លោកឧត្តមសេនីយ៍ទោ Truong Thien To អញ្ជើញចូលរួមមហាសន្និបាតបក្ខភាគកាសែតកងទ័ពប្រជាជនអាណត្តិ ២០២៥-២០៣០

ចូលរួមមហាសន្និបាតមានប្រតិភូនៃស្ថាប័ន និងអង្គភាពរបស់អគ្គស្នងការដ្ឋាននយោបាយ ថ្នាក់ដឹកនាំនៃកាសែតកងទ័ពប្រជាជន និងប្រតិភូចំនួន ១០០ នាក់ដែលតំណាងឲ្យបក្ខជនទាំងអស់ នៃកាសែតកងទ័ពប្រជាជន។

លោកឧត្តមសេនីយ៍ទោ Truong Thien To អញ្ជើញចូលរួមមហាសន្និបាត

លោកឧត្តមសេនីយ៍ទោ Truong Thien To និងប្រតិភូទស្សនាការតាំងពិព័រណ៍នៅមហាសន្និបាត

មានប្រសាសន៍ក្នុងពិធីបើកមហាសន្និបាត លោកឧត្តមសេនីយ៍ត្រី Doan Xuan Bo លេខាគណៈកម្មាធិការបក្ស និងជាអគ្គនិពន្ធនាយកកាសែតកងទ័ពប្រជាជនបានសង្កត់ធ្ងន់ថា នេះជាសកម្មភាពនយោបាយដ៏សំខាន់របស់បក្ខភាគកាសែតកងទ័ពប្រជាជន ជាមូលដ្ឋានដើម្បីលើកកំពស់សមត្ថភាពដឹកនាំ និងកម្លាំងប្រយុទ្ធរបស់បក្ខភាគ បន្តផ្លាស់ប្ដូរថ្មី លើកកំពស់កម្លាំងរួម កសាងអង្គភាពដ៏រឹងមាំលើគ្រប់វិស័យ និងបំពេញល្អរាល់ភារកិច្ចដែលត្រូវបានប្រគល់ជូន។ មហាសន្និបាតក៏ជាព្រឹត្តិការណ៍ដែលបង្ហាញពីជំនឿដ៏មុតមាំលើការបង្លើតរបកគំហើញ ធ្វើឲ្យប្រសើរឡើងនូវសមត្ថភាពដឹកនាំ និងកម្លាំងប្រយុទ្ធរបស់បក្ខភាគកាសែតកងទ័ពប្រជាជន។

លោកឧត្តមសេនីយ៍ទោ Truong Thien To និងប្រតិភូនៅមហាសន្និបាត

មហាសន្និបាតបានបូកសរុបរយៈពេល ៥ ឆ្នាំនៃការអនុវត្តសេចក្តីសម្រេចចិត្តនៃមហាសន្និបាតបក្ខភាគកាសែតកងទ័ពប្រជាជនអាណត្តិ ២០២០-២០២៥ និងកំណត់ទិសដៅ វិធីសាស្រ្តដឹកនាំសម្រាប់អាណត្តិ ២០២៥-២០៣០ ហើយពិភាក្សានិងផ្ដល់យោបល់ក្នុងសេចក្តីព្រាងឯកសាររបស់គណៈកម្មាធិការមជ្ឈិមបក្សដើម្បីដាក់ជូនមហាសន្និបាតតំណាងទូទាំងប្រទេសលើកទី១៤ របស់បក្ស សេចក្តីព្រាងរបាយការណ៍នយោបាយ ដែលដាក់ជូនមហាសន្និបាតតំណាងលើកទី២០ របស់បក្ខភាគនៃបណ្ដាស្ថាប័នក្នុងអគ្គស្នងការដ្ឋាននយោបាយ ជ្រើសរើសបក្ខជនគំរូដើម្បីចូលក្នុងគណៈកម្មាធិការបក្ខភាគកាសែតកងទ័ពប្រជាជនអាណត្តិ ២០២៥-២០៣០ និងគណៈប្រតិភូចូលរួមមហាសន្និបាតតំណាងលើកទី២០ នៃបក្ខភាគរបស់បណ្ដាស្ថាប័នក្នុងអគ្គស្នងការដ្ឋាននយោបាយ។

ប្រតិភូដែលចូលរួមមហាសន្និបាត

លោកឧត្តមសេនីយ៍ត្រី Doan Xuan Bo មានប្រសាសន៍ក្នុងមហាសន្និបាត

ជោគជ័យនៃមហាសន្និបាតរបស់បក្ខភាគកាសែតកងទ័ពប្រជាជននឹងបង្កើតមូលដ្ឋានគ្រឹះដើម្បីបក្ខភាគកាសែតកងទ័ពប្រជាជន បន្តផ្លាស់ប្ដូរថ្មី លើកកំពស់កម្លាំងរួម និងកសាងកាសែតកងទ័ពប្រជាជនអភិវឌ្ឍតាមគំរូនៃស្ថាប័នពហុព័ត៌មានប្រកបដោយទំនើបក្នុងដំណាក់កាលអភិវឌ្ឍន៍ថ្មី៕

បកប្រែដោយ Thuy Anh