ជំរុញសកម្មភាពផ្លាស់ប្តូរប្រជាជនរវាងវៀតណាម និងសហរដ្ឋអាមេរិក

លោក Phan Anh Son ប្រធានសម្ព័ន្ធអង្គការមិត្តភាពវៀតណាម មានប្រសាសន៍​ក្នុង​កម្មវិធី

មានប្រសាសន៍ក្នុងឱកាសនេះ លោក Phan Anh Son ប្រធានសម្ព័ន្ធអង្គការមិត្តភាពវៀតណាម បានសង្កត់ធ្ងន់ថា បច្ចុប្បន្ននេះ ទំនាក់ទំនងសហប្រតិបត្តិការ និងមិត្តភាពរវាងប្រទេសទាំងពីរបានអភិវឌ្ឍដោយឥតឈប់ឈរជាមួយនឹងសមិទ្ធិផលដ៏ធំធេងលើវិស័យជាច្រើន ទាំងវិស័យនយោបាយ-ការទូត សេដ្ឋកិច្ច-ពាណិជ្ជកម្ម វប្បធម៌-អប់រំ វិទ្យាសាស្ត្រ-បច្ចេកវិទ្យា និងការដោះស្រាយផលវិបាកនៃសង្គ្រាម។ ក្នុងទំនាក់ទំនងវៀតណាម-អាមេរិក ការផ្លាស់ប្តូររវាងប្រជាជននិងប្រជាជនបានរួមចំណែកយ៉ាងសំខាន់។ អង្គការប្រជាជនវៀតណាម រួមទាំងសម្ព័ន្ធអង្គការមិត្តភាពវៀតណាម និងសមាគមវៀតណាម-អាមេរិកនៅថ្នាក់មជ្ឈិម និងមូលដ្ឋានបានសម្របសម្រួលជាមួយដៃគូអាមេរិកអនុវត្តសកម្មភាពប្រកបដោយអត្ថន័យជាច្រើន រួមចំណែកដោះស្រាយផលវិបាកនៃសង្គ្រាម ការផ្លាស់ប្តូរវប្បធម៌ និងអប់រំ ការតភ្ជាប់ពាណិជ្ជកម្ម និងវិនិយោគជាដើម។

លោក Marc Knapper ឯកអគ្គរដ្ឋទូតអាមេរិកប្រចាំនៅវៀតណាម មានប្រសាសន៍នៅក្នុងកម្មវិធី

មានប្រសាសន៍ក្នុងកម្មវិធី លោក Marc Knapper ឯកអគ្គរដ្ឋទូតអាមេរិកប្រចាំនៅវៀតណាម បានអះអាងថា ព្រឹត្តិការណ៍ផ្លាស់ប្តូរមិត្តភាពនេះឆ្លុះបញ្ចាំងពីសារៈសំខាន់នៃការផ្លាស់ប្តូរប្រជាជន និងប្រជាជន ដែលជាមូលដ្ឋានគ្រឹះសម្រាប់ទំនាក់ទំនងវៀតណាម - អាមេរិក។ ទំនាក់ទំនងភាពជាដៃគូរបស់ភាគីទាំងពីត្រូវបានដឹកនាំដោយជំនឿស្នូលដែលថាសហរដ្ឋអាមេរិកគាំទ្រវៀតណាមមួយរឹងមាំ ឯករាជ្យ វិបុលភាព  ហើយថាសហរដ្ឋអាមេរិកគោរពបូរណភាពទឹកដី អធិបតេយ្យភាព ឯករាជ្យ និងប្រព័ន្ធនយោបាយរបស់គ្នាទៅវិញទៅមក។ ទន្ទឹមនឹងនោះ លោកក៏បានថ្លែងអំណរគុណចំពោះកិច្ចសហប្រតិបត្តិការដ៏ល្អជាមួយសម្ព័ន្ធអង្គការមិត្តភាពវៀតណាម និងទីក្រុង Da Nang ខណៈដែលប្រទេសទាំងពីរប្រារព្ធព្រឹត្តិការណ៍ដ៏សំខាន់នេះក្នុងទំនាក់ទំនងការទូត។

ការសម្តែង​មួ​យ​ក្នុង​ពិធី

លោក Ho Ky Minh អនុប្រធានអចិន្ត្រៃយ៍គណៈកម្មាធិការប្រជាជនទីក្រុង Da Nang បានឲ្យដឹងថា ទំនាក់ទំនងមិត្តភាពរវាងទីក្រុង Da Nang និងមូលដ្ឋាន និងអង្គការនានារបស់សហរដ្ឋអាមេរិកក្នុងប៉ុន្មានឆ្នាំចុងក្រោយនេះ សម្រេចបាននូវជំហានវិជ្ជមានជាច្រើន តាមរយៈដំណើរទស្សនកិច្ចមិត្តភាព និងការផ្លាស់ប្តូរគណៈប្រតិភូរវាងភាគីទាំងពីរ។

សហរដ្ឋអាមេរិកក៏ជាដៃគូវិនិយោគឈានមុខគេមួយនៅទីក្រុង Da Nang។ មកទល់នឹងពេលនេះ ទីក្រុង Da Nang បានទាក់ទាញគម្រោងវិនិយោគទុន FDI ចំនួន ៨៩ ពីសហរដ្ឋអាមេរិក ជាមួយនឹងទុនវិនិយោគសរុបចំនួន ៥១១ លានដុល្លារអាមេរិក ដោយឈរនៅលំដាប់លេខ ៣ បើធៀបនឹងដើមទុន FDI នៅក្នុងទីក្រុង។ សកម្មភាពការទូតរវាងប្រជាជននិងប្រជាជនរវាងទីក្រុង Da Nang និងសហរដ្ឋអាមេរិកបានប្រព្រឹត្តទៅយ៉ាងស្វាហាប់ជាមួយនឹងវត្តមាន និងការរួមចំណែកជាក់ស្តែងរបស់សហគមន៍អាមេរិក និងអង្គការមិនមែនរដ្ឋាភិបាលរបស់សហរដ្ឋអាមេរិកក្នុងវិស័យអប់រំ សុខភាព និងការអភិវឌ្ឍសហគមន៍ រួមចំណែកធ្វើឱ្យស៊ីជម្រៅ និងតភ្ជាប់ទំនាក់ទំនងជិតស្និទ្ធរបស់ប្រជាជននៃប្រទេសទាំងពីរ។

បកប្រែដោយ Duy Hoan