វៀតណាមវាយតម្លៃខ្ពស់ និងមានបំណងចង់ពង្រឹងកិច្ចសហប្រតិបត្តិការលើវិស័យជាច្រើនជាមួយប៉ូឡូញ

នៅក្នុងជំនួបនេះ លោក Nguyen Duc Hai អនុប្រធានរដ្ឋសភា បានអះអាងថា វៀតណាមវាយតំលៃខ្ពស់ និងមានបំណងចង់ពង្រីកទំនាក់ទំនងមិត្តភាពជាប្រពៃណី និងកិច្ចសហប្រតិបត្តិការលើវិស័យជាច្រើនជាមួយប៉ូឡូញ។

លោក Nguyen Duc Hai អនុប្រធានរដ្ឋសភា ទទួលជួបលោក Zbigniew Rau រដ្ឋមន្ត្រីការបរទេសប៉ូឡូញ (រូបថត៖ vnanet.vn)

ចំពោះកិច្ចសហប្រតិបត្តិការសភា លោក Nguyen Duc Hai អនុប្រធានរដ្ឋសភា និងលោក Zbigniew Rau រដ្ឋមន្ត្រី មានបំណងចង់ជំរុញទំនាក់ទំនងទ្វេភាគី ក្នុងនោះកិច្ចសហប្រតិបត្តិការសភានាពេលខាងមុខ នឹងមានការអភិវឌ្ឍជាច្រើន និងលទ្ធផលល្អជាង។ ភាគីទាំងពីរក៏បានពិភាក្សាអំពីកិច្ចសហប្រតិបត្តិការលើវិស័យអប់រំ និងបណ្តុះបណ្តាល វិទ្យាសាស្ត្រ បច្ចេកវិទ្យា ហិរញ្ញវត្ថុ និងធនាគារ។

អំពីបញ្ហាសមុទ្រខាងកើត និងតំបន់ លោក Nguyen Duc Hai និងលោក Zbigniew Rau បានសង្កត់ធ្ងន់លើសារៈសំខាន់នៃការធានាសន្តិសុខ សុវត្ថិភាព និងសេរីភាពនៃការធ្វើនាវាចរណ៍ និងអាកាសចរណ៍នៅសមុទ្រខាងកើត ក៏ដូចជាដោះស្រាយជម្លោះដោយសន្តិវិធី ឈរលើមូលដ្ឋានច្បាប់អន្តរជាតិ៕

បកប្រែដោយ Thuy Anh