សេដ្ឋកិច្ចវៀតណាមបន្តរក្សាស្ថិរភាព និងការអភិវឌ្ឍ ទោះបីមានផលប៉ះពាល់ទ្វេដងក៏ដោយ

នេះជាការបញ្ជាក់របស់លោក Tran Van Son រដ្ឋមន្ត្រី ប្រធានខុទ្ទកាល័យរដ្ឋាភិបាល អ្នកនាំពាក្យរដ្ឋាភិបាល ក្នុងសន្និសីទសារព័ត៌មានប្រចាំរបស់រដ្ឋាភិបាល នារសៀលថ្ងៃទី៥ ខែសីហា នៅទីក្រុងហាណូយ។

សន្និសីទសារព័ត៌មានប្រចាំខែកក្កដារបស់រដ្ឋាភិបាលប្រព្រឹត្តទៅនៅទីក្រុងហាណូយ (រូបថត៖ VGP)

យោងតាមលោករដ្ឋមន្ត្រី ម៉ាក្រូសេដ្ឋកិច្ចបន្តមានស្ថិរភាព អតិផរណាស្ថិតនៅក្រោមការគ្រប់គ្រង ហើយតុល្យភាពសំខាន់ៗត្រូវបានធានា។ អតិផរណាបានបន្តនិន្នាការធ្លាក់ចុះរបស់ខ្លួន។ CPI ជាមធ្យមក្នុងរយៈពេល ៧ ខែបានកើនឡើង ៣.១២%។ ចំណូលថវិការដ្ឋក្នុងរយៈពេល ៧ ខែឈានដល់ ៦២.៧% នៃការប៉ាន់ប្រមាណ។ ការនាំចូលនិងនាំចេញបានបន្តកើនឡើង៖ ក្នុងរយៈពេល ៧ ខែកន្លងមក ការនាំចេញសម្រេចបានជាង ១៩៥ ពាន់លានដុល្លារ អតិរេកពាណិជ្ជកម្មមាន ១៦,៥ ពាន់លានដុល្លារ។ គួរកត់សម្គាល់ថា ក្នុងវិស័យកសិកម្ម ការនាំចេញអង្ករក្នុងរយៈពេល ៧ ខែ បានកើនឡើង ១៨.៧% អំពីបរិមាណ និង ២៩.៦% អំពីតម្លៃ។

វិស័យឧស្សាហកម្មបន្តងើបឡើងវិញ។ ពាណិជ្ជកម្ម និងសេវាកម្មបានកើនឡើងយ៉ាងល្អ។ ការលក់រាយសរុបនៃទំនិញ និងសេវាកម្មក៏បានកើនឡើង។ ការវិនិយោគទទួលបានលទ្ធផលវិជ្ជមាន។ ការវិនិយោគផ្ទាល់ពីបរទេសសរុប (FDI) ក្នុងរយៈពេល ៧ ខែឈានដល់ជិត ១៦.២៤ ពាន់លានដុល្លារអាមេរិក កើនឡើង ៤.៥% ធៀបនឹងរយៈពេលដូចគ្នាកាលពីឆ្នាំមុន។ វៀតណាមនៅតែជាគោលដៅទាក់ទាញសម្រាប់វិនិយោគិនអន្តរជាតិ៕

តាម vovworld.vn