នាយករដ្ឋមន្រ្តីវៀតណាម៖ បង្កើតសន្ទុះសម្រាប់ការអភិវឌ្ឍខ្លាំងក្លានៅឆ្នាំ ២០២៤
កប.អនឡាញ - នាថ្ងៃទី ២ ខែមីនា នៅទីស្នាក់ការរដ្ឋាភិបាល ក្រោមអធិបតីភាពរបស់ លោក Pham Minh Chinh នាយករដ្ឋមន្ត្រីវៀតណាម រដ្ឋាភិបាលបានបើកសម័យប្រជុំប្រចាំខែកុម្ភៈ ឆ្នាំ២០២៤ ដើម្បីវាយតម្លៃស្ថានភាពសេដ្ឋកិច្ចសង្គមក្នុងខែកុម្ភៈ និងពីរខែដំបូងនៃឆ្នាំ ២០២៤ និងការបែងចែក ការបញ្ចេញទុនវិនិយោគសាធារណៈ និងការអនុវត្តកម្មវិធីគោលដៅជាតិចំនួន៣។
ថ្លែងក្នុងកិច្ចប្រជុំ លោក Pham Minh Chinh បានអះអាងថា ក្នុងរយៈពេលពីរខែដំបូងនៃឆ្នាំ ២០២៤ វិស័យភាគច្រើនសម្រេចបានលទ្ធផលល្អប្រសើរជាងរយៈពេលដូចគ្នាក្នុងឆ្នាំ ២០២៣ ដែលបានបង្កើតកម្លាំងចលករថ្មី ស្មារតី និងការបំផុសគំនិតថ្មី សម្រាប់ប្រព័ន្ធនយោបាយទាំងមូល ធុរកិច្ច និងប្រជាជន ដើម្បីជំរុញការសម្រេចភារកិច្ចអភិវឌ្ឍន៍សេដ្ឋកិច្ចសង្គមនៅឆ្នាំ ២០២៤ និងនាពេលខាងមុខ។
|
|
លោក Pham Minh Chinh ថ្លែងក្នុងកិច្ចប្រជុំ |
លោកនាយករដ្ឋមន្ត្រីបានស្នើឱ្យបន្តជំរុញកំណើនប្រពៃណីឡើងវិញ និងជំរុញកំណើនអំពីការវិនិយោគ ការនាំចេញ និងការប្រើប្រាស់។ ជាពិសេស បង្កើតលក្ខខណ្ឌអំណោយផលសម្រាប់ការទាក់ទាញ និងបញ្ចេញទុនវិនិយោគសង្គម ដោះស្រាយយ៉ាងម៉ឺងម៉ាត់នូវឧបសគ្គនានា ពន្លឿនការអនុវត្តគម្រោងវិនិយោគ បង្កើនការទាក់ទាញគម្រោង FDI ពង្រឹងទីផ្សារប្រពៃណី ពង្រីកទីផ្សារថ្មី អនុវត្តប្រកបដោយប្រសិទ្ធភាពនូវកិច្ចព្រមព្រៀងពាណិជ្ជកម្មសេរី (FTA) ជំរុញឱ្យប្រទេសចិនលុបចោលការហាមឃាត់ការនាំចូលសត្វបក្សីពីប្រទេសវៀតណាមឱ្យបានឆាប់ ជំរុញការផ្សព្វផ្សាយ ការបញ្ចុះតម្លៃ ការអនុវត្តយុទ្ធនាការ “ប្រជាជនវៀតណាមផ្តល់អាទិភាពប្រើប្រាស់ទំនិញវៀតណាម” និងមានដំណោះស្រាយរឹងមាំ ដើម្បីទាក់ទាញភ្ញៀវទេសចរជាតិ និងអន្តរជាតិ។
ទន្ទឹមនឹងនោះ ផ្តោតលើការអភិវឌ្ឍយ៉ាងខ្លាំងនូវផ្នែក និងវិស័យសំខាន់ៗ។ ជាពិសេស ជំរុញយ៉ាងខ្លាំងដល់ការអភិវឌ្ឍផលិតកម្មឧស្សាហកម្ម ផ្តោតលើការលុបបំបាត់ការលំបាក និងការលើកកម្ពស់ឧស្សាហកម្មផលិត កែច្នៃ និងឧស្សាហកម្មគាំទ្រ ពន្លឿនវឌ្ឍនភាពនៃគម្រោងទ្រង់ទ្រាយធំ មានបច្ចេកវិទ្យាខ្ពស់ និងមានភាពរីករាលដាលយ៉ាងខ្លាំង ជំនះ “កាតលឿង” (IUU) ជាបន្ទាន់... លោកនាយករដ្ឋមន្ត្រីក៏បានបញ្ជាឲ្យជម្រុញការបញ្ចេញទុនវិនិយោគសាធារណៈ កម្មវិធីគោលដៅជាតិចំនួន ៣ និងពន្លឿនការអនុម័តផែនការមេផងដែរ។
បកប្រែដោយ Thanh Cong