វៀតណាមសង្កត់ធ្ងន់លើតួនាទីនៃការអភិវឌ្ឍប្រកបដោយចីរភាពក្នុងការរក្សាសន្តិភាព និងសន្តិសុខអន្តរជាតិ

លោក Nguyen Minh Vu បានសង្កត់ធ្ងន់ថា ការអភិវឌ្ឍប្រកបដោយចីរភាពមិនត្រឹមតែជាគោលដៅប៉ុណ្ណោះទេ ថែមទាំងជាមូលដ្ឋានគ្រឹះសម្រាប់រក្សាសន្តិភាពយូរអង្វែងទៀតផង។ ដោយចែករំលែកមេរៀន និងបទពិសោធន៍ជាក់ស្តែងក្នុងការកសាងប្រទេសជាតិក្រោយសង្គ្រាម លោកអនុរដ្ឋមន្ត្រីបានអះអាងថា ការផ្តោតលើការអភិវឌ្ឍប្រកបដោយចីរភាព ដោយមានការគាំទ្រពីដៃគូអន្តរជាតិ ក្នុងនោះមានទីភ្នាក់ងារអង្គការសហប្រជាជាតិ គឺជាកម្លាំងចលករដែលជួយវៀតណាមស្តារសេដ្ឋកិច្ច ជំរុញសាមគ្គីភាពសង្គម និងបង្កើតសមិទ្ធិផលអភិវឌ្ឍន៍លេចធ្លោក្នុងទស្សវត្សកន្លងមកនេះ។

លោក Nguyen Minh Vu ថ្លែងមតិក្នុងពិធី (រូបថត៖ Pham Huan/VOV-Washington)

ក្នុងឱកាសនេះ លោក Nguyen Minh Vu បានផ្តល់អនុសាសន៍ជាក់ស្តែងមួយចំនួន ដើម្បីជំរុញការសម្របសម្រួលកាន់តែជិតស្និទ្ធរវាងក្រុមប្រឹក្សាសន្តិសុខនិងស្ថាប័ននានារបស់អង្គការសហប្រជាជាតិ ជាពិសេសក្រុមប្រឹក្សាសេដ្ឋកិច្ចនិងសង្គម (ECOSOC) ព្រមទាំងគណៈកម្មាធិការកសាងសន្តិភាពនិងស្ថាប័នពាក់ព័ន្ធដទៃទៀត ដោយហេតុនេះបង្កើតវិធីសាស្រ្តដ៏ទូលំទូលាយនិងព្រមៗគ្នាក្នុងការអភិរក្ស កសាង និងរក្សាសន្តិភាព ការស្ដារឡើងវិញ និងការអភិវឌ្ឍប្រកបដោយចីរភាព៕

តាម vovworld.vn