ខេត្ត Kien Giang ចំណាយថវិកា ២.៥ ពាន់លានដុង ដើម្បីរៀបចំបុណ្យចូលឆ្នាំថ្មីប្រពៃណីជនជាតិខ្មែរសម្រាប់កងទ័ពនិងប្រជាជន
កប.អនឡាញ - នាយប់ថ្ងៃទី១៥ ខែមេសា បញ្ជាការដ្ឋានយោធាខេត្ត Kien Giang វៀតណាម បានបូកសរុបលទ្ធផលនៃការរៀបចំបុណ្យចូលឆ្នាំថ្មីជនជាតិខ្មែរសម្រាប់កងទ័ព និងប្រជាជននៅឃុំ An Minh Bac ស្រុក U Minh Thuong។
តាមនោះ ថវិកាដើម្បីរៀបចំសកម្មភាពទាំងឡាយត្រូវបានឧបត្ថម្ភពីកម្មាភិបាល បុគ្គលិក និងសមាជិកនៃសម្ព័ន្ធយុវជន ដោយមានតម្លៃសរុបជាង ២.៥ ពាន់លានដុង។
|
|
ថ្នាក់ដឹកនាំបញ្ជាការដ្ឋានយោធាខេត្ត Kien Giang ជូនអំណោយដល់កងសេនាជន និងកងកម្លាំងបំរុង |
គណៈកម្មការរៀបចំពិធីបុណ្យ បានសាងសង់ផ្ទះចំនួន ៣៤ ខ្នង ជូនមុខសញ្ញានានា ផ្តល់អំណោយចំនួន ៦៣០ កញ្ចប់ជូនគ្រួសារទទួលរបបពីរដ្ឋ គ្រួសារក្រីក្រ គ្រួសារជិតបន្ទាត់នៃភាពក្រីក្រ កងសេនាជន កងកម្លាំងបំរុង និងផ្ដល់អាហារូបករណ៍ដល់សិស្សក្រីក្រដែលជម្នះការលំបាកដើម្បីទទួលបានលទ្ធផលល្អក្នុងការសិក្សា ហើយពិនិត្យ ព្យាបាលជំងឺ និងចែកថ្នាំពេទ្យដោយឥតគិតថ្លៃជូនប្រជាពលរដ្ឋចំនួន ៤០០ នាក់និងសកម្មភាពជាច្រើនទៀត។
សកម្មភាពទាំងឡាយបានបង្ហាញពីប្រពៃណី "ផឹកទឹកនឹកដល់ប្រភព" "តបស្នងសងគុណ" ដើម្បីសម្ដែងនូវការដឹងគុណចំពោះគ្រួសារដែលមានគុណបំណាច់ចំពោះបដិវត្តន៍ ស្មារតីជួយគ្នាទៅវិញទៅមក ចូលរួមចំណែកជាមួយគណៈកម្មាធិការបក្ស និងអាជ្ញាធរមូលដ្ឋាន កសាងសំណង់បម្រើការអភិវឌ្ឍសេដ្ឋកិច្ចសង្គម កសាងជនបទថ្មី រួមជាមួយនឹងជនរួមជាតិខ្មែររៀបចំបុណ្យចូលឆ្នាំថ្មីប្រពៃណីយ៉ាងសប្បាយរីករាយ និងកក់ក្តៅ៕
បកប្រែដោយ Thuy Anh