អ្នកប្រាជ្ញអន្តរជាតិបានស្ងើចសរសើរចំពោះការផ្លាស់ប្តូរក្នុងរយៈពេល ៥០ ឆ្នាំរបស់វៀតណាម

ក្នុងបទសម្ភាសន៍ជាមួយអ្នកយកព័ត៌មាននៃទីភ្នាក់ងារសារព័ត៌មានវៀតណាមប្រចាំនៅប្រទេសអូស្ត្រាលី លោក Carl Thayerសាស្ត្រាចារ្យ នៃវិទ្យាស្ថានការពារជាតិអូស្ត្រាលី សាកលវិទ្យាល័យ New South Wales បាននិយាយថា ក្នុងរយៈពេល ៥០ ឆ្នាំកន្លងមកនេះ ចាប់តាំងពីការបង្រួបបង្រួមប្រទេស (ថ្ងៃទី ៣០ ខែមេសា ឆ្នាំ ១៩៧៥ -ថ្ងៃទី ៣០ ខែមេសា ឆ្នាំ ២០២៥) វៀតណាមបានប្រែក្លាយពីប្រទេសកំពុងអភិវឌ្ឍដែលហែកហួរដោយសង្រ្គាម ទៅជាប្រទេសមានសន្តិភាព សម្រេចបាននូវចំណូលមធ្យមកម្រិតទាប។

លោកសាស្ត្រាចារ្យ Carl Thayer បានឲ្យដឹងថា៖ វៀតណាមមិនត្រឹមតែធ្វើពិពិធកម្ម និងពហុភាគីទំនាក់ទំនងបរទេសតាមរយៈភាពជាដៃគូយុទ្ធសាស្ត្រប៉ុណ្ណោះទេ ថែមទាំងបន្តអនុវត្ត និងធ្វើសមាហរណកម្មអន្តរជាតិយ៉ាងសកម្មទៀតផង។ លោកសាស្ត្រាចារ្យ Carl Thayer បានបង្ហាញជំនឿលើអនាគតដ៏ភ្លឺស្វាងរបស់វៀតណាម ពីព្រោះ “វៀតណាមតែងតែមើលឃើញឱកាសក្នុងវិបត្តិ។

លោក Carl Thayer សាស្រ្តាចារ្យនៃវិទ្យាស្ថានការពារអូស្ត្រាលី (សាកលវិទ្យាល័យ New South Wales)

ទន្ទឹមនឹងនោះ អ្នកកាសែតគុយបា លោក Luis Arce ដែលមានវត្តមាននៅ ទីក្រុងSaigon នាថ្ងៃទី ៣០ ខែមេសា ឆ្នាំ ១៩៧៥ បាននិយាយថា ជ័យជំនះនេះគឺជាព្រឹត្តិការណ៍ប្រវត្តិសាស្ត្រសម្រាប់ប្រជាជនវៀតណាម។ វៀតណាមបានស្ថិតក្នុងយុគសម័យថ្មីអស់រយៈពេលកន្លះសតវត្សរ៍មកនេះ ហើយក្នុងរយៈពេលដ៏ខ្លីនេះ វៀតណាមទទួលបានជ័យជំនះផ្នែកសេដ្ឋកិច្ច រួមទាំងបញ្ញា និងនវានុវត្តន៍។ អ្នកកាសែត Luis Arce បានសង្កត់ធ្ងន់ថា វៀតណាម និងប្រជាជនមានស្មារតីងើបចេញពីគំនរផេះផងដោយសង្រ្គាម ដូច “ហ្វូនីក” ដើម្បីបង្ហាញឲ្យពិភពលោកឃើញថា សមាហរណកម្មសកលគឺជាផ្លូវឆ្ពោះទៅរកការអភិវឌ្ឍន៍ ហើយការប្រកួតប្រជែងសេដ្ឋកិច្ចមិនមែនជាការឈ្លានពានទេ ប៉ុន្តែជាឧបករណ៍សហប្រតិបត្តិការដើម្បីធានាសន្តិភាពពិភពលោក និងសុខុមាលភាពរបស់មនុស្សជាតិ។

បកប្រែដោយ Duy Hoan