លោកឧត្តមសេនីយ៍ឯក Pham Hoai Nam ជួបធ្វើការជាមួយអគ្គនាយកដ្ឋានឧស្សាហកម្មការពារជាតិ
កប.អនឡាញ - នាថ្ងៃទី១៦ ខែកក្កដា លោកឧត្តមសេនីយ៍ឯក Pham Hoai Nam សមាជិកគណៈកម្មាធិការមជ្ឈិមបក្ស អនុរដ្ឋមន្ត្រីក្រសួងការពារប្រទេសវៀតណាម បានអញ្ជើញជាអធិបតីក្នុងជំនួបធ្វើការជាមួយអគ្គនាយកដ្ឋានឧស្សាហកម្មការពារជាតិស្តីពីការស្រាវជ្រាវ រចនា និងបង្កើតកាំភ្លើងធំស្វ័យប្រវត្តិប្រភេទមួយចំនួន។
អគ្គនាយកដ្ឋានឧស្សាហកម្មការពារជាតិ បានដឹកនាំអង្គភាពពាក់ព័ន្ធអនុវត្តគម្រោងថ្នាក់អគ្គនាយកដ្ឋានចំនួន ៩ ស្តីពីការស្រាវជ្រាវ ផលិតកាំភ្លើងធំស្វ័យប្រវត្តិ មានរន្ធគ្រាប់ ១២២ មីល្លីម៉ែត្រ។ មកទល់បច្ចុប្បន្ននេះ អង្គភាពទាំងឡាយបានរៀបចំការវាយតម្លៃ និងការទទួលយកគម្រោងចំនួន ៥ លើ ៩ ស្តីពីការស្រាវជ្រាវ និងផលិតកាំភ្លើងធំស្វ័យប្រវត្តិ។
|
|
លោកឧត្តមសេនីយ៍ឯក Pham Hoai Nam ថ្លែងមតិនៅជំនួបធ្វើការ |
លោកឧត្តមសេនីយ៍ឯក Pham Hoai Nam បានលើកសរសើរចំពោះអគ្គនាយកដ្ឋានឧស្សាហកម្មការពារជាតិ ស្ថាប័ន និងអង្គភាពនានាដែលបានសហការយ៉ាងសកម្ម និងវិនិយោគក្នុងការស្រាវជ្រាវលើប្រធានបទនេះ។ លោកឧត្តមសេនីយ៍ឯក Pham Hoai Nam បានអះអាងថា គោលនយោបាយកែលម្អអាវុធ និងយុទ្ធោបករណ៍ក្នុងទិសដៅទំនើបភាវូបនីយកម្ម និងចល័ត រួមទាំងអាវុធ និងយុទ្ធោបករណ៍របស់កងឯកភាពកាំភ្លើងធំ គឺត្រឹមត្រូវ និងចាំបាច់។
លោកឧត្តមសេនីយ៍ឯក Pham Hoai Nam បានស្នើឲ្យអគ្គនាយកដ្ឋានឧស្សាហកម្មការពារជាតិ បន្ទាប់ពីមានរបាយការណ៍វាយតម្លៃលើប្រធានបទ ចាំបាច់ត្រូវចាត់តាំងស្ថាប័ននានាធ្វើសេនាធិការដល់ប្រមុខក្រសួងការពារប្រទេសអំពីលទ្ធភាពនៃប្រធានបទ និងដំណើរការផលិត ធ្វើតេស្តកាំភ្លើងធំស្វ័យប្រវត្តិសម្រាប់អង្គភាពសមស្របមួយចំនួន។ល។ ក្រសួងនឹងសម្រេចចាត់តាំងការផលិតឱ្យអង្គភាព បន្ទាប់ពីទទួលបានមតិពេញលេញពីស្ថាប័នមានសមត្ថកិច្ច។ ចាប់ពីដំណើរការរៀបចំការកសាងគម្រោងរហូតដល់ការស្រាវជ្រាវ ការផលិត និងការទទួលយកនោះ អគ្គនាយកដ្ឋានឧស្សាហកម្មការពារជាតិ អគ្គនាយកដ្ឋានបច្ចេកទេស និងអង្គភាពនានាដែលអនុវត្តគម្រោងត្រូវសម្របសម្រួលយ៉ាងជិតស្និទ្ធជាមួយអ្នកទទួលផលផលិតផលទទួល យក មតិ តាំងពីដើមមកដើម្បីធានាថា វាបំពេញតាមតម្រូវការអំពីលក្ខណៈបច្ចេកទេស និងយុទ្ធវិធីរបស់អាវុធ។ល៕
បកប្រែដោយ Huyen Trang