វៀតណាមបន្តរក្សាស្ថិរភាពម៉ាក្រូសេដ្ឋកិច្ច គ្រប់គ្រងអតិផរណា និងរក្សាសន្ទុះកំណើន

លោកនាយករដ្ឋមន្ត្រីបានអះអាងថា វៀតណាមត្រៀមខ្លួនជាស្រេចធ្វើការជាមួយ IMF ដើម្បីអនុវត្តន៍វិធានការជំរុញការស្តារសេដ្ឋកិច្ចឡើងវិញ អនុវត្តគោលនយោបាយរូបិយវត្ថុដោយភាពបត់បែន និងប្រសិទ្ធភាព គោលនយោបាយសារពើពន្ធត្រូវបានផ្តោតសំខាន់ ជំរុញការវិនិយោគទាំងក្នុងនិងក្រៅប្រទេស ជាពិសេសការវិនិយោគពីវិស័យរដ្ឋ។ លោកនាយករដ្ឋមន្ត្រីសង្ឃឹមថា IMF នឹងបន្តជួយវៀតណាមក្នុងការផ្ដល់ប្រឹក្សា រៀបចំផែនការគោលនយោបាយ និងផ្ដល់ជំនួយបច្ចេកទេសដើម្បីវៀតណាមអាចសម្រេចបាននូវគោលដៅអភិវឌ្ឍន៍ដែលបានកំណត់នាពេលខាងមុខ។

លោក Pham Minh Chinh ទទួលជួបលោកស្រី Kristalina Georgieva (រូបថត៖ Duong Giang/TTXVN)

លោក Pham Minh Chinh និងលោកស្រី Kristalina Georgieva បានឯកភាពថា ត្រូវមានដំណោះស្រាយគ្រប់ជ្រុងជ្រោយទាំងផ្នែកនយោបាយ និងសេដ្ឋកិច្ច ដើម្បីធានាបរិយាកាសសន្តិភាព និងស្ថិរភាព។ ភាគីទាំងពីរបានចែករំលែកទស្សនៈថា ប្រទេសនានាត្រូវរួមដៃគ្នាស្វែងរកកម្លាំងចលករថ្មីសម្រាប់កំណើន ក្នុងនោះមានកំណើនបៃតង សេដ្ឋកិច្ចវិលជុំ និងសេដ្ឋកិច្ចចែករំលែក បង្កើនការចុះហត្ថលេខា និងចរចាកិច្ចព្រមព្រៀងពាណិជ្ជកម្មសេរី លុបចោលរបាំងពាណិជ្ជកម្ម ដើម្បីសម្រួលដល់ចរាចរទំនិញជាសកល៕

តាម vovworld.vn