លោក Vo Van Thuong ប្រធានរដ្ឋវៀតណាមអញ្ជើញទៅបំពេញទស្សនកិច្ចជាផ្លូវការនៅប្រទេសឡាវ

ដំណើរទស្សនកិច្ចនៅប្រទេសឡាវលើកនេះរបស់ លោក Vo Van Thuong ប្រធានរដ្ឋវៀតណាម ធ្វើឡើងក្នុងបរិបទដែលបក្ស និងរដ្ឋទាំងពីរកំពុងអនុវត្តយ៉ាងខ្លាំងក្លានូវសេចក្ដីសម្រេចិត្ដនៃមហាសន្និបាតរបស់បក្សនីមួយៗ ផែនការអភិវឌ្ឍន៍សេដ្ឋកិច្ច-សង្គម របស់ប្រទេសនីមួយៗ និងសម្រេចបានសមិទ្ធិផលលេចធ្លោជាច្រើន។

លោក Vo Van Thuong ប្រធានរដ្ឋវៀតណាម (រូបថត៖ vnanet.vn)

ទន្ទឹមនឹងនោះ ទំនាក់ទំនងកិច្ចសហប្រតិបត្តិការទ្វេភាគីរវាងវៀតណាម និងឡាវ ក៏កំពុងមានការរីកចម្រើនយ៉ាងល្អប្រសើរផងដែរ។ កិច្ចព្រមព្រៀងរវាងថ្នាក់ដឹកនាំជាន់ខ្ពស់នៃប្រទេសទាំងពីរ និងកិច្ចព្រមព្រៀងសហប្រតិបត្តិការរវាងរដ្ឋាភិបាលទាំងពីរកំពុងត្រូវបានអនុវត្តយ៉ាងសកម្ម និងសម្រេចបានលទ្ធផលសំខាន់ៗជាច្រើនលើគ្រប់វិស័យ។

ដំណើរទស្សនកិច្ចជាផ្លូវការនៅឡាវរបស់លោកប្រធានរដ្ឋ Vo Van Thuong សំដៅបន្ដបញ្ជាក់គោលនយោបាយឥតងាករេរបស់ប្រទេសវៀតណាម គឺយកចិត្ដទុកដាក់យ៉ាងខ្លាំងនិងផ្ដល់អាទិភាពខ្ពស់បំផុតចំពោះទំនាក់ទំនងមិត្តភាព សាមគ្គីភាពពិសេសនិងកិច្ចសហប្រតិបត្តិការគ្រប់ជ្រុងជ្រោយរវាងវៀតណាម-ឡាវ៕

បកប្រែដោយ Thanh Cong