វៀតណាមនឹងប្រកាសពីគំនិតផ្តួចផ្តើមពីរស្តីពី SDGs និងសិទ្ធិមនុស្សនៅក្នុងសម័យប្រជុំលើកទី៦១ នៃក្រុមប្រឹក្សាសិទ្ធិមនុស្សអង្គការសហប្រជាជាតិ

នៅក្នុងសុន្ទរកថាបើក លោក António Guterres អគ្គលេខាធិការអង្គការសហប្រជាជាតិ បានបញ្ជាក់ជាថ្មីអំពីតួនាទីដែលមិនអាចជំនួសបានរបស់រុមប្រឹក្សាសិទ្ធិមនុស្ស និងយន្តការពាក់ព័ន្ធ រួមទាំងយន្តការពិនិត្យជាសកលតាមកាលកំណត់ (UPR) ដោយចាត់ទុកថាជាយន្តការសំខាន់ៗដើម្បីធ្វើឲ្យប្រទេសទាំងឡាយត្រូវការមានការទទួលខុសត្រូវ និងការការពារសេចក្តីថ្លៃថ្នូររបស់មនុស្សនៅក្នុងបរិបទដែលពិភពលោកពោរពេញដោយអស្ថិរភាពនាពេលបច្ចុប្បន្ន។

លោក Mai Phan Dung និងគណៈប្រតិភូវៀតណាមនៅពិធីបើកនៃសម័យប្រជុំ (រូបថត៖ vnanet.vn)

នៅក្នុងសម័យប្រជុំនេះ គណៈប្រតិភូវៀតណាមដឹកនាំដោយលោក Mai Phan Dung ឯកអគ្គរដ្ឋទូត ប្រធានស្ថានបេកសកកម្មវៀតណាមប្រចាំទីក្រុងហ្សឺណែវ នឹងចូលរួមយ៉ាងសកម្ម និងរួមចំណែកដល់ការពិភាក្សាលើបញ្ហាសំខាន់ៗជាច្រើន រួមទាំងការប្រែប្រួលអាកាសធាតុ សិទ្ធិកុមារ សិទ្ធិទទួលបានអាហារ សិទ្ធិរបស់ជនពិការ និងអាទិភាពផ្សេងរបស់សហគមន៍អន្តរជាតិ។ គណៈប្រតិភូវៀតណាមនឹងចូលរួមយ៉ាងសកម្មនៅក្នុងដំណើរការពិគ្រោះយោបល់លើសេចក្តីសម្រេចចំនួន ៣៦ នៃសម័យប្រជុំនេះ ហើយនឹងមានគំនិតផ្តួចផ្តើមពីរគឺ៖ សេចក្តីប្រកាសរួមស្តីពីសមភាពយេនឌ័រក្នុងការអនុវត្តគោលដៅអភិវឌ្ឍន៍ប្រកបដោយចីរភាព (SDGs) និងព្រឹត្តិការណ៍ខាងក្រៅជាមួយកូរ៉េខាងត្បូង ជប៉ុន និងថៃ ស្តីពីផលប៉ះពាល់នៃការឆបោកតាមអ៊ីនធឺណិតលើសិទ្ធិមនុស្ស៕

បកប្រែដោយ Thanh Cong