ជំរុញទំនាក់ទំនងភាពជាដៃគូរវាងធនាគារពិភពលោក និងវៀតណាមឱ្យអភិវឌ្ឍជាក់ស្តែង និងមានប្រសិទ្ធភាព

ដោយជម្រាបជូនស្ថានភាពអភិវឌ្ឍន៍របស់វៀតណាម លោកនាយករដ្ឋមន្ត្រី Pham Minh Chinh បានស្នើថា WB គូតែបង្កើនទុនសម្រាប់វៀតណាម ដោយផ្តោតសំខាន់លើគម្រោងសំខាន់ៗរបស់ប្រទេសជាតិដូចជា គម្រោងផ្លាស់ប្ដូរបៃតង ការធ្វើបរិវត្ដកម្មឌីជីថល ការអភិវឌ្ឍន៍ដឹកជញ្ជូនជាយុទ្ធសាស្ត្រ ផ្លូវរថភ្លើងក្នុងទីក្រុង ថាមពលកកើតឡើងវិញ ការបញ្ជូនអគ្គិសនី កសិកម្មឆ្លាតវៃ ការបំភាយកាបូនទាប ការឆ្លើយតបទៅនឹងការប្រែប្រួលអាកាសធាតុ។

លោក Pham Minh Chinh នាយករដ្ឋមន្ត្រីវៀតណាម ទទួលជួបលោកស្រី Carolyn Turk នាយិកាធនាគារពិភពលោក (WB) ប្រចាំនៅ​វៀតណាម (រូបថត៖ vnanet.vn)

លោកនាយករដ្ឋមន្ត្រី Pham Minh Chinh ជូនពរលោកស្រី Carolyn Turk ទទួលបានជោគជ័យក្នុងមុខតំណែងថ្មី និងបន្តរួមចំណែក និងគាំទ្រកិច្ចសហប្រតិបត្តិការ និងអភិវឌ្ឍន៍ WB-វៀតណាម លោកនាយករដ្ឋមន្ត្រី Pham Minh Chinh មានបំណងចង់ស្វាគមន៍ប្រធាន WB មកបំពេញទស្សនកិច្ចជាផ្លូវការនៅវៀតណាមក្នុងពេលឆាប់ៗនេះ រួមចំណែកជំរុញទំនាក់ទំនងភាពជាដៃគូរវាង WB និងវៀតណាមឱ្យកាន់តែអភិវឌ្ឍន៍ជាក់ស្តែង និងមានប្រសិទ្ធភាព។

លោកស្រី Carolyn Turk បានថ្លែងអំណរគុណចំពោះរដ្ឋាភិបាល នាយករដ្ឋមន្ត្រី និងក្រសួង ស្ថាប័ននិងតំបន់នានារបស់​វៀត​ណាមសម្រាប់ WB និងលោកស្រីផ្ទាល់ក្នុងអំឡុងពេលបំពេញការងារនៅវៀតណាម។ លោកស្រី Carolyn Turk បានអះអាងថា ដោយមានមូលដ្ឋានគ្រឹះនៃកិច្ចសហប្រតិបត្តិការជាមួយវៀតណាមក្នុងរយៈពេល ៣០ ឆ្នាំកន្លងមក WB នឹងបន្តរួមដំណើរ និងត្រៀមខ្លួនជាស្រេចជួយវៀតណាមក្នុងការពង្រឹងគោលនយោបាយ បច្ចេកទេស និងហិរញ្ញវត្ថុសម្រាប់វៀតណាមក្នុងដំណើរការអភិវឌ្ឍន៍៕

បកប្រែដោយ Pham Diep