គណៈប្រតិភូកម្មាភិបាលគ្រប់គ្រងសារព័ត៌មានឡាវបានធ្វើទស្សនកិច្ច និងធ្វើការជាមួយកាសែតកងទ័ពប្រជាជន

ទទួលស្វាគមន៍គណៈប្រតិភូ មានលោកវរសេនីយ៍ឯក Nguyen Hong Hai អគ្គនិពន្ធនាយករងនៃកាសែតកងទ័ពប្រជាជន និងថ្នាក់ដឹកនាំនៃការិយាល័យមួយចំនួននៃកាសែតកងទ័ពប្រជាជន។

តាងនាមគណៈកម្មាធិការបក្ស ថ្នាក់ដឹកនាំ និងអ្នកសារព័ត៌មាននៃកាសែតកងទ័ពប្រជាជន លោកវរសេនីយ៍ឯក Nguyen Hong Hai បានសម្តែងនូវសេចក្តីរីករាយនៅពេលស្វាគមន៍គណៈប្រតិភូកម្មាភិបាលគ្រប់គ្រងសារព័ត៌មានឡាវ ហើយជូនពរគណៈប្រតិភូទទួលបានលទ្ធផលល្អ និងទទួលបានចំណេះដឹង និងបទពិសោធន៍ដ៏មានប្រយោជន៍ មានចំណាប់អារម្មណ៍ និងអនុស្សាវរីយ៍ល្អៗជាច្រើនក្នុងអំឡុងពេលចូលរួមវគ្គបំប៉ន់នៅប្រទេសវៀតណាម។ លោកអគ្គនិពន្ធនាយករងនៃកាសែតកងទ័ពប្រជាជនបានអះអាងថា ដំណើរទស្សនៈកិច្ចរបស់គណៈប្រតិភូបានរួមចំណែកលើកកម្ពស់ចំណងសាមគ្គីភាពពិសេស និងទំនាក់ទំនងជិតស្និទ្ធរវាងវៀតណាម - ឡាវ និងឡាវ - វៀតណាមដែលបានកសាង និងអភិវឌ្ឍន៍ក្នុងរយៈពេលប៉ុន្មានឆ្នាំកន្លងមក។

លោកវរសេនីយ៍ឯក Nguyen Hong Hai ថ្លែងនៅក្នុង ជំនួប

លោក Olam Chanthavilay ប្រធានខុទ្ទកាល័យវិទ្យុជាតិឡាវ បានថ្លែងអំណរគុណចំពោះកាសែតកងទ័ពប្រជាជន

ថ្លែងក្នុងជំនួប លោក Olam Chanthavilay បានថ្លែងអំណរគុណយ៉ាងជ្រាលជ្រៅរចំពោះកាសែតកងទ័ពប្រជាជន ដែលបានស្វាគមន៍យ៉ាងកក់ក្តៅ និងបង្កើតលក្ខខណ្ឌអំណោយផលសម្រាប់គណៈប្រតិភូកម្មាភិបាលគ្រប់គ្រងសារព័ត៌មានឡាវ អញ្ជើញមកស្វែងយល់ និងផ្លាស់ប្តូរសកម្មភាពសារព័ត៌មាន។ ទន្ទឹមនឹងនោះ លោកបានបញ្ជាក់ថា តាមរយៈដំណើរទស្សនកិច្ចការងារនេះ នឹងរួមចំណែកពង្រឹងចំណងសាមគ្គីភាព ការចែករំលែក និងការផ្លាស់ប្តូរជំនាញវិជ្ជាជីវៈ រវាងសារព័ត៌មាននៃប្រទេសទាំងពីរ និងធ្វើជាមូលដ្ឋានគ្រឹះ ដើម្បីផ្តល់យោបល់ជូនថ្នាក់ដឹកនាំនៃប្រទេសទាំងពីរនូវដំណោះស្រាយជំរុញកិច្ចសហប្រតិបត្តិការសារព័ត៌មានក្នុងឆ្នាំបន្ទាប់។

លោកវរសេនីយ៍ឯក Nguyen Hong Hai ប្រគល់វត្ថុអនុស្សាវរីយ៍ជូនលោក Olam Chanthavilay ប្រធានខុទ្ទកាល័យវិទ្យុជាតិឡាវ

លោក Olam Chanthavilay តំណាងឱ្យគណៈប្រតិភូកម្មាភិបាលគ្រប់គ្រងសារព័ត៌មានឡាវ ជូនវត្ថុអនុស្សាវរីយ៍ដល់កាសែតកងទ័ពប្រជាជន

ប្រតិភូបានថតរូបអនុស្សាវរីយ៍

នាពេលខាងមុខ លោក Olam Chanthavilay បានស្នើឱ្យកាសែតកងទ័ពប្រជាជន និងទីភ្នាក់ងារសារព័ត៌មានឡាវ បន្តពង្រឹងកិច្ចសហប្រតិបត្តិការលើវិស័យបណ្តុះបណ្តាល និងជំរុញអ្នកសារព័ត៌មានឲ្យចែករំលែកព័ត៌មាន និងផ្លាស់ប្តូរការងារ ដើម្បីអនុវត្តឱ្យកាន់តែប្រសើរឡើងនូវការងារផ្សព្វផ្សាយឃោសនារបស់ទីភ្នាក់ងារសារព័ត៌មាននានានៃប្រទេសទាំងពីរ រួមចំណែកពូនជ្រំទំនាក់ទំនងមិត្តភាព សាមគ្គីភាពពិសេស និងកិច្ចសហប្រតិបត្តិការលើគ្រប់វិស័យរវាងវៀតណាមនិងឡាវ ឲ្យកាន់តែរីកចម្រើនថែមទៀត។

បកប្រែដោយ Duy Hoan