លោក To Lam អគ្គលេខាបក្ស មកដល់សហរដ្ឋអាមេរិកដើម្បីចូលរួមកិច្ចប្រជុំបើកក្រុមប្រឹក្សាសន្តិភាពស្តីពីហ្គាហ្សា

ស្វាគមន៍លោក To Lam អគ្គលេខាបក្ស និងគណៈប្រតិភូ នៅអាកាសយានដ្ឋានយោធា Andrews រួមមាន៖ លោក Nguyen Quoc Dung ឯកអគ្គរដ្ឋទូតវៀតណាមប្រចាំសហរដ្ឋអាមេរិក; លោក Do Hung Viet ឯកអគ្គរដ្ឋទូត ប្រធានស្ថានបេសកកម្មអចិន្ត្រៃយ៍វៀតណាមប្រចាំនៅអង្គការសហប្រជាជាតិ; លោក Dang Hoang Giang អនុរដ្ឋមន្ត្រីក្រសួងការបរទេស; លោក Hoang Anh Tuan អគ្គកុងស៊ុលវៀតណាមប្រចាំទីក្រុង San Fransisco; លោកស្រី Hoang Thuy Duong អគ្គកុងស៊ុលវៀតណាមប្រចាំទីក្រុង Houston រួមជាមួយកម្មាភិបាល និងបុគ្គលិករបស់ស្ថានទូត។

លោក To Lam អគ្គលេខាបក្ស មកដល់សហរដ្ឋអាមេរិកដើម្បីចូលរួមកិច្ចប្រជុំបើកក្រុមប្រឹក្សាសន្តិភាពស្តីពីហ្គាហ្សា (រូបថត៖ nhandan.vn)

ក្នុងនាមជាសមាជិកស្ថាបនិក វៀតណាមមានគោលបំណងចង់រួមជាមួយសមាជិកដទៃទៀត ពង្រីកតួនាទីរបស់ក្រុមប្រឹក្សាសន្តិភាពស្តីពីហ្គាហ្សា ក្នុងការជំរុញសន្តិភាព និងកសាងហ្គាហ្សាឡើងវិញ ដោយឈរលើសេចក្តីសម្រេចរបស់ក្រុមប្រឹក្សាសន្តិសុខអង្គការសហប្រជាជាតិ ដោយធានាផលប្រយោជន៍ស្របច្បាប់របស់គ្រប់ភាគីទាំងអស់ ជាពិសេសប្រជាជនប៉ាឡេស្ទីន ស្របតាមច្បាប់អន្តរជាតិ និងធម្មនុញ្ញអង្គការសហប្រជាជាតិ។

ពិធីស្វាគមន៍លោក To Lam អគ្គលេខាបក្ស និងគណៈប្រតិភូនៅអាកាសយានដ្ឋាន (រូបថត៖ nhandan.vn)

ការចូលរួមរបស់លោក To Lam អគ្គលេខាបក្ស ក្នុងកិច្ចប្រជុំបើកក្រុមប្រឹក្សាសន្តិភាពស្តីពីហ្គាហ្សា បង្ហាញពីការគាំទ្រចំពោះកិច្ចខិតខំប្រឹងប្រែងសន្តិភាពនិយាយរួម និងគំនិតផ្តួចផ្តើមកសាងឡើងវិញនៅហ្គាហ្សានិយាយដោយឡែក រួមចំណែកជំរុញកិច្ចសហប្រតិបត្តិការរវាងវៀតណាម និងសហរដ្ឋអាមេរិក ក្នុងការដោះស្រាយបញ្ហាក្នុងតំបន់ និងសកលលោកឲ្យកាន់តែស៊ីជម្រៅថែមទៀត ស្របតាមស្មារតីនៃភាពជាដៃគូយុទ្ធសាស្ត្រគ្រប់ជ្រុងជ្រោយ៕

បកប្រែដោយ Huyen Trang