អបអរសាទរខួបលើកទី៦៨ នៃការបង្កើតបក្សប្រជាជនបដិវត្តន៍ឡាវ

សារអបអរសាទរនោះបានសរសេរថា៖ “រហូតក្នុងរយៈពេល៦៨ ឆ្នាំកន្លងមក ជាពិសេសបន្ទាប់ពី៣៦ឆ្នាំនៃការអនុវត្តគោលនយោបាយកំណែទម្រង់ថ្មីក្រោមការដឹកនាំដ៏ឈ្លាសវៃរបស់បក្សបដិវត្តន៍ឡាវ ប្រជាជនឡាវបានលើកតម្កើងប្រពៃណីវីរភាពបដិវត្តន៍ ជំនះរាល់ការលំបាក និងបញ្ហាប្រឈមទាំងអស់ ហើយទទួលបានសមិទ្ធផលដ៏អស្ចារ្យជាប្រវត្តិសាស្ត្រលើគ្រប់វិស័យ និងលើកកម្ពស់កិត្យានុភាព និងឋានៈរបស់បក្សបដិវត្តន៍ប្រជាជនឡាវ និងសាធារណរដ្ឋប្រជាធិបតេយ្យប្រជាមានិតឡាវលើឆាកអន្តរជាតិ។

សមិទ្ធផលទាំងនេះ គឺជាសេចក្តីរីករាយរួមរបស់បក្សទាំងពីរ រដ្ឋទាំងពីរ និងប្រជាជននៃប្រទេសយើងទាំងពីរ។ បក្ស រដ្ឋ និងប្រជាជនវៀតណាមជានិច្ចកាលគាំទ្រយ៉ាងខ្លាំងក្លា និងគ្រប់ជ្រុងជ្រោយចំពោះការផ្លាស់ប្តូរថ្មីរបស់ឡាវ ហើយជឿជាក់យ៉ាងមុតមាំថា បន្តប្រពៃណីរបស់ជំនាន់មុន និងលើកកម្ពស់សមិទ្ធផលដែលសម្រេចបានរួចមក ក្រោមការដឹកនាំរបស់បក្សប្រជាជនបដិវត្តន៍ឡាវ ប្រជាជនឡាវបងប្អូននឹងបន្តសម្រេចបាននូវសមិទ្ធផលថ្មី និងធំជាងនេះជាច្រើនក្នុងការងារផ្លាស់ថ្មី អនុវត្តយ៉ាងជោគជ័យនូវគោលដៅនៃសេចក្តីសម្រេចចិត្តនៃមហាសន្និបាតលើកទី១១ របស់បក្សបដិវត្តន៍ឡាវ និងផែនការអភិវឌ្ឍន៍សេដ្ឋកិច្ចសង្គមរយៈពេល៥ឆ្នាំ លើកទី៩ ។ កសាងប្រទេសឡាវប្រកបដោយសន្តិភាព ឯករាជ្យ ប្រជាធិបតេយ្យ ឯកភាព និងវិបុលភាព តាមគោលដៅសង្គមនិយម។

បក្ស រដ្ឋ និងប្រជាជនវៀតណាម មានសេចក្តីសោមនស្សរីករាយជាខ្លាំងដោយបានឃើញថា រួមជាមួយនឹងសមិទ្ធផលរបស់បក្ស រដ្ឋ និងប្រជាជននៃប្រទេសទាំងពីរក្នុងប៉ុន្មានឆ្នាំចុងក្រោយនេះ ទំនាក់ទំនងមិត្តភាពដ៏អស្ចារ្យ ចំណងមិត្តភាពពិសេស និងកិច្ចសហប្រតិបត្តិការលើគ្រប់វិស័យរវាងវៀតណាម និងឡាវដែលត្រូវបានបង្កើតឡើងដោយលោកប្រធានហូជីមិញ និងលោកប្រធាន Kaysone Phomvihane និងលោកប្រធាន Souphanouvong ជាទីគោរព និងជាទីស្រឡាញ់ ហើយត្រូវបានថ្នាក់ដឹកនាំគ្រប់ជំនាន់នៃប្រទេសទាំងពីរ ខិតខំប្រឹងប្រែងពូនជ្រំ ពង្រឹង និងពង្រីកជាបន្តបន្ទាប់ និងអភិវឌ្ឍកាន់តែស៊ីជម្រៅ ជាក់ស្តែង និងមានប្រសិទ្ធភាពលើគ្រប់វិស័យ រួមចំណែកយ៉ាងសកម្មក្នុងបុព្វហេតុផ្លាស់ប្តូរថ្មី កសាង និងការពារមាតុភូមិនៅក្នុងប្រទេសនីមួយៗ។ បក្ស រដ្ឋ និងប្រជាជនវៀតណាម ជានិច្ចកាលវាយតម្លៃខ្ពស់ និងចងចាំជានិច្ចនូវការគាំទ្រដ៏ខ្លាំងក្លា ជំនួយដ៏ថ្លៃថ្លា ស្មោះត្រង់ សុចរិត និងមានប្រសិទ្ធភាព ដែលបក្ស រដ្ឋ និងប្រជាជនឡាវ ទទួលបានសម្រាប់បក្ស រដ្ឋ និងប្រជាជនវៀតណាម ក្នុងរយៈពេលកន្លងមក។ យើងនឹងប្រឹងប្រែងឱ្យអស់ពីសមត្ថភាព រួមជាមួយនឹងបក្ស រដ្ឋ និងប្រជាជនឡាវ ដើម្បីថែរក្សា ការពារ និងពូនជ្រំទំនាក់ទំនងសាមគ្គីភាពពិសេស វៀតណាម-ឡាវ ឱ្យរីកចម្រើនឡើងដល់កម្រិតកម្ពស់ថ្មី ដើម្បីផលប្រយោជន៍របស់ប្រជាជននៃប្រទេសនីមួយៗ ដើម្បីសន្តិភាព ស្ថិរភាព។ កិច្ចសហប្រតិបត្តិការ និងការអភិវឌ្ឍក្នុងតំបន់ និងក្នុងពិភពលោក”។

*ក្នុងឱកាសនេះ លោក Nguyen Phu Trong អគ្គលេខាបក្សកុម្មុយនិស្តវៀតណាម បានផ្ញើកន្រ្តកផ្កាអបអរសាទរចំពោះលោក Thongloun Sisoulith អគ្គលេខាបក្ស និងជាប្រធានរដ្ឋឡាវ ហើយថ្នាក់ដឹកនាំបក្ស រដ្ឋ វៀតណាមនានាក៏បានផ្ញើសារអបអរសាទរដល់ថ្នាក់ដឹកនាំបក្ស រដ្ឋ ឡាវផងដែរ៕

បកប្រែដោយ Minh Trung