កិច្ចប្រជុំតាមរយៈប្រព័ន្ធវីដេអូរវាងពេទ្យយោធាវៀតណាម - ឥណ្ឌា ក្នុងការបង្ការ និងប្រយុទ្ធប្រឆាំងនឹងជំងឺ Covid-19
កប.អនឡាញ - នៅថ្ងៃទី ១ កក្កដា នាយកដ្ឋានពេទ្យយោធា (អគ្គនាយកដ្ឋានភស្តុភារ) បានរៀបចំកិច្ចប្រជុំតាមរយៈប្រព័ន្ធវីដេអូរវាងពេទ្យយោធាវៀតណាម - ឥណ្ឌា ក្នុងការបង្ការ និងប្រយុទ្ធប្រឆាំងនឹងជំងឺ Covid-19។ លោកឧត្តមសេនីយ៍ត្រី Nguyen Xuan Kien ប្រធាននាយកដ្ឋានពេទ្យយោធាវៀតណាម និងលោកឧត្តមសេនីយ៍ទោ Anup Banerji ប្រធាននាយកដ្ឋានពេទ្យយោធាឥណ្ឌា បានអញ្ជើញជាអធិបតីក្នុងកិច្ចប្រជុំនេះ។
នៅឯកិច្ចប្រជុំ ភាគីទាំងពីរបានពិភាក្សាអំពីស្ថានភាពនៃជំងឺ Covid-19 នៅប្រទេសនីមួយៗ និងចែករំលែកនូវវិធានការនានាដើម្បីឆ្លើយតបនឹងរោគរាតត្បាត រួមជាមួយវិធីធ្វើរោគវិនិច្ឆ័យ បង្ការ និងព្យាបាលអ្នកឆ្លងជម្ងឺ SARS-CoV-2។ ជាពិសេសភាគីទាំងពីរបានសង្កត់ធ្ងន់លើតួនាទីរបស់កងទ័ពក្នុងការបង្ការ និងប្រយុទ្ធប្រឆាំងនឹងជំងឺ Covid-19 ។
ភាគីទាំងពីរបានឯកភាពបន្តរៀបចំកិច្ចប្រជុំតាមរយៈប្រព័ន្ធវីដេអូ ដើម្បីផ្លាស់ប្តូរបទពិសោធន៍ក្នុងការបង្ការ និងប្រយុទ្ធប្រឆាំងនឹងជំងឺ Covid-19 រវាងអ្នកជំនាញនៃប្រទេសទាំងពីរ តាមរយៈនោះ កសាងវិធីសាស្ដ្របង្ការ និងព្យាបាលជំងឺ Covid-19 ជាដើម៕
បកប្រែដោយ Pham Diep