គណៈកម្មាធិការបក្សយោធាមជ្ឈិមជួបជាមួយតំណាងកងទ័ពដែលចូលរួមមហាសន្និបាតលើកទី១៤ របស់បក្សកុម្មុយនិស្តវៀតណាម

លោកនាយឧត្តមសេនីយ៍ Phan Van Giang ថ្លែងក្នុងជំនួប

នៅក្នុងជំនួបនេះ ក្នុងនាមគណៈកម្មាធិការបក្សយោធាមជ្ឈិម និងក្រសួងការពារប្រទេស លោកនាយឧត្តមសេនីយ៍ Phan Van Giang បានជូនដំណឹងអំពីស្ថានភាពបច្ចុប្បន្ននៃពិភពលោក តំបន់ ប្រទេស និងភារកិច្ចយោធា ការពារជាតិ។ លោកក៏បានផ្សព្វផ្សាយខ្លឹមសារនៃកម្មវិធី ឯកសារនៃមហាសន្និបាត និងបទបញ្ជា ភារកិច្ចមួយចំនួនរបស់តំណាងកងទ័ពដែលចូលរួមក្នុងមហាសន្និបាតលើកទី១៤។ លោកនាយឧត្តមសេនីយ៍ Phan Van Giang បានសង្កត់ធ្ងន់ថា មហាសន្និបាតលើកទី១៤ របស់បក្ស គឺជាព្រឹត្តិការណ៍នយោបាយដ៏សំខាន់របស់ប្រទេសជាតិ។ កងទ័ពមានតំណាងចំនួន ៩៩ នាក់ដែលចូលរួមក្នុងមហាសន្និបាតលើកទី១៤ របស់បក្ស។ នេះគឺជាកិត្តិយស និងការទទួលខុសត្រូវដ៏ឧត្តុង្គឧត្តមសម្រាប់តំណាងម្នាក់ៗ ក៏ដូចជាកងទ័ពទាំងមូលផងដែរ។

ប្រតិភូចូលរួមជំនួប

លោកនាយឧត្តមសេនីយ៍ Phan Van Giang បានស្នើឲ្យតំណាងកងទ័ពដែលចូលរួមក្នុងមហាសន្និបាតលើកទី១៤ របស់បក្ស យល់ជ្រួតជ្រាបឲ្យបានច្បាស់អំពីទស្សនៈនៃការដឹកនាំ និងការបញ្ជារបស់ការិយាល័យនយោបាយ គណៈលេខាមជ្ឈិម​បក្ស​ និងគណៈកម្មាធិការបក្សយោធាមជ្ឈិម។ លើកកម្ពស់ស្មារតីទទួលខុសត្រូវ ប្រជាធិបតេយ្យ និងបញ្ញា ផ្ដល់មតិយោបល់ដ៏ស៊ីជម្រៅ និងយុទ្ធសាស្ត្រ ដើម្បីបញ្ជាក់ពីតួនាទីរបស់កងទ័ព និងរួមចំណែកដល់ជោគជ័យនៃមហាសន្និបាតលើកទី១៤ របស់បក្ស យល់យ៉ាងច្បាស់អំពីកម្មវិធី ខ្លឹមសារ និងឯកសាររបស់មហាសន្និបាតលើកទី១៤ ហើយធ្វើជាគំរូ និងអនុវត្តឲ្យបានត្រឹមត្រូវនូវបទបញ្ជាសម្រាប់តំណាងដែលចូលរួមក្នុងមហាសន្និបាតលើកទី១៤ របស់បក្ស និងបទបញ្ជាការងារ បទបញ្ជបោះឆ្នោតនៅមហាសន្និបាត ព្រមទាំង ចូលរួមយ៉ាងសកម្មក្នុងខ្លឹមសារ និងភារកិច្ចដែលបានកំណត់ដោយមហាសន្និបាត។ លោកបានសង្កត់ធ្ងន់លើការទទួលខុសត្រូវរបស់តំណាងម្នាក់ៗដែលចូលរួមក្នុងមហាសន្និបាតលើកទី១៤ របស់បក្ស ដោយផ្ដល់យោបល់ស្របតាមគោលមាគ៌ា និងទស្សនៈរបស់បក្ស និងភារកិច្ចយោធា ការពារជាតិ ហើយបង្ហាញពីការឯកភាពលើបញ្ហាដែលទាក់ទងនឹងបក្ស រដ្ឋ និងកងទ័ព ផ្តោតលើការធ្វើឲ្យស៊ីជម្រៅបន្ថែមទៀតនូវបញ្ហាការពារជាតិ សន្តិសុខ និងភារកិច្ចរបស់កងទ័ព ក្នុងមហាសន្និបាតលើកទី១៤ របស់បក្ស៕

បកប្រែដោយ Thuy Anh