លោកអគ្គលេខាបក្ស To Lam ទទួលជួបថ្នាក់ដឹកនាំធនាគារសហប្រតិបត្តិការអន្តរជាតិជប៉ុន

លោកអគ្គលេខាបក្ស To Lam ទទួលជួបលោក Maeda Tadashi ប្រធានក្រុមប្រឹក្សាភិបាលនៃធនាគារសហប្រតិបត្តិការអន្តរជាតិជប៉ុន

លោកអគ្គលេខាបក្ស To Lam ទទួលជួបលោក Maeda Tadashi ប្រធានក្រុមប្រឹក្សាភិបាលនៃធនាគារសហប្រតិបត្តិការអន្តរជាតិជប៉ុន

លោកអគ្គលេខាបក្ស To Lam បានវាយតំលៃខ្ពស់ចំពោះការរួមចំណែកជាវិជ្ជមានរបស់ JBIC និងលោក Maeda Tadashi ផ្ទាល់ចំពោះការអភិវឌ្ឍសេដ្ឋកិច្ចសង្គមរបស់វៀតណាម ជាពិសេសតាមរយៈគម្រោងសំខាន់ៗស្តីពីហេដ្ឋារចនាសម្ព័ន្ធ ការឆ្លើយតបនឹងការប្រែប្រួលអាកាសធាតុ និងអះអាងថា វៀតណាមយកចិត្តទុកដាក់យ៉ាងខ្លាំងលើទំនាក់ទំនងជាមួយជប៉ុន និងជឿជាក់ថា បញ្ហាដែលរដ្ឋាភិបាលជប៉ុន និង JBIC មានការយកចិត្តទុកដាក់នោះក៏ជាអាទិភាពកំពូលវៀតណាមនាពេលខាងមុខ រួមទាំងហេដ្ឋារចនាសម្ព័ន្ធដឹកជញ្ជូន ថាមពល និងបច្ចេកវិទ្យាឌីជីថល។ លោកអគ្គលេខាបក្ស បានស្នើឲ្យជប៉ុន និង JBIC បន្តរួមដំណើរជាមួយការអភិវឌ្ឍរបស់វៀតណាម ហើយទន្ទឹមនឹងនោះត្រូវយកចិត្តទុកដាក់លើការជំរុញការតភ្ជាប់ហេដ្ឋារចនាសម្ព័ន្ធរវាងបណ្តាប្រទេសអាស៊ីអាគ្នេយ៍ និងអនុតំបន់មេគង្គលើផ្នែកដឹកជញ្ជូន ហេដ្ឋារចនាសម្ព័ន្ធ ថាមពល ទិន្នន័យធំ។

ទិដ្ឋភាពនៃជំនួប

លោក Maeda Tadashi បានអះអាងថា រដ្ឋាភិបាលជប៉ុន រួមទាំង JBIC ចាត់ទុកវៀតណាមជាដៃគូសំខាន់ក្នុងតំបន់ ហើយត្រៀមខ្លួនជាស្រេចសហប្រតិបត្តិការជាមួយវៀតណាមក្នុងវិស័យប្រពៃណី ដូចជាហេដ្ឋារចនាសម្ព័ន្ធដឹកជញ្ជូន និងការឆ្លើយតបទៅនឹងការប្រែប្រួលអាកាសធាតុ ទន្ទឹមនឹងការពង្រីកទៅក្នុងវិស័យថ្មី ដូចជា ការធ្វើបរិវត្តកម្មថាមពល បញ្ញាសិប្បនិមិត្ត ទិន្នន័យធំ គាំទ្រការចាប់ផ្តើមអាជីវកម្ម... អាស្រ័យលើនេះ រួមចំណែកយ៉ាងសកម្មក្នុងការអភិវឌ្ឍទំនាក់ទំនងវៀតណាម-ជប៉ុន។

បកប្រែដោយ Thanh Cong