លោករដ្ឋមន្ត្រី Phan Van Giang តបស្នងសងគុណជូនចំពោះបណ្ដាអតីតថ្នាក់ដឹកនាំកងទ័ព
កប.អនឡាញ - នាព្រឹកថ្ងៃទី ២៣ ខែកក្កដា ក្នុងឱកាសរំលឹកខួបលើកទី ៧៧ នៃទិវាយុទ្ធជនពិការនិងយុទ្ធជនពលី (២៧ កក្កដា ១៩៤៧ / ២៧ កក្កដា ២០២៤) លោកនាយឧត្តមសេនីយ៍ Phan Van Giang អនុលេខាគណៈកម្មាធិការបក្សយោធាមជ្ឈិម និងជារដ្ឋមន្ត្រីក្រសួងការពារប្រទេសវៀតណាម បានអញ្ជើញមកអុជធូបគោរពវិញ្ញាណក្ខន្ធ និងតបស្នងសងគុណជូនចំពោះលោកឧត្តមសេនីយ៍ឯក Le Kha Phieu អតីតអគ្គលេខាបក្ស និងជាអតីតប្រធានអគ្គស្នងការនយោបាយនៃកងទ័ពប្រជាជនវៀតណាម និងលោកនាយឧត្តមសេនីយ៍ Phung Quang Thanh អតីតសមាជិកការិយាល័យនយោបាយ អតីតរដ្ឋមន្ត្រីក្រសួងការពារប្រទេស។
នៅក្នុងជំនួបជាមួយក្រុមគ្រួសារទាំងនេះ លោករដ្ឋមន្ត្រី Phan Van Giang និងក្រុមបេសកកម្មបានអុជធូបគោរពវិញ្ញាណក្ខន្ធ និងតបស្នងសងគុណជូនចំពោះការរួមចំណែកដ៏ធំធេងរបស់អតីតអគ្គលេខាបក្ស Le Kha Phieu និងលោកនាយឧត្តមសេនីយ៍ Phung Quang Thanh ចំពោះបុព្វហេតុបដិវត្តន៍នៃបក្សនិងប្រទេសជាតិ ក៏ដូចជាបុព្វហេតុកសាងកងទ័ព ពង្រឹងការការពារជាតិ និងការពារមាតុភូមិ។
ក្នុងបរិយាកាសស្និទ្ធស្នាល លោកនាយឧត្តមសេនីយ៍ Phan Van Giang បានសួរសុខទុក្ខសុខភាពនិងជីវភាពរស់នៅ ហើយសង្ឃឹមថា សាច់ញាតិអតីតថ្នាក់ដឹកនាំបក្ស រដ្ឋ និងកងទ័ពនឹងបន្តពង្រីកប្រពៃណីគ្រួសារ រួមចំណែកកសាងប្រទេសជាតិកាន់តែរីកចម្រើននិងសុភមង្គល។
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/27/2024/07/24/upload_2116/24072024vd01.jpg?dpi=150&quality=100&w=500) |
លោករដ្ឋមន្ត្រី Phan Van Giang អញ្ជើញទៅសួរសុខទុក្ខលោកនាយឧត្តមសេនីយ៍ Pham Van Tra |
នាព្រឹកថ្ងៃដដែល លោករដ្ឋមន្ត្រី Phan Van Giang បានអញ្ជើញទៅសួរសុខទុក្ខ និងជូនអំណោយដល់លោកនាយឧត្តមសេនីយ៍ Pham Van Tra អតីតរដ្ឋមន្ត្រីក្រសួងការពារប្រទេស និងលោកនាយឧត្តមសេនីយ៍ Ngo Xuan Lich អតីតរដ្ឋមន្ត្រីក្រសួងការពារប្រទេស; លោកឧត្តមសេនីយ៍ទោ Dang Quan Thuy អតីតអនុប្រធានរដ្ឋសភា។
ក្នុងឱកាសនេះ លោករដ្ឋមន្ត្រី Phan Van Giang បានជម្រាបជូនអតីតថ្នាក់ដឹកនាំអំពីលទ្ធផលដែលកងទ័ពទាំងមូលសម្រេចបានក្នុងរយៈពេល ៦ ខែដើមឆ្នាំ ២០២៤។ អាស្រ័យហេតុនេះ គណៈកម្មាធិការបក្សយោធាមជ្ឈិមនិងក្រសួងការពារប្រទេសបានដឹកនាំកងទ័ពទាំងមូលបំពេញបានល្អនូវគ្រប់ភារកិច្ច។
ជាពិសេសគឺការរក្សាការត្រៀមខ្លួនប្រយុទ្ធ ការក្តាប់ជាប់ស្ថានការណ៍ ការផ្ដល់ប្រឹក្សាជូនបក្ស និងរដ្ឋឲ្យបានទាន់ពេលដើម្បីដោះស្រាយស្ថានការណ៍ប្រកបដោយប្រសិទ្ធភាព កុំឱ្យមានភាពអសកម្មនិងជាយថហេតុ និងការការពារយ៉ាងម៉ឺងម៉ាត់នូវអធិបតេយ្យភាពទឹកដី។ សម្របសម្រួលរក្សាសន្តិសុខ សណ្តាប់ធ្នាប់នៅទូទាំងប្រទេស។ ស្រាវជ្រាវនិងដាក់ចេញគោលការណ៍ និងគោលនយោបាយសំខាន់ៗជាច្រើនដើម្បីបំពេញការងារយោធា និងការពារជាតិជាបន្ទាន់ និងរយៈពេលវែង។ ព្រមទាំងរៀបចំសកម្មភាពរំលឹកខួបលើកទី ៧០ នៃជ័យជំនះ Dien Bien Phu។ អង្គភាពកងទ័ពចូលរួមយ៉ាងសកម្មក្នុងការទប់ស្កាត់ និងទប់ទល់នឹងគ្រោះមហន្តរាយធម្មជាតិ ហើយត្រូវបានទទួលស្គាល់និងវាយតម្លៃខ្ពស់ពីប្រជាពលរដ្ឋ។
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/27/2024/07/24/upload_2116/24072024vd02.jpg?dpi=150&quality=100&w=500) |
លោករដ្ឋមន្ត្រី Phan Van Giang សួរសុខទុក្ខលោកឧត្តមសេនីយ៍ទោ Dang Quan Thuy |
ទន្ទឹមនឹងនោះ លោករដ្ឋមន្ត្រី Phan Van Giang ក៏បានជម្រាបជូនអំពីភារកិច្ចសំខាន់ៗមួយចំនួន ដែលគណៈកម្មាធិការបក្សយោធាមជ្ឈិម និងក្រសួងការពារប្រទេសនឹងយកចិត្តទុកដាក់អនុវត្តនាពេលខាងមុខ។ លោករដ្ឋមន្ត្រី Phan Van Giang សង្ឃឹមថា លោកនាយឧត្តមសេនីយ៍ Pham Van Tra និងលោកនាយឧត្តមសេនីយ៍ Ngo Xuan Lich និងលោកឧត្តមសេនីយ៍ទោ Dang Quan Thuy នឹងបន្តយកចិត្តទុកដាក់ និងផ្តល់យោបល់ដ៏មានតម្លៃជាច្រើន រួមចំណែកក្នុងការកសាងកងទ័ពឲ្យកាន់តែរឹងមាំ និងសម្រេចគ្រប់ភារកិច្ចដោយជោគជ័យ៕
បកប្រែដោយ Pham Diep