លោកអគ្គលេខាបក្ស To Lam អុជធូបនៅតំបន់កេរ្ដិ៍ដំណែលប្រវត្ដិសាស្ដ្រជាតិវិហារ Hung

ក្នុងបរិយាកាសនេះ នៅវិមាន Kinh Thien នៅលើកំពូលភ្នំ Nghia Linh ដ៏ពិសិដ្ឋ លោកអគ្គលេខាបក្ស To Lam និងគណៈប្រតិភូបានអុជធូប និងសម្តែងការគោរពដឹងគុណចំពោះបុព្វបុរស បង្ហាញពីសីលធម៍របស់ប្រជាជាតិវៀតណាម  “ផឹកទឹកឱ្យនឹកដល់ប្រភព” ។ ព្រមទាំងបួងសួងសុំឲ្យមានអាកាសធាតុអំណោយផល ប្រជាជនមានសុភមង្គល ប្រទេសជាតិមានសន្តិភាពនិងសម្បូររុងរឿង។

លោកអគ្គលេខាបក្ស To Lam អុជធូបនៅវិមាន Kinh Thien នៅលើកំពូលភ្នំ Nghia Linh នៅតំបន់កេរ្ដិ៍ដំណែលប្រវត្ដិសាស្ដ្រវិហារ Hung (រូបថត៖ vnanet.vn)

ប្រតិភូសន្យាបន្តទទួលប្រពៃណី សិក្សាឥតឈប់ឈរ លើកកំពស់បញ្ញា និងសមត្ថភាពការងារ ដើម្បីបំពេញភារកិច្ចសំខាន់ៗដែលបក្ស រដ្ឋ និងប្រជាជនប្រគល់ជូន។ ប្រតិភូក៏បានសន្យាដឹកនាំការអនុវត្តប្រកបដោយជោគជ័យនូវសេចក្តីសម្រេចចិត្តនៃមហាសន្និបាតបក្សលើកទី១៣; ដឹកនាំមហាសន្និបាតបក្សគ្រប់លំដាប់ថ្នាក់ប្រកបដោយជោគជ័យ ឆ្ពោះទៅមហាសន្និបាតជាតិលើកទី ១៤ របស់បក្ស។ កសាងប្រទេស ស្តារសេដ្ឋកិច្ចនិងអភិវឌ្ឍន៍។ រក្សាសណ្តាប់ធ្នាប់សង្គមនិងគោរពវិន័យ; អធិបតេយ្យភាពជាតិត្រូវបានរក្សា និងឆាប់បញ្ចប់ការបង្រួមរចនាសម្ព័ន្ធក្បាលម៉ាស៊ីលប្រកបដោយប្រសិទ្ធភាព បង្កើតមូលដ្ឋានគ្រឹះដើម្បីនាំប្រទេសជាតិឆ្ពោះទៅយុគសម័យថ្មី - យុគសម័យសន្ទុះឈានទៅមុខរបស់ប្រជាជាតិវៀតណាម។

លោកអគ្គលេខាបក្ស To Lam សំណេះសំណាលជាមួយប្រជាជននៅតំបន់កេរ្ដិ៍ដំណែលប្រវត្តិសាស្ត្រជាតិវិហារ Hung (រូបថត៖ vnanet.vn)

ក្នុងឱកាសបុណ្យចូលឆ្នាំថ្មី២០២៥ លោកអគ្គលេខាបក្ស To Lam និងគណៈប្រតិភូបានអញ្ជើញមកជូនពរឆ្នាំថ្មីដល់គណៈកម្មាធិការបក្ស អាជ្ញាធរ និងប្រជាជនខេត្ត Phu Tho។

លោកអគ្គលេខាបក្ស To Lam បានសង្កត់ធ្ងន់ថា ឆ្នាំ២០២៥ គឺជាឆ្នាំចុងក្រោយដើម្បីអនុវត្តសេចក្តីសម្រេចចិត្តនៃមហាសន្និបាតបក្សខេត្ត និងសេចក្តីសម្រេចចិត្តនៃមហាសន្និបាតបក្សលើកទី១៣ នាពេលខាងមុខ ខេត្ត Phu Tho ត្រូវបន្តប្រមូលផ្តុំធនធានប្រកបដោយប្រសិទ្ធភាព ដោះស្រាយការរាំងស្ទះ ជំរុញការអភិវឌ្ឍសេដ្ឋកិច្ចសង្គម លើកកំពស់ជីវភាពរស់នៅរបស់ប្រជាជន និងបង្កើតការឯកភាពគ្នាក្នុងការអនុវត្តការងារនយោបាយនៅមូលដ្ឋាន។ ខេត្តត្រូវបំពេញល្អក្នុងការអភិវឌ្ឍន៍ហេដ្ឋារចនាសម្ព័ន្ធដឹកជញ្ជូន ធានាបាននូវការតភ្ជាប់ជាមួយខេត្តផ្សេងទៀតក្នុងតំបន់ និងជំរុញការអភិវឌ្ឍសេដ្ឋកិច្ចសង្គម  រួមចំណែកបង្កើតកម្លាំងចលករសម្រាប់ការអភិវឌ្ឍក្នុងតំបន់។ លោកអគ្គលេខាបក្ស បានស្នើឱ្យខេត្តបន្តត្រៀមរៀបចំ និងរៀបចំឱ្យបានល្អនូវមហាសន្និបាតបក្សគ្រប់លំដាប់ថ្នាក់ ឆ្ពោះទៅមហាសន្និបាតបក្សទូទាំងប្រទេសលើកទី១៤៕

បកប្រែដោយ Thanh Cong