ព្រះមហាក្សត្របែលហ្ស៊ិក យាងទៅបំពេញទស្សនកិច្ចការងារនៅខេត្ត Quang Ninh

ក្នុងឱកាសនេះ ព្រះមហាក្សត្របែលហ្ស៊ិក Philippe បានចាត់ទុកថា ខេត្ត Quang Ninh គឺជាមូលដ្ឋានដែលមានសក្តានុពល និងគុណសម្បត្តិជាច្រើន បើកឱកាសសហប្រតិបត្តិការថ្មី ជាមួយបណ្តាប្រទេសអឺរ៉ុបនិយាយរួម និងបែលហ្ស៊ិកនិយាយដោយឡែក។ ព្រះមហាក្សត្របែលហ្ស៊ិកបានស្នើឱ្យខេត្ត Quang Ninh បង្កើតលក្ខខណ្ឌអំណោយផលសម្រាប់អង្គភាពអាជីវកម្មបែលហ្ស៊ិកមានឱកាសសហប្រតិបត្តិការ និងវិនិយោគ ជាពិសេសលើការអភិវឌ្ឍ logistics និងកំពង់ផែសមុទ្រ។

លោក Vu Dai Thang លេខាគណៈកម្មាធិការបក្សខេត្ត Quang Ninh ទទួលជួបព្រះមហាក្សត្របែលហ្ស៊ិក Philippe (រូបថត៖ baoquangninh.vn)

លោក Vu Dai Thang លេខាគណៈកម្មាធិការបក្សខេត្ត Quang Ninh បានឲ្យដឹងថា ខេត្តជានិច្ចកាលយកចិត្តទុកដាក់ និងមានបំណងចង់ជំរុញការពង្រីកទំនាក់ទំនងសហប្រតិបត្តិការយ៉ាងស៊ីជម្រៅ និងជាក់ស្តែងថែមទៀត ជាមួយមូលដ្ឋាន និងដៃគូនានាក្នុងប្រទេសបែលហ្ស៊ិក ជាពិសេសលើវិស័យដែលជាប្រៀបខ្លាំងរបស់បែលហ្ស៊ិកដូចជា៖ ឧស្សាហកម្មផលិត ឧស្សាហកម្មឱសថ រថយន្ត ការសាងសង់មណ្ឌលឧស្សាហកម្មឯកទេស វិនិយោគលើការអភិវឌ្ឍហេដ្ឋារចនាសម្ព័ន្ធមណ្ឌលឧស្សាហកម្ម។

នាថ្ងៃដដែល ព្រះមហាក្សត្របែលហ្ស៊ិក Philippe និងព្រះរាជមហេសី Mathilde បានអញ្ជើញចូលរួមក្នុងពិធីបើកសម្ពោធ តំបន់ពហុសេវាកម្ម  DEEP C ស្ថិតនៅមណ្ឌលឧស្សាហកម្ម Bac Tien Phong នៅទីរួមខេត្ត Quang Yen ផងដែរ៕

បកប្រែដោយ Thanh Cong