គ្រួសាររបស់លោក Vu Ga Da ជនជាតិ Mong នៅភូមិ Huoi Son ឃុំ Tam Hop គឺជាឧទាហរណ៍មួយ។ លោក Vu Ga Da ចែករំលែកថា “ស្ថានភាពសេដ្ឋកិច្ចគ្រួសារខ្ញុំពិបាកខ្លាំងណាស់ពីមុនមក។ ក្នុងប៉ុន្មានឆ្នាំថ្មីៗនេះ ដោយទទួលបានជំនួយ​ពីអាជ្ញាធរ ស្ថាប័ន និងអង្គការមហាជន រួមទាំងការណែនាំពីកម្មាភិបាល និងយុទ្ធជននៃប៉ុស្តិ៍ការពារព្រំដែន Tam Hop (កងទ័ព​ការពារព្រំដែនខេត្ត Nghe An) អំពីបច្ចេកទេសចិញ្ចឹមមាន់ ចិញ្ចឹមជ្រូក និងដាំផ្លែផាសិន បានជាជីវភាពរស់នៅរបស់ក្រុមគ្រួសារខ្ញុំល្អប្រសើរឡើង ខ្ញុំបានសរសេរពាក្យសុំចេញពីបញ្ជីគ្រួសារក្រីក្រ។ ក្នុងពេលខាងមុខនេះ គ្រួសារខ្ញុំនឹងពង្រីកការចិញ្ចឹមសត្វ និងការដាំដុះតាមការណែនាំពីកម្មាភិបាល និងកងទ័ព ដើម្បីអភិវឌ្ឍសេដ្ឋកិច្ច”។

leftcenterrightdel
កម្មាភិបាលស្រុក Tuong Duong ណែនាំប្រជាជនឃុំ Xa Luong អំពីរបៀបថែទាំសណ្តែកដី

គ្រួសាររបស់លោក Mong Van Hoan នៅភូមិ Xieng Huong ឃុំ Xa Luong ពីមុនក៏ជាគ្រួសារក្រីក្រផងដែរ ដោយសារលោក Hoan មានជម្ងឺ ហើយគ្រួសារលោករងការខូចខាតដោយសារទឹកជំនន់នៅឆ្នាំ២០១៨ ជួបការលំបាកយ៉ាងខ្លាំង។ បច្ចុប្បន្ននេះ គ្រួសារលោក Hoan បានផ្លាស់ទីលំនៅទៅតាំងលំនៅថ្មី ចិញ្ចឹមគោ  កូនពីរនាក់មានការងារធ្វើ ហើយប្រមូលប្រាក់ផ្ញើជូនឪពុកម្តាយសង់ផ្ទះឡើងវិញ។

Tuong Duong ជាស្រុកជាប់ព្រំដែនមានជនជាតិចំនួន ៦ រស់នៅជាមួយគ្នា ក្នុងនោះជនជាតិភាគតិចមានចំនួនជិត៩០%។ ក្នុងប៉ុន្មានឆ្នាំថ្មីៗនេះ ជាមួយនឹងស្មារតីខ្លួនទីពឹងខ្លួន ជីវភាពរស់នៅរបស់ជនរួមជាតិបានល្អប្រសើរឡើង។ យោងតាមស្ថិតិ ក្នុងរយៈពេលកន្លងមក ស្រុក Tuong Duong មានក្រុមគ្រួសារជាង ៥០០ គ្រួសារបានសរសេរពាក្យសុំដកចេញពីបញ្ជីគ្រួសារក្រីក្រ។ គ្រួសារភាគច្រើនបានបញ្ជាក់ពីមូលហេតុដែលសុំចេញពីបញ្ជី គឺដោយសារជីវភាពរស់នៅបានប្រសើរឡើងបន្តិចម្ដងៗ ហើយចង់ផ្តល់ជំនួយពីរដ្ឋជូនគ្រួសារដែលមានស្ថានភាពលំបាកជាង។ លោក Kha Van Ot អនុប្រធានគណៈកម្មាធិការប្រជាជនស្រុក Tuong Duong បានឲ្យដឹងថា ការដែលក្រុមគ្រួសាររាប់រយគ្រួសារសរសេរពាក្យសុំចេញពីបញ្ជីគ្រួសារក្រីក្រ ហើយខិតខំប្រឹងប្រែងធ្វើការ និងផលិត ដើម្បីរួចផុតពីភាពក្រីក្រប្រកបដោយនិរន្តរភាព បានបង្កើតស្មារតីថ្មីមួយសម្រាប់បុព្វហេតុលុបបំបាត់ភាពអត់ឃ្លាន និងកាត់បន្ថយភាពក្រីក្រនៅក្នុងស្រុក។ ទន្ទឹមនឹងស្មារតីអភិវឌ្ឍន៍សេដ្ឋកិច្ចគ្រួសារ ប្រជាជនបានបោះបង់ចោលបន្តិចម្តងៗនូវគំនិតពឹងផ្អែកលើគោលនយោបាយឧបត្ថម្ភពីរដ្ឋ៕

បកប្រែដោយ Thuy Anh