លោកប្រធានរដ្ឋសភាត្រួតពិនិត្យការ​ងាររៀបចំការបោះឆ្នោតជ្រើសតាំង​សមាជិកសភានី​តិកាលទី១៦ នៅខេត្ត Dong Nai

លោក Tran Thanh Man ប្រធានរដ្ឋសភានិងជាប្រធានក្រុមប្រឹក្សាជាតិរៀបចំការបោះឆ្នោត វាយតម្លៃខ្ពស់ចំពោះការរៀបចំសម្ភារៈ និងហេដ្ឋារចនាសម្ព័ន្ធសម្រាប់ការបោះឆ្នោតនៅខេត្ត Dong Nai (រូបថត៖ Le Tuyet/VOV)

ដោយធ្វើការជាមួយគណៈកម្មាធិការរៀបចំការបោះឆ្នោតខេត្ត Dong Nai បន្ទាប់ពីបានស្តាប់របាយការណ៍ពីខេត្ត Dong Nai និងមតិយោបល់របស់សមាជិកគណប្រតិភូ នៅក្នុងសុន្ទរកថាសន្និដ្ឋានកិច្ចប្រជុំ លោក Tran Thanh Man ប្រធានរដ្ឋសភានិងជាប្រធានក្រុមប្រឹក្សារៀបចំការបោះឆ្នោតជាតិ បានស្នើសុំថា៖ “ខ្ញុំសង្ឃឹមថា ខេត្ត Dong Nai នឹងមិនរៀបចំការបោះឆ្នោតឡើងវិញនៅថ្នាក់ឃុំ ថ្នាក់ខេត្ត ឬបោះឆ្នោតចំនួនសមាជិកសភាឡើងវិញឡើយ។ ទីពីរ សូមស្នើឲ្យបេក្ខជនទាំងអស់ ត្រូវតែចូលរួមជួបសំណេះសំណាលជាមួយអ្នកបោះឆ្នោតតាមរយៈមធ្យោបាយផ្ទាល់និងតាមអ៊ីនធឺណិត ដើម្បីឱ្យអ្នកបោះឆ្នោតស្គាល់ដល់បេក្ខជនសម្រាប់រដ្ឋសភានៅថ្នាក់ទាំងបី។ ការសំណេះសំណាលនេះ គឺដើម្បីខិតជិតប្រជាជន ក្តាប់ជាប់មតិនិងសេចក្តីប្រាថ្នារបស់ប្រជាជន ហើយមិនអាចធ្វើដោយត្រួសៗបានទេ”។

លើសពីនេះ លោកប្រធានរដ្ឋសភាបានកត់សម្គាល់ជាពិសេសអំពីតម្រូវការក្នុងការកាត់បន្ថយការបោះឆ្នោតជំនួសអ្នកដទៃ។ ទន្ទឹមនឹងនោះ ម្ចាស់ការស្រាវជ្រាវ អនុវត្តបច្ចេកវិទ្យាព័ត៌មាន និងការធ្វើបរិវត្តកម្មឌីជីថលឲ្យបានត្រឹមត្រូវ ដើម្បីធានាថាបញ្ជីឈ្មោះអ្នកបោះឆ្នោតគ្មានការខកខាន៕

តាម vovworld.vn