ព្រះមហាក្សត្រប៊ូតាននិងម្ចាស់ក្សត្រី យាងមកដល់ទីក្រុងហាណូយ ចាប់ផ្តើមព្រះរាជដំណើរទស្សនកិច្ចផ្លូវរដ្ឋនៅវៀតណាម

វៀតណាមនិងប៊ូតានបានបង្កើតទំនាក់ទំនងការទូតនាថ្ងៃទី ១៩ ខែមករា ឆ្នាំ២០១២។ ប្រទេសទាំងពីរមានទំនាក់ទំនងមិត្តភាពដ៏ល្អប្រសើរ។ ថ្នាក់ដឹកនាំជាន់ខ្ពស់នៃប្រទេសទាំងពីរតែងតែផ្លាស់ប្តូរសារទូរលេខក្នុងឱកាសព្រឹត្តិការណ៍នានា។

លោក Dao Ngoc Dung រដ្ឋមន្ត្រីក្រសួងជនជាតិនិងសាសនាវៀតណាម ទទួលស្វាគមន៍ព្រះមហាក្សត្រប៊ូតាន Jigme Khesar Namgyel Wangchuck និងម្ចាស់ក្សត្រីនៅអាកាសយានដ្ឋានអន្តរជាតិ Noi Bai (រូបថត៖ vnanet.vn)

ប្រទេសទាំងពីរមានសក្តានុពលលើវិស័យទេសចរណ៍ ជាពិសេសទេសចរណ៍ព្រះពុទ្ធសាសនា និងទេសចរណ៍ខាងវិញ្ញាណ។ ប្រទេសទាំងពីរក៏កំពុងឆ្ពោះទៅរកកិច្ចសហប្រតិបត្តិការលើវិស័យសាសនា ជាពិសេសព្រះពុទ្ធសាសនា ការអប់រំ និងការផ្លាស់ប្តូរធនធានមនុស្ស។ ប៊ូតាន យកចិត្តទុកដាក់ចំពោះកិច្ចសហប្រតិបត្តិការជាមួយវៀតណាមក្នុងការផ្លាស់ប្តូរគណៈប្រតិភូសិក្សា វប្បធម៌ និងជំរុញការផ្លាស់ប្តូររវាងប្រជាជនជាមួយប្រជាជននៅវេទិកាតំបន់ និងអន្តរជាតិ។ ប្រទេសទាំងពីរតែងតែសម្របសម្រួលគ្នាទៅវិញទៅមកនៅវេទិកាពហុភាគីផងដែរ៕

តាម vovworld.vn