វៀតណាមប្រកាសកាលបរិច្ឆេទសម្រាប់ពិធីចុះហត្ថលេខាលើអនុសញ្ញាអង្គការសហប្រជាជាតិប្រឆាំងឧក្រិដ្ឋកម្មតាមអ៊ីនធឺណិត

ចំណុចលេចធ្លោនៃសម័យប្រជុំឆ្នាំនេះ គឺការយកចិត្តទុកដាក់របស់អន្តរជាតិចំពោះព្រឹត្តិការណ៍ដែលអង្គការសហប្រជាជាតិបានអនុម័តជាឯកច្ឆ័ន្ទនូវអនុសញ្ញាប្រឆាំងនឹងឧក្រិដ្ឋកម្មតាមអ៊ីនធឺណិត (អនុសញ្ញាទីក្រុងហាណូយ) ដែលជាឯកសារដំបូងគេរបស់​អង្គការសហប្រជាជាតិស្តីពីការទប់ស្កាត់ ប្រឆាំងនឹងឧក្រិដ្ឋកម្មក្នុងរយៈពេលជាង ២០ ឆ្នាំ ដោយបង្កើតក្របខ័ណ្ឌច្បាប់អន្តរជាតិថ្មីមួយជាមួយនឹងឧបករណ៍នានាដើម្បីលើកកម្ពស់កិច្ចសហប្រតិបត្តិការអន្តរជាតិក្នុងការទប់ស្កាត់ និងប្រយុទ្ធប្រឆាំងឧក្រិដ្ឋកម្មតាមអ៊ីនធឺណិត។

គណៈប្រតិភូវៀត​ណាម​ចូលរួមសម័យប្រជុំលើកទី ៣៤ នៃគណៈកម្មការប្រឆាំងឧក្រិដ្ឋកម្ម និងយុត្តិធម៌ព្រហ្មទណ្ឌ (CCPCJ34) ទីក្រុងវីយែន ប្រទេសអូទ្រីស

អញ្ជើញថ្លែងមតិក្នុងសម័យបើក លោកស្រី Le Thi Thu Hang បានជម្រាបជូនអង្គប្រជុំអំពីកិច្ចខិតខំប្រឹងប្រែងរបស់រដ្ឋាភិបាលវៀតណាមក្នុងបំពេញក្របខ័ណ្ឌច្បាប់ស្តីពីយុត្តិធម៌ព្រហ្មទណ្ឌ និងពង្រឹងកិច្ចសហប្រតិបត្តិការអន្តរជាតិក្នុងការទប់ស្កាត់ ប្រយុទ្ធប្រឆាំងនឹងឧក្រិដ្ឋកម្ម រួមទាំងគំនិតផ្តួចផ្តើមរបស់វៀតណាមធ្វើជាម្ចាស់ផ្ទះនៃពិធីចុះហត្ថលេខាលើអនុសញ្ញាទីក្រុងហាណូយ ដែលជាសក្ខីភាពបញ្ជាក់ពីការប្តេជ្ញាចិត្តរបស់វៀតណាមក្នុងការក្លាយជាសមាជិកសកម្មរបស់សហគមន៍អន្តរជាតិ។

នៅក្នុងកិច្ចប្រជុំនេះ លោកស្រី Le Thi Thu Hang  ក៏បានប្រកាសជាផ្លូវការអំពីកាលបរិច្ឆេទនៃពិធីចុះហត្ថលេខាលើអនុសញ្ញានៅទីក្រុងហាណូយនាថ្ងៃទី ២៥ និង ២៦ ខែតុលា ឆ្នាំ ២០២៥។ លោក Luong Cuong ប្រធានរដ្ឋវៀតណាម និង លោក Antonio Guterres អគ្គលេខាធិការអង្គការសហប្រជាជាតិ  គ្រោងថានឹងធ្វើជាសហប្រធាននៃព្រឹត្តិការណ៍នេះ។ តាមរយៈបណ្តាញការទូតខ្ពស់បំផុត វៀតណាមកំពុងផ្ញើលិខិតអញ្ជើញរបស់ប្រធានរដ្ឋជូនចំពោះប្រមុខរដ្ឋនៃប្រទេសជាសមាជិកអង្គការសហប្រជាជាតិទាំងអស់ អញ្ជើញ​មកកាន់ទីក្រុងហាណូយ ដើម្បីចូលរួមពិធីចុះហត្ថលេខានេះ។

លោកស្រី Le Thi Thu Hang ថ្លែងមតិក្នុងកិច្ចប្រជុំ

លោកស្រី Le Thi Thu Hang បានអះអាងថា ពិធីចុះហត្ថលេខាលើអនុសញ្ញានេះ មិនត្រឹមតែជាព្រឹត្តិការណ៍ចុះហត្ថលេខាប៉ុណ្ណោះទេ ថែមទាំងបង្ហាញសារអំពីកិច្ចសហប្រតិបត្តិការអន្តរជាតិក្នុងការទប់ស្កាត់ និងប្រឆាំងឧក្រិដ្ឋកម្មតាមអ៊ីនធឺណិត ដោយអំពាវនាវឱ្យប្រទេសនានាចូលរួមសពិធី ចុះហត្ថលេខា និងផ្តល់សច្ចាប័នលើអនុសញ្ញានេះឱ្យបានឆាប់ដើម្បីអនុសញ្ញានេះចូលជាធរមាន ជំរុញកិច្ចសហប្រតិបត្តិការអន្តរជាតិប្រកបដោយប្រសិទ្ធភាពក្នុងវិស័យទប់ស្កាត់ និងប្រយុទ្ធប្រឆាំងឧក្រិដ្ឋកម្មតាមអ៊ីនធឺណិត។

ក្នុងក្របខ័ណ្ឌនៃកិច្ចប្រជុំនេះ គណៈប្រតិភូវៀតណាមបានជួបពិភាក្សាជាមួយលោកស្រី Ghada Fathi Waly អគ្គនាយិកានៃស្ថាប័នអង្គការសហប្រជាជាតិទទួលបន្ទុកគ្រឿងញៀន និងឧក្រិដ្ឋកម្ម (UNODC) ដើម្បីពិភាក្សាអំពីការរៀបចំសម្រាប់ពិធីចុះហត្ថលេខា ក៏ដូចជាគំនិតផ្តួចផ្តើមជំរុញកិច្ចសហប្រតិបត្តិការវៀតណាម-UNODC ក្នុងការទប់ស្កាត់ និងប្រយុទ្ធប្រឆាំងនឹងឧក្រិដ្ឋកម្ម។

គណៈប្រតិភូក៏បានចូលរួមយ៉ាងសកម្ម និងពិភាក្សាជាមួយគណៈប្រតិភូមកពីប្រទេសមួយចំនួនដែលបានចូលរួមយ៉ាងសកម្មក្នុងដំណើរការចរចានៃអនុសញ្ញាដូចជា រុស្ស៊ី អាល់ហ្សេរី ថៃ Saint Kitts និង Nevis និងបានប្រគល់លិខិតអញ្ជើញរបស់ប្រធារដ្ឋជូនប្រមុខរដ្ឋនៃប្រទេសនានា ហើយបានពិភាក្សាអំពីផែនការសម្រាប់កិច្ចសហប្រតិបត្តិការរៀបចំព្រឹត្តិការណ៍នានានៅទីក្រុងហាណូយនៅខែតុលាខាងមុខ។

លោកស្រី Le Thi Thu Hang និងគណៈប្រតិភូបានជួបពិភាក្សាការងារជាមួយលោក Rafael Mariano Grossi អគ្គនាយកនៃទីភ្នាក់ងារថាមពលបរមាណូអន្តរជាតិ (IAEA)

ក្នុងឱកាសមកបំពេញការងារនៅការិយាល័យអង្គការសហប្រជាជាតិនៅទីក្រុងវីយែន លោកស្រី Le Thi Thu Hang និងគណៈប្រតិភូបានជួបពិភាក្សាការងារជាមួយលោក Rafael Mariano Grossi អគ្គនាយកនៃទីភ្នាក់ងារថាមពលបរមាណូអន្តរជាតិ (IAEA) ។

បកប្រែដោយ Duy Hoan