អនុវត្តចលនាប្រឡងប្រណាំងដោយជាក់ស្តែង នាំមកនូវផលប្រយោជន៍ ជូនប្រជាពលរដ្ឋ

លោក Pham Minh Chinh នាយករដ្ឋមន្ត្រី បានអញ្ជើញជាអធិបតីកិច្ចប្រជុំ

មានប្រសាសន៍ក្នុងកិច្ចប្រជនេះ លោក Pham Minh Chinh នាយករដ្ឋមន្ត្រី បានវាយតម្លៃខ្ពស់ និងកោតសរសើរចំពោះការខិតខំប្រឹងប្រែង និងអបអរសាទរចំពោះលទ្ធផលគួរឲ្យកត់សម្គាល់ ដែលកម្មវិធីគោលដៅជាតិស្តីពីការអភិវឌ្ឍន៍ជនបទថ្មី និងកម្មវិធីគោលដៅជាតិស្តីពីការកាត់បន្ថយភាពក្រីក្រប្រកបដោយនិរន្តរភាព សម្រេចបាននាពេលកន្លងមក។

លោក Pham Minh Chinh នាយករដ្ឋមន្ត្រី មានប្រសាសន៍​ក្នុង​កិច្ចប្រជុំ

លោកនាយករដ្ឋមន្ត្រីបានមានប្រសាសន៍ថា ប្រទេសកំពុងត្រៀមឈានចូលយុគសម័យថ្មី - យុគសម័យនៃការរីកចម្រើនរបស់ប្រទេសជាតិ ដូចដែលលោក To Lam អគ្គលេខាបក្ស បានចង្អុលបង្ហាញ ដូច្នេះចាំបាច់ត្រូវបន្តជំរុញកម្មវិធីគោលដៅជាតិស្តីពីការអភិវឌ្ឍជនបទថ្មី កម្មវិធីគោលដៅជាតិស្តីពីការកាត់បន្ថយភាពក្រីក្រប្រកបដោយនិរន្តរភាព និងចលនាប្រឡងប្រណាំង “ប្រទេសទាំងមូលរួមគ្នាកសាងជនបទថ្មី” ចលនាប្រឡងប្រណាំង “ដើម្បីជូនក្រីក្រ - មិនទុកនរណាម្នាក់ចោល”ដើម្បីអនុវត្តដោយជោគជ័យនូវកសិកម្មអេកូឡូស៊ី តំបន់ជនបទទំនើប កសិករស៊ីវិល័យ និងការកាត់បន្ថយភាពក្រីក្រទូលំទូលាយ បរិយាប័ន្ន និងនិរន្តរភាព។

លោក Pham Minh Chinh នាយករដ្ឋមន្ត្រី បានប្រគល់រង្វាន់ដ៏ថ្លៃថ្នូរបស់ប្រធានរដ្ឋ និងនាយករដ្ឋមន្ត្រី ជូនអង្គភាព និងបុគ្គលចំនួន  ដែលមានសមិទ្ធិផលលេចធ្លោក្នុងការអនុវត្តកម្មវិធីគោលដៅជាតិស្តីពីការអភិវឌ្ឍន៍ជនបទថ្មី

ក្នុងកិច្ចប្រជុំនេះ តាងនាមថ្នាក់ដឹកនាំបក្ស និងរដ្ឋ លោក Pham Minh Chinh នាយករដ្ឋមន្ត្រី បានប្រគល់រង្វាន់ដ៏ថ្លៃថ្នូរបស់ប្រធានរដ្ឋ និងនាយករដ្ឋមន្ត្រី ជូនអង្គភាព និងបុគ្គលចំនួន ៣០៦ នៅទូទាំងប្រទេស ដែលមានសមិទ្ធិផលលេចធ្លោក្នុងការអនុវត្តកម្មវិធីគោលដៅជាតិស្តីពីការអភិវឌ្ឍន៍ជនបទថ្មី កម្មវិធីគោលដៅជាតិស្តីពីការកាត់បន្ថយភាពក្រីក្រប្រកបដោយនិរន្តរភាព និងចលនាប្រឡងប្រណាំង “ប្រទេសទាំងមូលរួមគ្នាកសាងជនបទថ្មី” ចលនាប្រឡងប្រណាំង “ដើម្បីជូនក្រីក្រ - មិនទុកនរណាម្នាក់ចោល”៕

បកប្រែដោយ Duy Hoan