លោកនាយឧត្តមសេនីយ៍ Phan Van Giang សម្តែង​ការ​ដឹង​គុណចំពោះអតីតថ្នាក់ដឹកនាំបក្ស រដ្ឋ និងកងទ័ព

លោកនាយឧត្តមសេនីយ៍ Phan Van Giang និងគណៈប្រតិភូក្រសួងការពារប្រទេស អញ្ជើញមកអុជធូប និងគោរពវិញ្ញាណក្ខន្ធ លោកនាយឧត្តមសេនីយ៍ Vo Nguyen Giap

លោកនាយឧត្តមសេនីយ៍ Phan Van Giang និងគណៈប្រតិភូក្រសួងការពារប្រទេស បានអញ្ជើញមកអុជធូប និងគោរពវិញ្ញាណក្ខន្ធសមមិត្ត៖ អតីតអគ្គលេខាបក្ស Le Kha Phieu; អតីតអគ្គលេខាបក្ស Nguyen Phu Trong; លោកនាយឧត្តមសេនីយ៍ Le Duc Anh អតីតសមាជិកការិយាល័យនយោបាយ អតីតប្រធានរដ្ឋ អតីតរដ្ឋមន្ត្រីក្រសួងការពារប្រទេស; អតីតសមាជិកការិយាល័យនយោបាយ អតីតរដ្ឋមន្ត្រីក្រសួងការពារប្រទេស៖ លោកនាយឧត្តមសេនីយ៍ Vo Nguyen Giap លោកនាយឧត្តមសេនីយ៍ Van Tien Dung លោកនាយឧត្តមសេនីយ៍ Doan Khue លោកនាយឧត្តមសេនីយ៍ Phung Quang Thanh; លោកនាយឧត្តមសេនីយ៍ Chu Huy Man អតីតសមាជិកការិយាល័យនយោបាយ អតីតប្រធានអគ្គស្នងការនយោបាយនៃកងទ័ពប្រជាជនវៀតណាម; អតីតអគ្គសេនាធិការកងទ័ពប្រជាជនវៀតណាម អតីតអនុរដ្ឋមន្ត្រីក្រសួងការពារប្រទេស៖ លោកនាយឧត្តមសេនីយ៍ Le Trong Tan និងលោកនាយត្តមសេនីយ៍ Hoang Van Thai។

លោកនាយឧត្តមសេនីយ៍ Phan Van Giang សួរសុខទុក្ខញាតិមិត្តអតីតអគ្គលេខាបក្ស Nguyen Phu Trong

លោករដ្ឋមន្ត្រី Phan Van Giang និងគណៈប្រតិភូបានអុជធូបគោរពវិញ្ញាណក្ខន្ធសម្តែងការដឹកគុណចំពោះការរួមវិភាគទានដ៏ធំធេងរបស់អតីតថ្នាក់ដឹកនាំបក្ស រដ្ឋ និងកងទ័ពចំពោះបុព្វហេតុបដិវត្តន៍របស់បក្ស ប្រទេសជាតិ និងបុព្វហេតុកសាងកងទ័ព ពង្រឹងការពារជាតិ។  ក្រោមការដឹកនាំជាដាច់ខាត និងផ្ទាល់របស់បក្សលើគ្រប់វិស័យ កងទ័ពប្រជាជនវៀតណាមបានពុះពាររាល់ការលំបាក  ទទួលបានជ័យជំនះដ៏ត្រចះត្រចង់ជាច្រើន និងសម្រេចបាននូវរាល់ភារកិច្ចដែលបក្ស រដ្ឋ និងប្រជាជនប្រគល់ជូន។ បន្តកសាងកងទ័ពដែលមាននយោបាយរឹងមាំ មានរបៀបរៀបរយ ចំណាន ទំនើប ជាមួយនឹងការត្រៀមប្រយុទ្ធខ្ពស់ មិនអសកម្ម ឬភ្ញាក់ផ្អើលចំពោះស្ថានភាពណាមួយ ការពារយ៉ាងរឹងមាំនូវមាតុភូមិសង្គមនិយមវៀតណាម សក្តិសមជាកងទ័ពវីរភាពនៃប្រទេសជាតិវៀតណាមវីរភាព និងប្រពៃណី គុណសម្បត្តិដ៏ថ្លៃថ្លារបស់កងទ័ពលោកអ៊ំហូ។ សមិទ្ធិផលនោះគឺមានការរួមចំណែកដ៏ធំរបស់អតីតមេដឹកនាំបក្ស រដ្ឋ និងកងទ័ព។

ជួបសំណេះសំណាលជាមួយសាច់ញាតិអតីតថ្នាក់ដឹកនាំបក្ស រដ្ឋ និងកងទ័ព លោកនាយឧត្តមសេនីយ៍ Phan Van Giang បានសួរសុខទុក្ខ ហើយសង្ឃឹមថា ញាតិមិត្តនឹងបន្តប្រពៃណីគ្រួសារកសាងមាតុភូមិប្រទេសកាន់តែសម្បូររុងរឿង និងស៊ីវិល័យ៕

បកប្រែដោយ Duy Hoan