក្នុងពិធីរំលឹកខួបលើកទី ៥០ នៃទិវារំដោះភាគខាងត្បូងបង្រួបបង្រួមជាតិ នឹងទទួលបានជោគជ័យយ៉ាងធំធេងជាមិនខានទេ៕

បកប្រែដោយ Minh Trung