នាព្រឹកថ្ងៃទី៥ ខែកញ្ញា នៅទីក្រុង Da Nang លោក Nguyen Duc Hai អនុប្រធានរដ្ឋសភាវៀតណាម និងលោក Sommad Pholsena អនុប្រធានរដ្ឋសភានៃសាធារណរដ្ឋប្រជាធិបតេយ្យប្រជាមានិតឡាវ បានធ្វើជាសហប្រធាន “កិច្ចពិភាក្សាអំពីតួនាទីរបស់រដ្ឋសភាក្នុងការរៀបចំ និងអនុវត្តគោលនយោបាយអភិវឌ្ឍន៍សេដ្ឋកិច្ចសង្គម”។
លោក Nguyen Duc Hai បានសង្កត់ធ្ងន់ថា ព័ត៌មាន និងមេរៀនបទពិសោធន៍ពីកិច្ចពិភាក្សានេះនឹងជួយប្រទេសនីមួយៗក្នុងការកសាង ឬបន្តយន្តការ និងគោលនយោបាយ ដើម្បីបម្រើដល់ស្ថានភាពសេដ្ឋកិច្ចសង្គមរបស់ប្រទេសនីមួយៗក្នុងស្ថានភាពថ្មី។ “រដ្ឋសភាវៀតណាមនឹងសម្របសម្រួលកាន់តែជិតស្និទ្ធជាមួយរដ្ឋសភាឡាវ បន្តមរតក និងលើកកំពស់បទពិសោធន៍ និងលទ្ធផលនៃកិច្ចសហប្រតិបត្តិការ ព្រមទាំងរួមចំណែកយ៉ាងសកម្មក្នុងការពង្រឹង និងអភិវឌ្ឍន៍ទំនាក់ទំនងមិត្តភាពសាមគ្គីភាពពិសេសភាពជឿទុកចិត្ត និងកិច្ចសហប្រតិបត្តិការលើគ្រប់ជ្រុងជ្រោយរវាងបក្សទាំងពីរ រដ្ឋទាំងពីរ និងប្រជាជននៃប្រទេសទាំងពីរ ឲ្យកាន់តែរីកចម្រើន ដើម្បីសន្តិភាព ស្ថិរភាព កិច្ចសហប្រតិបត្តិការ និងការអភិវឌ្ឍន៍ នៃប្រទេសនីមួយៗ របស់តំបន់ និងនៅលើពិភពលោក។
នៅក្នុងសិក្ខាសាលា តំណាងរដ្ឋសភា ស្ថាប័នរដ្ឋាភិបាល និងគណៈប្រតិភូរដ្ឋសភានៃប្រទេសទាំងពីរបានវិភាគ ពិភាក្សា និងចែករំលែកបទពិសោធន៍ក្នុងការកសាងគោលនយោបាយ និងច្បាប់ស្តីពីការទាក់ទាញ និងគ្រប់គ្រងការវិនិយោគពីបរទេស។ ផ្លាស់ប្តូរបទពិសោធន៍អំពីគោលនយោបាយអភិវឌ្ឍន៍សេដ្ឋកិច្ចសមូហភាពនៅវៀតណាម រួមទាំងគោលនយោបាយអភិវឌ្ឍន៍សហករណ៍កសិកម្ម ដែលត្រូវបានផ្សារភ្ជាប់ជាមួយនឹងការអភិវឌ្ឍន៍សេដ្ឋកិច្ចបៃតង សេដ្ឋកិច្ចរាងជារង្វង់ និងសេដ្ឋកិច្ចចំណេះដឹង ចែករំលែកបទពិសោធន៍របស់វៀតណាមក្នុងដំណើរការកសាង និងអនុវត្តកម្មវិធីគោលដៅជាតិសម្រាប់ការអភិវឌ្ឍន៍សេដ្ឋកិច្ចសង្គមនៅតំបន់ជនជាតិភាគតិច និងតំបន់ភ្នំ ដំណាក់កាល ២០២១-២០៣០ តួនាទីនៃការផ្តល់ឥណទានគោលនយោបាយសង្គមក្នុងការអនុវត្តកម្មវិធីគោលដៅជាតិ។
បកប្រែដោយ Duy Hoan
Type the code from the image