នាំវៀតណាមឱ្យកាន់តែជិតនឹងមិត្តភក្តិអន្តរជាតិនៅប្រទេសស្វីស

លោកឯកអគ្គរដ្ឋទូត Mai Phan Dung ពន្យល់អត្ថន័យនៃរូបថតជូនឯកអគ្គរដ្ឋទូតមកពីប្រទេសជាមិត្ត និងដៃគូ

ក្នុងឱកាសដែលវៀតណាមត្រូវបានជាប់ឆ្នោតជាសមាជិកក្រុមប្រឹក្សាសិទ្ធិមនុស្សអង្គការសហប្រជាជាតិសម្រាប់អាណត្តិឆ្នាំ២០២៦-២០២៨ នៅថ្ងៃទី១២ ខែធ្នូ ឆ្នាំ២០២៥ ស្ថានបេសកកម្មអចិន្ត្រៃយ៍របស់វៀតណាមប្រចាំអង្គការសហប្រជាជាតិ អង្គការពាណិជ្ជកម្មពិភពលោក និងអង្គការអន្តរជាតិដទៃទៀតនៅទីក្រុងហ្សឺណែវ បានរៀបចំពិព័រណ៍រូបថតមួយក្រោមប្រធានបទ "វៀតណាម - ប្រទេសដ៏ស្វាហាប់ និងពោរពេញដោយក្តីប្រាថ្នា" នៅទីស្នាក់ការរបស់ស្ថានបេសកកម្មអចិន្ត្រៃយ៍របស់វៀតណាម។

ការតាំងពិព័រណ៍នេះបានទាក់ទាញឯកអគ្គរដ្ឋទូត ប្រធាន និងអនុប្រធានស្ថានបេសកកម្ម ជាច្រើនមកពីប្រទេសជាមិត្ត ប្រទេសជាសមាជិកនៃក្រុមប្រឹក្សាសិទ្ធិមនុស្ស ក៏ដូចជាអ្នកជំនាញសិទ្ធិមនុស្ស និងដៃគូរបស់វៀតណាមនៅទីក្រុងហ្សឺណែវ ដែលបង្ហាញពីចំណាប់អារម្មណ៍ និងការគាំទ្ររបស់សហគមន៍អន្តរជាតិចំពោះវៀតណាមក្នុងតួនាទីជាសមាជិកនៃក្រុមប្រឹក្សាសិទ្ធិមនុស្សនៅក្នុងអាណត្តិខាងមុខ។

នៅក្នុងសុន្ទរកថាបើករបស់លោកឯកអគ្គរដ្ឋទូត Mai Phan Dung ប្រធានស្ថានបេសកកម្មអចិន្ត្រៃយ៍របស់វៀតណាមប្រចាំទីក្រុងហ្សឺណែវ បានសង្កត់ធ្ងន់ថា ការតាំងពិព័រណ៍នេះគឺជាឱកាសមួយដើម្បីណែនាំយ៉ាងច្បាស់លាស់អំពីប្រទេសវៀតណាម ដែលជាប្រទេសមួយដែលមានវប្បធម៌ចម្រុះ សង្គមដ៏សម្បូរបែប មានភាពស្វាហាប់ក្នុងការអភិវឌ្ឍ មានភាពភាពជាប់លាប់ក្នុងការអនុវត្តគោដៅយកមនុស្សជាមជ្ឈភាព។ លោកឯកអគ្គរដ្ឋទូតបានបញ្ជាក់ថា តាមរយៈរូបភាពនៃធម្មជាតិ វប្បធម៌ ជីវិតសង្គម និងប្រជាជន ការតាំងពិព័រណ៍នេះរួមចំណែកក្នុងការជួយមិត្តភក្តិអន្តរជាតិឱ្យយល់កាន់តែច្បាស់អំពីគ្រឹះសង្គម-វប្បធម៌ និងគុណតម្លៃនានាដែលវៀតណាមនាំមកក្នុងការចូលរួម និងការរួមចំណែករបស់ខ្លួនចំពោះក្រុមប្រឹក្សាសិទ្ធិមនុស្សរបស់អង្គការសហប្រជាជាតិ។

មិត្តភក្តិអន្តរជាតិទស្សនារូបថតនៅក្នុងការតាំងពិព័រណ៍

តាមរយៈព្រឹត្តិការណ៍នេះ វៀតណាមក៏បានបញ្ជាក់ពីស្មារតីនៃកិច្ចសហប្រតិបត្តិការ ការសន្ទនា និងការទទួលខុសត្រូវរបស់ខ្លួនក្នុងអំឡុងពេលអាណត្តិជាសមាជិកក្រុមប្រឹក្សាសិទ្ធិមនុស្សចាប់ពីឆ្នាំ ២០២៦ ដល់ឆ្នាំ ២០២៨ ជាមួយនឹងការផ្តោតសំខាន់មួយចំនួនដែលមានគោលបំណងលើកកម្ពស់វិធីសាស្រ្តស្ថាបនា និងសហប្រតិបត្តិការ ការគោរពភាពចម្រុះ ការលើកកម្ពស់សិទ្ធិមនុស្សដែលភ្ជាប់ទៅនឹងសិទ្ធិទទួលបានការអភិវឌ្ឍ និងបង្កើនប្រសិទ្ធភាព និងលក្ខណៈបរិយាប័ន្ននៃយន្តការសិទ្ធិមនុស្សរបស់អង្គការសហប្រជាជាតិ។

ការតាំងពិព័រណ៍រូបថតនេះគឺជាសកម្មភាពការទូតវប្បធម៌ដ៏មានអត្ថន័យ ដែលរួមចំណែកដល់ការផ្សព្វផ្សាយរូបភាពរបស់វៀតណាមជាប្រទេសដែលមានសន្តិភាព ស្វាហាប់ បើកចំហ និងជាដៃគូសកម្ម និងមានទំនួលខុសត្រូវក្នុងកិច្ចខិតខំប្រឹងប្រែងរួមគ្នារបស់សហគមន៍អន្តរជាតិសម្រាប់សន្តិភាព ការអភិវឌ្ឍប្រកបដោយចីរភាព និងការគោរពសិទ្ធិមនុស្ស៕

បកប្រែដោយ Duy Hoan