រឹតបន្តឹងទំនាក់ទំនង វៀតណាម-អាមេនី តាមរយៈកិច្ចសហប្រតិបត្តិការសេដ្ឋកិច្ច

លោកប្រធានរដ្ឋសភា Tran Thanh Man មានប្រសាសន៍នៅក្នុងកិច្ចសន្ទនាធុរកិច្ច វៀតណាម-អាមេនី

មានប្រសាសន៍នៅក្នុងកិច្ចសន្ទនា លោកប្រធានរដ្ឋសភា Tran Thanh Man បានឲ្យដឹងថា៖ វៀតណាម និងអាមេនី សុទ្ធតែមានខឿនសេដ្ឋកិច្ចបើកចំហ ក្នុងនោះការនាំចេញដើរតួនាទីសំខាន់ ហើយមានសមត្ថភាពបន្ស៊ាំខ្លួនទៅនឹងគោលការណ៍ពាណិជ្ជកម្មអន្តរជាតិ។ លោកប្រធានរដ្ឋសភាបានលើកឡើងទិសដៅជាក់លាក់មួយចំនួនដែលសហគ្រាសនៃប្រទេសទាំងពីរអាចពិចារណា នោះគឺបច្ចេកវិទ្យាព័ត៌មាន និងបរិវត្តកម្មឌីជីថល។ លោកប្រធានរដ្ឋសភាបានលើកទឹកចិត្តសហគ្រាសនៃប្រទេសទាំងពីរសហប្រតិបត្តិការក្នុងការអភិវឌ្ឍសូហ្វវែ បញ្ញាសិប្បនិម្មិត និងដំណោះស្រាយបច្ចេកវិទ្យាសម្រាប់ការអប់រំ សុខាភិបាល និងការគ្រប់គ្រងទីក្រុងឆ្លាតវៃ។

លោកប្រធានរដ្ឋសភា Tran Thanh Man ចូលរួមកិច្ចសន្ទនាធុរកិច្ច វៀតណាម-អាមេនី

លោកប្រធានរដ្ឋសភា ក៏មានបំណងដែរថា សហគ្រាសនៃភាគីទាំងពីរនឹងរួមគ្នាស្រាវជ្រាវ និងវិនិយោគលើគម្រោងថាមពលពន្លឺព្រះអាទិត្យ វាយោអគ្គីសនី និងវារីអគ្គិសនីខ្នាតតូច ដោយរួមផ្សំបច្ចេកវិទ្យាជឿនលឿនរបស់ប្រទេសអាមេនី និងធនធានធម្មជាតិដ៏សម្បូរបែបរបស់វៀតណាម។ លោកប្រធានរដ្ឋសភា Tran Thanh Man បានស្នើឲ្យបណ្ដាក្រសួង ស្ថាប័ន និងសមាគមលើកកម្ពស់តួនាទីជាស្ពានដើម្បីជំរុញការផ្លាស់ប្តូរ និងកិច្ចសហប្រតិបត្តិការ ស្របតាមគោលការណ៍នៃ "ផលប្រយោជន៍ និងជោគជ័យទៅវិញទៅមក" ដោយឈរលើមូលដ្ឋាននៃការគាំទ្រគ្នាទៅវិញទៅមក ជួយសហគ្រាសឱ្យសហប្រតិបត្តិការយ៉ាងស៊ីជម្រៅ និងគ្រប់ជ្រុងជ្រោយ បង្កើនសមត្ថភាពប្រកួតប្រជែង រួមគ្នាធ្វើអាជីវកម្មទីផ្សាររបស់គ្នាទៅវិញទៅមក និងក្នុងតំបន់ ព្រមទាំងចូលរួមយ៉ាងស៊ីជម្រៅក្នុងខ្សែសង្វាក់តម្លៃ និងផលិតកម្មក្នុងតំបន់ និងនៅលើពិភពលោក”។

លោកប្រធានរដ្ឋសភាបានអះអាងថា រដ្ឋសភា និងរដ្ឋាភិបាលវៀតណាមសន្យារួមដំណើរជានិច្ច និងបង្កើតលក្ខខណ្ឌអំណោយផលតាមបទបញ្ញត្តិច្បាប់សម្រាប់សហគ្រាសអាមេនី សហប្រតិបត្តិការ ធ្វើអាជីវកម្មវិនិយោគប្រកបដោយជោគជ័យ និរន្តរភាព និងយូរអង្វែងនៅវៀតណាម៕

បកប្រែដោយ Thanh Cong