នាយករដ្ឋមន្ត្រីវៀតណាមលោក Pham Minh Chinh បញ្ចប់ដំណើរទស្សនកិច្ចការងារនៅសហរដ្ឋអាមេរិក ចេញដំណើរទៅបំពេញទស្សនកិច្ចផ្លូវការនៅប្រេស៊ីល

លោកនាយករដ្ឋមន្ត្រី Pham Minh Chinh បញ្ចប់ដំណើរទស្សនកិច្ចការងារនៅសហរដ្ឋអាមេរិក (រូបថត៖ chinhphu.vn)

នាព្រឹកថ្ងៃទី២៣ ខែកញ្ញា (ម៉ោងក្នុងតំបន់) យន្តហោះពិសេសដែលដឹកលោក នាយករដ្ឋមន្ត្រី Pham Minh Chinh និងគណៈប្រតិភូវៀតណាមបានចាកចេញពីអាកាសយានដ្ឋានអន្តរជាតិ John F. Kennedy ទីក្រុងញូវយ៉ក សហរដ្ឋអាមេរិក បញ្ចប់ដោយជោគជ័យនូវដំណើរទស្សនកិច្ចការងារចូលរួមសប្តាហ៍ជាន់ខ្ពស់នៃមហាសន្និបាតអង្គការសហប្រជាជាតិនីតិកាលទី ៧៨ និងសកម្មភាពទ្វេភាគីនៅសហរដ្ឋអាមេរិក ហើយចេញដំណើរទៅបំពេញទស្សនកិច្ចផ្លូវការនៅសាធារណរដ្ឋសហព័ន្ធប្រេស៊ីល តបតាមការអញ្ជើញរបស់ប្រធានាធិបតីប្រេស៊ីល លោក Lula da Silva។ ដំណើរទស្សនកិច្ចផ្លូវការរបស់លោកនាយករដ្ឋមន្ត្រី Pham Minh Chinh ទៅកាន់ប្រទេសប្រេស៊ីល ចាប់ពីថ្ងៃទី ២៣ ដល់ថ្ងៃទី ២៦ ខែកញ្ញា មានគោលបំណងពង្រឹងទំនុកចិត្តផ្នែកនយោបាយ ធ្វើឲ្យស៊ីជម្រៅថែមទៀតនូវកិច្ចសហប្រតិបត្តិការពហុវិស័យ និងនាំទំនាក់ទំនងវៀតណាម - ប្រេស៊ីលឱ្យកាន់​តែជាក់ស្ដែង និងមានប្រសិទ្ធភាព៕

តាម vovworld.vn